#رواية_عاشقة_الليث💫
سؤدد:اني ماردت اروح لامريكا لان ردت اعترف بحبي لمياء بس المشكلة هي مداتباوع على شعور قلبي مستحيل لازم اعترفلها ماافوت بعد اي فرصة ومن يروح ليث لامريكا لازم اعترفلها علمود من يجي احدد موعد الخطبه والزواج ...اووو كمت افكر وين هي وين اكو وافقت وليش متوافق شناقصني صحيح اني اكبر منها ب10سنين بس ميخالف نتوالم اخ يالمياء شسويتي بحالي ....
ليث:داومنا ثاني يوم طرحت السفرة على سؤدد كال سافر وسلملي على اهلي ونطاني مفتاح شقته اخاف احتاجها واني عندي شقة بأمريكا بس للاحتياط ..... كتله راح اخذ ريناد ويايه
سؤدد:ضليت اسد وافتح بعيوني ولك راح تاخذها شلون وليش
ليث:شبيك شبيك تره موعد شغل لااكثر مجرد اسبوع ونرجع
سؤدد:ووافقت
ليث:واذا موافقت اخذها غصب
سؤدد:انك الليث وينخاف منك
ليث:ابتسمت وشمرته بالقلم....
ريناد: بعد يومين ليث صاحني للمكتب وكالي اجهز اوراقي ونروح لامريكا اني طرت من الفرح بس مابينت اله وكتله اشوف امي كال السفرة مهمة للشغل ولازم تجين بنفسج ...رجعت لامي ريماس وماما موافقن بس اني مااهتميت وره يوم جهزت اوراقي وجواز سفري ونطيتها اياه وره يومين .. ضبيت جنطتي شفت الصاية الي اشتراها الي حطيتها بالجنطه مااعرف ليش حسيت انه لازم تكون وياي وردت اطلع ماما بعد مابيدها حيلة كالتلي ردلي رقمم ليث لعد وانطيتها رقمه والرقم الدولي من اروح ادزلها اياه ريماس ضلت تبجي وتحضن بيه ووصتني على اشياء من امريكا خرب بحظج ريماس متجوزين الا امريكي تردين هههه
ليث:بعد ما جهزت جوازي وجواز ريناد علمود السفرة امي جهزتلي جنطتي وودعتهم ورحت لبيت ريناد اخذها بنفسي لان امها طلبت ذلك سلمت على امها واخذت ريناد ورحنا للمطار ..........
ريناد:كل الوقت بداخلي شعور مينوصف من اركب وياه نفس السيارة ومااعرف ليش راح تتغير شئ بأمريكا .....
ليث:حجزت بالطيارة درجة اولى كعدت وكعدت ريناد بصفي عطرها يجنن احس روحي راح اكلها اخاف عليها من نفسي طارت بينا الطيارة ورحنا لواشنطن ولامريكا .......نزلنا بالمطار الامريكي رحت لشقتي الي جانت بصف شقة سؤدد انطيتها مفتاح شقتي واني رحت لشقة سؤدد نطيتها رقمي الدولي لان هي طلبته
ريناد:اول ماوصلنا صح جنت خايفة بس مطمئنة لان ليث وياي نطاني مفتاح شقته دخلتها جانت فخمة اكبر من شقتنا واثاثها يجنن رحت بدلت ملابسي لبست برموده وفانيلتها ربع ردن ونمت لليل خابرت ماما وريماس وانطيتهم رقم ليث الدولي دك عليه التلفون ...الو
ليث:لليل ضجت وضل بالي يمها دكيت عليها علمود اطمئن عليها كتلها تعشيتي كالت لا كتلها راح ننزل سويا نتعشه نزلت اني وياها جانت لابسة فستان طويل مافد يوم حسيتها غريبه عليه بالعكس حسيتها شخص عائد الي ولازم اهتم الها تعشينا سويا وصعدنا ننام اني اطمئنيت عليها كتلها اي شئ تحتاجي خابريني ...رحت على اهل سؤدد سلمت عليهم اخوان سؤدد امير اصغر منه ب5سنين وحسن ب7سنين بس امير متزوج وحسن لساه خوات ماعنده بقيت يمهم بالي كله مشغول بيها رجعت من وكت باوعت على باب الشقة مالتها قافلته عندي مفتاح ثاني ردت افتحه بعدين ..ليث هاي عرضك دير بالك عليها مو حاميها حراميها ....عفت باب شقتها ورجعت للشقة مالتي طلعت مبايلي كمت اكلب بصورها واشوف عيونها كمت على جنطتي لساها مرتبت الملابس طلعت الشال مالتها الي جانت لابسته شدت بي جرحي ...ضميته بدون مااغسله علمود يبقى ذكرى منها حاطه بعلبة اشم ريحتها كلما اريدها ...
ريناد:من كملنا عشه رجعت كلبت باوراق الشغل ونمت وثاني يوم طلعنا اني وياه للشركة ...جنت لابسة تنورة قصيرة هو بده يخزرني مااعرف ليش ماحسيت على التنورة رحنا للشركة التقينا برئيسهم حجينا حجي يخص الشغل اخر شئ حددنا موعد الصفقة بعد يومين
ليث:شتكولين ست ريناد موافقة
ريناد:استاذ ممكن انشوف بضاعتهم
ليث:خوش فكرة حجيت وياه علمود البضاعة انشوفها بالبداية ارتبك وكال باجر تعالوا لان اليوم اكو تصليحات
ريناد:شكيت بكلامه بس ماكو عندي حل غير بس ااشر براسي وباجر انشوف شلون
تدبر ..وصلني للشقة وهو راح مااعرف وين اني نمت بس رجعت وماحسيت على شئ
ليث:وصلت ريناد لمكان السكن مالتي ورحت لشركاتنا اشتغلت وي ابو سؤدد وحذرني من الشركة الي دانتعامل وياها اني كلش صرت حذر ومنتظر اشوف بضاعتهم باجر بلكي الكه بيها عيب وابطل مليت من لعبتهم القذرة ....
___________________________
في العراق...بغداد
سؤدد:قررت اروح اليوم اعترف لمياء بالكلية وفعلا دخلت للكلية جانت الساعة 10 انتظرتهم لححد ماكملت محاضرة وطلعت وي صديقاتها الاثنين صحتلها خزرتني واجتني ...
لمياء:شعندك هنا شكو شصاير
سؤدد:ممكن تجين احجي وياج دقايق
لمياء:مو هياتنا دانحجي
سؤدد:لمياء رجاءءا اريد احجي وياج بالكافتريا
لمياء:مااحجي وي شاب غريب
سؤدد:لمياء اني مو غريب اولا ثانيا لمياء اني كلش معجب بيج واريدج على سنة الله ورسوله
لمياء:ضليت فاتحه حلكي الصراحة فاجأني
سؤدد:اول متوافقين اخابر اهلي يجون من امريكا والزواج يتم بعد الخطوبه بشهر
لمياء:نصيت راسي وضحكت ورحت من يمه هذا شبي محدد موعد الخطوبه والزواج ....
يتبع...
*****
شكرا لصبركم لان القصة تتأخر بالتنزيل بس ان شاء الله خلال ايام تخلص و صار تأخير بسبب مشكلة انقطاع الانترنيت ....احب 😘 كم
