#رواية_عاشقة_الليث💫
ريناد:ضليت الليل كله سهرانه موضوع ريماس زاد قلقي صارت ب4صليت وبدلت كعدت ريماس تقرالها شويه واكلت وبدلت وطلعت من وكت للشركة ..
سؤدد:كعدت افكر بلمياء الليل كله منايم من وراها ومن وره تصرفها قررت اروح للجامعة مالتها باجر واراقبها ماادري ليش بس هيج اجاني فضول .....
ليث:واخيرا سيارتي عروستي
لؤي:من صباحية الله مكعدني داتشوفني سيارتك ...
ليث:انجب لك لاتنسى توصل لمياء اني طالع
لؤي:هسه تطلع تره بعدها ب6
ليث:عاجبني افتر بسيارتي ..يالله باي سلملي على ماما
.......
لؤي:كل بالي صار يم الطالبه شسويلها ليث
ليث:شبيك يابه شعليك بيها خل تولي باجر اجيبلك اغاتها...
لؤي:شبيك متفهم اني حبيتها هسه البنات كلهن بكف وهي بكف ..
ليث:اووو والله مفاضيلك من صباحيات الله تتبجبج كبالي شو دوخر اريد اروح ...ابو الحب لاتنسى توصل لمياء ...
لؤي:يوو شخبصتني بلمياء اوصلها والله شبيك
ليث:اي مثل البارحة...انطلقت بسيارتي الحبيبه ....هاي هدية ابوية الي رغم شكد نزلن احدث منها بس مااكدر اغيرها تكول اني وياها عشق ....وصلت للشركة..الدوام يبدي ساعة ب8ونص لهذا مالكيت احد من الموضفين بس العمال دااروح لغرفتي بالشركة انتبهت على غرفة ريناد رحت دااشوفها ماادري ليش اخذتني رجلي لغرفتها ...اتذكرت شلون جانت متوترة والدموع بعيونها وديت لو اضمها لكلبي طلعت التلفون مالتي بيها صورها اخذتهن من تلفونها من وكع بالسيارة صحيح ميحقلي بس عجبني اخذهن من تلفونها دااباوع بالتلفون مااسمع الا صوت وراية
ريناد:دخلت للشركة مابيها احد رحت مباشرة لغرفتي لمحت استاذ ليث واكف ..صباح الخير استاذ
ليث:من كد التوتر مبايلي ضميته بجيبي بدون مااحس ...شتسوين هنا
ريناد:استاذ مكتبي هذا ..شنو سشوي
ليث:لا لا مو قصدي ...بس شجابج من وكت ...حسيت على روحي شدااخربط
ريناد:ليش ميصير
ليث:يالله ابلشي بالمعاملات مال شركة .....الي بامريكا اريد اسوي وياهم عقد
ريناد:من كال شركة ....بأمريكا اتذكرت جدي من سوه عقد وياهم ورادوا يفلسوا لو ما جدي جان فطين ...استاذ راح يجي استاذ مازن علمود تسوي وياه العقد
ليث:اي ليش تتسألين
ريناد:اوك استاذ راح ابدي بالملف
ليث:اوك ماشي ....ردت امشي من يمها انتبهت الي جوه عيونها تعبان ...ريناد بيج شئ
ريناد:وكف كلبي من كال هالكلام ...اول مرة واحد يسأل عني ضليت صافنه بعيونه...
ليث:ريناد اكو شئ مضوجج
ريناد:لا استاذ من رخصتك ..اتذكرت ريماس ..راح تحجي وي هذا الاستاذ لولا ........
ريماس:رحت للكلية وكالعادة جان منتظرني ...ابتسمت اله من بعيد ....هذا استاذ حسام جان يجينا محاظر بس بدلوا وخلوا استاذ ياسر بدله اني مجان عاجبني لان ابو بنات بس من اجه واعترف الي انعجبت بي هو وسيم كلش وفوكاها محاظر عندنا اكيد راح انعجب بي......
حسام :صباح الخير ريماس شلونج
ريماس:هلو استاذ صباح النور
حسام:تره ميصير اضل انتظر جوابج شتكولين مو مليت
ريماس:استاذ اني فاتحت اهلي بالموضوع
حسام:اااهلج؟ انت مو ماعندج غير بس اختج وامج
ريماس:اي استاذ ذولي اهلي ...مبين عليك تعرف كلشي عني
حسام:لعدشلون وشنو جان ردهم
ريماس:امي واختي كالوا تخطبني
حسام:اخطبج ؟
ريماس:ليش انت ناوي غير شئ
حسام:لا لا شنو هالكلام بس قصدي غير لمن تكملين وتتخرجين اجيج اكيد
ريماس:اني اسفة استاذ بس اهلي مموافقين انو ارتبط اذا مو رسمي
حسام:هسه اني ممستعد ..اقصد علمود اخاف يأثر عليج بالدراسه
ريماس:استاذ بس خطوبه ومو زواج
حسام :اي اي اكيد يالله هسه محاضرتج راح تبدي ....ياربي شنو هالزكه كلت استمتع بيها وافوز بالرهان شلون راح اخطبها شكد بايخه اخطبها دولي اذا مااخليج باجر تجيني تتوسلين
لؤي:فتت من الممر وشفت ريماس وحسام يحجون اني كلش ضجت لان هالايام هواي اشوفها وياه وهو وواحد يلعب على البنات معقولة هي هيج سهلة علمود يلعب وياها استغفر الله مشيت من يمها وخزرتها هي انتبهت عليه ....رجعت يم ياسر دانحجي جبت طاري ريماس ....تره بالثالث اكو بنية عيونها خضر وحلوه
ياسر:هاي البيضة الكصيرة ام عيون خضر
لؤي:اي شبيها
ياسر:خطية هاي متراهن عليها حسام ويريد يوكعها ماادري بعد شصار بيها
لؤي:شنو شتكول
ياسر:اي ولك هو وصديقة عزيز متراهنين عليها البارحة سمعتهم يحجون بس مدخلت روحي وياهم
لؤي:اني فار دمي وحسيت بشئ ماادري شنو بس مو لؤي اني اذا مااكشفك على حقيقتك ياخايس ياحسام ......
