#رواية_عاشقة_الليل💫
ليث:ريناد وين ملف الي وصيتج عليه مال شركة .... الي بأمريكا
ريناد:استاذ ممكن اقتراح
ليث:اي اكيد اتفضلي
ريناد:استاذ اني افضل انك انت تروح تسوي العقد بأمريكا وتتطلع على شركتهم مو هم يجوك لان الي راح تسوي راح يوكع الشركة بخسارة اذا طلعوا ناس مو زينين
سؤدد:شلون ناس موزينين مقارية عن شركة .... اشهر شركة والعالم كله وياهم مسوية عقود اشو ممشتكيه منهم
ريناد:استاذ العالم وحد واحنا وحد احنا راح نغامر بربع من اسهام الشركة وياهم واحنا مانعرف بضاعتهم اذا خسرنا لاسامح الله يمكن نروح بيها وخسارة بالشافعات يالله نكدر نرجعها
ليث:اذا كملتي اقتراحج تكدرين ترحين
ريناد:بس استاذ...ماكملت اشرلي بأيده وكالي اطلعي اوي طبهم مرض بدل ماانصحهم ....
سؤدد:شبيك ليث تره شركة معروفة ومحد مشتكي منهم ابد
ليث:سؤدد تره كلامها صحيح واني اتذكر جدي مره سوه عقد وياهم بس راسا كنسله بوكتها محد عرف ليش ولازم من صدك رادلنا روحه لامريكا
سؤدد:ياامريكا بابا هم خل يجون ووفر مصاريف بعدين ابوية هناك مهتم بشركاتنا لاتخاف عليها ..
ليث:شنو ولك ممشتاق لعائلتك
سؤدد:مو هنا الحجي الحجي بالشغل هسه بعدين لعائلتي ليث اذا تريد صدك تسافر سافر وحدك اني هنا باقي
ليث:اوك لعد
سؤدد:شنو اوك اوو ليث سوي الي تريده اني طالع مع السلامه
ليث:طلع سردد واني ضليت افكر بكلام ريناد وعندها حق
ولازم صدك اعرف سرهم شنو وعلى كولتها منريد نورط روحنا ....
ريماس:اجاني ملف بالدوام لريناد منو يعرف ريناد وليش بطبعي ماعندي فضول رجعت للبيت خليت الملف على جرباية ريناد بدلت وسويت غده وي ماما اجتي ريناد ب5....هلو شلونج ريناد اشو تأخرتي
ريناد:اليوم شغل يموت انوب هذا يريد يدخل بصفقة تخسرنا ربع اسهم الشركة
ريماس :وانت شعليج مغثوثة عادي خليهم
ريناد:ولج شلون شعليه اذا خسرت الشركة ربع اسهمها راح تصعد شركة علوان واني اريد انزلها لاسفل السافلين
ريماس:بعدج لساج وراهم
نرمين:دعوفيهم عساهم متهنوا بيها...اكوم احضرلج الغده
ريناد:خل اكوم ابدل واصلي ...اي والله يوم جوعانه
ريماس:صدك رينو اليوم العامل اجه ونطاني ملف وكال هاي لست ريناد ...منين يعرفج العامل ها ها
ريناد:صدك شبسرعة وفتحتي
ريماس:لا شعندي شبي عجب
ريناد:وينه
ريماس:شبيج عل الجرباية مالتج ..دخلت ريناد على الغرفة طلعته وفتحته كدامنا اول ماشوفتها لامي اوارق كلتلها شوفي علمود تصدكوني ...اني ضليت صافنه عليهم واباوع على امي تحجي
نرمين:يمه بنتي عزه العزاه ان شاء الله هالجذاب الله ياخذه
ريماس:شبيكم
ريناد:واني اتبسم نطيتها الاوراق لريماس ريماس اول مشافتهم كامت تعيط
ريماس: لا جذب انتوا متوهمين هذا شخص يريد يوكعه
ريناد: باوعت على الملف بي ورقتين وحده عنوان بيته والثانية رساله كاتبها لؤي انه امه واخته مستأجرهن وهن نسوان فقره
ريماس:الله عليج ريناد كليلي هذا جذب
ريناد:خابري واحجي وياه هسه
ريماس:خابرته فتحت سبيكر .الو شلونك استاذ حسام
حسام:هلا ريماس بشري وافقوا اهلج
ريماس:استاذ انت متزوج
حسام:ها شنو وين لا لا ممتزوج بس انت شلون ومنو كلج
ريماس:باوعت على ريناد وعيوني تصب دمع ...استاذ اسم ابنك علي
حسام:علي شعرفج بي انت منو وصلج هالحجي لا لا شبيج ريماس لاتصدكين بأي واحد
ريناد:شفت ريماس نهارت من البجي اخذت التلفون منها رزلته رزاله غسل ولبس ....ولك عبالك ريماس مو وراها ضهر كاعد تنصب عليها ولك بليله ضلمة عمامي يهججوك من بيتك اذا متعرف العلوان روح اسأل وانت تعرف منو ولك الضهر الي وره ريماس لاانت ولاابوك باوعت على ريماس انهارت من البجي رحت حضنتها وكمت اواسيها امي خطية كابلتنا وكعدت تبجي رحت نيمتها لريماس وبدلت واكلت
نرمين:حبيبتي ريناد الله يوفقج انت حزام ضهرها لاتعوفيها
ريناد:ماما ولا راح اعوفها الا اشوف الشخص الي يستاهلها ويحميها يالله ازوجها وهذا حسام ميستاهل ضفر من اضافير رجليها
ريماس:كعدت شفت ريناد هيج داتحجي رحت حضنتها واعتذرت منها كمنا نسولف
ريناد:الفضل بأكتشاف الحقيقة يرجع للؤي الله يوفقه
ريماس:يو صدك شكد عيب من كالي ضربته كف
ريناد:باجر اعتذري منه او مو باجر خاف يحس حسام بي انوب تصير مشكلة ..اعتذري منه بأي وقت وتشكري نيابة عني
ريماس:شعتذر منه هو اني بعد الي عين اباوع بوجهه
ريناد:لاتحجين وي هذا حسام الله يخليج ريماس خاف يضحك عليج بكلمتين بعد مااكدر اساعدج
ريماس:لا والله رينو والله التوبه بعد احجي وياه وحتى بعد اني بطريق وهو بطريق يكفي بطاقته التومينه الي شوفتيلياها وجنسيته الخسيس جان ناوي يضحك عليه بس الله يخليج الي انت سوبرومن
نرمين:الله يخليكم لبعض ويارب تبقون سوية
ريماس وريناد:ان شاء الله ....
ليث:رجعت للبيت لكيت لؤي فرحان حجالي عن كل الي صار ...هاي اختها فد شئ
لؤي:ولك ليث غير تشوفها جمالها مو طبيعي احلى منها
ليث:الله يخليهن ولك يابه خليني بريناد صدك محجيتلك اليوم علمود الشركة الامريكيا ....
لؤي:اذا انت تشوف كلامها صح فهي صح بس انت ليش متاخذها لامريكا وياك
ليث:انت تشوف هيج
لؤي:اي ايفاد هم تبقى يمك وهم تستفاد من معلوماتها جوز تدري هي ليش جدي فسخ العقد وياهم ...
ليث:والله خوش فكرة راح افكر بيها.
يتبع...
****
شكرا جزيلا لتعليقاتكم الحلوة و اسفة للتأخير اعذروني حقكم عليه ان شاء الله تنزل اسرع 😻 اعتذار خاص من
sara_muslim
لان للاسف اوقات الرواية مو محددة و اتمنالج التوفيق 😻 احبكم
