Chapter 9
Napabalikwas sina Mico nang marinig nila ang sigaw ni Jade.
Pupuntahan na sana nila ito pero bigla na lamang sumarado ang pinto ng silid kung saan sila naroroon. Tinangka nila itong buksan pero ayaw bumukas. Parang may isang pwersa ang pumipigil sa kanila. Biglang umihip ang malakas na hangin. Biglang may isang imahe ng lalaki ang lumitaw sa likod nila.
Tata Isko: "Wag kayong mabahala. Ligtas ang mga kasama nyo."
Mico: "S-sino ka?"
Ivy: "Ang boses nya, sigurado ako, sya ang narinig ko kanina. Sya ang nagsabi sa akin kung sino ang babaeng nasa larawan."
Joysan: "He's a spirit!!"
Tata Isko: "Ako si Tata Isko, naririto ako para sa isang babala! Naririto na si Victor! Hinahanap nya ang ang tao na nakatakdang magkukulong sa kanya! Pinag-iingat ko kayo dahil limitado na ang bawat kilos nyo!"
Mico: "Anong ibig nyong sabihin?"
Tata Isko: "Si Victor, ang Diablong kumakatawan sa panaginip at hinaharap, sya ang aninong diablo ng kamatayan. Pinag-iingat ko kayo sa kanya!"
Mico: "DIABLO?"
Joysan: "Kung gano'n ay tama ang hinala namin!"
TataIsko: "Dito unang nagmula ang mga Diablo. Si Juana na nakatatandang kapatid ng pinakalola ko at ang pamilya nya ang
tagapangalaga ng itim na libro kung saan naroroon ang impormasyon tungkol sa mga diablo ng kamatayan. Bago tuluyang nakubkob ng mga kastila ang lugar na ito ay nagawa na nilang maitakas si Juana kasama ang kapatid nito na si Juancha, ang ina ng aking lola. Dala nila ang itim na libro. Nagtungo sila noon sa bayan ng San Nicholas at doon nanirahan subalit hindi rin nagtagal ay may nakatuklas sa lihim ng itim na libro. Sya ang pinakaunang imortal. Si Hector! Di naglaon ay naging isa na rin syang diablo. Nagawa nyang palayain ang tatlong diablo ng kamatayan. Sinalanta nila ang bayan ng San Nicholas at marami ang namatay. Pero may tatlong magigiting na bayani ang kumalaban sa kanila. Sila ang mga ninuno ko. Sa tulong ni Juana at ng tatlong makakapangyarihang brilyante ay nagawa nilang maikulong ang mga diablo sa isang puno pero namatay rin sila kasama si Juana pagkatapos no'n. Tuluyan na ring naglaho si Hector pagkatapos. Isinalin ni Juancha sa kanyang kaapo-apuhan ang responsibilidad na bantayan ang puno kung saan nakakulong ang mga Diablo. At ako nga ang pinakahuling bantay bago sila muling nakalaya. May mga nagtangka muling palayain sila. Sinubukan ko pa silang pigilan noon pero nabigo ako. Muling naghahasik ng kaguluhan sina Helga, Victor at Sandra. Bawat isang Diablo ay tinutugis na ang mga taong magiging dahilan ng muli nilang pagkakakulong. At ikaw ang hinahanap ni Victor, Mico. Ikaw ang nakatakdang magkulong sa kanya!"
Mico: "A-ako? Pero imposible! W-wala akong alam sa sinasabi nyo."
Tata Isko: "Di mo maitatago ang nakatakda! Nasa iyo ang isang bagay na makapagliligtas sa inyo at sa lahat!"
Sandaling napaisip si Mico. Parang alam nya kung ano ang tinutukoy nito.
May kinuha sya sa kanyang bulsa at inilabas iyon. Ang itim na brilyente.
Blue: "Dude, ano yan!?"
Tata Isko: "Yan ang itim na brilyente! Yan ang naging dahilan kung bakit nakalaya muli ang mga Diablo at ang dahilan din upang sila ay makulong. Ikaw ang napili ng itim na brilyante upang gawin ang nakatakda. Ang Ikulong si Victor!!"
Mico: "Pero bakit ako?! Ayoko! Ni hindi ko nga alam kung totoo nga ang mga sinasabi mo tungkol sa mga Diablo eh!"
Tata Isko: "Alam mo sa loob mo kung ano ang sinasabi ko. Kailangan mong magtagumpay. Hindi lang buhay nyo ang nakasalalay kundi buhay ng mas marami! Kailangan mong bumalik kung saan nagsimula ang lahat!" at unti-unti na itong naglalaho.