سؤدد:رحت للكلية مال لمياء شفتها وية نفس البنات وضليت اترقبها اسلوبها كلش حلو وية الطلاب هادئة وماتحجي وي الولد اول مرة بعد تجربتي الفاشلة تجذبني بنية.....
لمياء:جنت داامشي وي صديقاتي وممنتبهة بس صديقتي الي وياية نبهتني على سؤدد كلش ضجت لان هو هنا يمكن دايراقبني بس ليش .....
سؤدد:رحت للشركة واني صافن وعالمي غير عالم
ليث:شبيك شبيك اليوم متأخر وضارب صصفنات شكو كلي
سؤدد:لا لا ماكو شئ اكلك اني كلش ضايج لان وحدي تعال عندي بات اليوم
ليث:لا مااكدر بابا اليوم تعبان واخاف يصير بيي شئ بهل ليل ...ليش متجي انت عندنا
سؤدد:امنيتي هاي
ليث:شنو
سؤدد:ها ...اي عادي اجي
ليث:والله الحجية راح تفرح هواية لان دايما تسألني
سؤدد:شكداحبها الله يخليها والله اني مشتاق لامي
ليث:يالله لاتكلبها دراميات كله شهرين ان شاء الله وترجع لاهلك ....
سؤدد:كملنا الشغل ورحت لبيت ليث واني كلي شوق التقيها....
ليث:فوت عيني لاتستحي
لمياء:جنت كاعدة بالمطبخ لابسة برموده وشادة شعري ذيل حصان واسولف وي ماما واضحك دخل ليث علينا ويخزر ويأشر بيه واني مامنتبهة اله دخل وراه مباشرة سؤدد اني كلش استحيت طلعت من المطبخ مباشرة
ليث:يمه جبتلج اياه لابنج الثالث 😂
ام ليث:هلا بسؤدد شلونك ليش يمه لانشوفك لاتبين بالجذب كول هاي خالتي اسلم عليها
سؤدد:تحجي ام ليث واني بالي كان يم هاي الي انهزمت شعرها يجنن ونوب هي بيضة ولابسة برمودة ...لا خالة والله اعذريني عندي اشغال وحقج عليه
ام ليث:الله يخليك يمه امك شلونها داتخابرها
سؤدد:حمد لله اي اكيد ..تسلم عليج
ام ليث:الله يسلمها يالله دقايق ويجهز العشة مسوين مقلوبة تحبها انت
سؤدد:اي والله وخاصة من ايدج الحلوة
ليث:هاي شنو اجه سؤدد وكسرني واني شمسوتلي
ام ليث:ديالا يمه صيح على اختك خل تجي تساعدني
ليث:فشلتيني كدام هذا القشمر يمه ...هسه اصيحلهها
سؤدد:صاح ليث على لمياء واني منتظرها تنزل رحنا كعدنا بالصالة اجه ابو ليث خطيه تعبان سلم وكعدنا نسولف على الشغل وهواي اشياء وره شوي اجتي الي منتظرها
لمياء:بدلت لبست تراكسود بدل البرموده وشال ونزلت الهم ساعدت ماما وصبينا الطاولة مال طعام وماما كالت صيحيهم رحت عليهم ...السلام عليكم
ليث وسؤدد:وعليكم السلام
لمياء:يالله تعالوا كمل الاكل
ليث:اي والله جوعان ...لمياء وين لؤي
لمياء:اليوم ماادري شبي نايم بغرفته صعدتله ماما كلها اريد انام
ليث:بكلبي كلت يمكن هاي البنية راح تطيره لؤي ...يالله سؤدد كوم نتعشى ...يالله بابا اساعدك
سؤدد:طول السفرة واني عيني عليها حتى ابأكلها اراقبها انتبهت عليه خزرتني فدوه اموت بهل نضرات ابتسمت نزلت راسي واكل لليل صاح ليث عليها انه تحظر غرفه علمود انام بيها من دخلت للغرفة احس بيها شئ حلو طبعا لمساتها بكل مكان .. ... .......
ريماس: ضل يومين حسام ميتصل بيه حجيتلها لريناد ريناد كالت عوفي بعد اذا ماخطبج ماكو لقاء اني كلش تعلقت بي واليوم الثالث وهم ماكو اخر شئ اني عفته وماكمت اقلق او ايصير بيه شئ علموده .
يتبع...
