" لماذا اقتربت "

البارت الثاني

احمد : هههههههههههههههههههههه
والله انتي تضحكين نضرت الها بنظرة استهزاء وگلت :
الظاهر السانج طويل ويحتاجلچ تربية جديدة بس انتي الجنيتي على نفسج  درت ضهري منها ورحت وهي بقت تباوعلي بغضب .

عودة للماضي ...
احمد:چنت طالع اني و والدتي وبنتي مينة متوجهين الگرايبنة نباركلهم شايلين ابيت جديد وچان الجو حار كلش
الحجية طلبت مني اجيب الها ماي من اقرب محل
عفت مينة يمها ورحت للمحل لمن رجعت  لگيت امي وحدها
انصدمت گلتلها واني متفاجئ يمة وين مينة
گالت : يمة والله ما ادري يمة التفتت ما لگيتها يمة وين راحت شسوي هسة يمة احمد شسوي وين الگاها لا تنخطف .
احمد : من گالت امي ما لگيتها حرورة الشمس كلها صارت بگلبي رحت اركض بالشوارع واني واتلفت اريد بس الگاها شلون اذا صار بيها شي يا رب الكون اريد تحفظها من كل مكروه امشي واني ما ادري شسوي بقيت تقريباً ساعة ادور عليها الحد ما جاي اركض وادور وشفت بنية من بعيد زغيرة من تقربت شوي عرفتها مينة ، بصوت عالي وبدون وعي صحت : ميننننننننة
رحت حضنتها وشبگتها وشفت يمها بنية شابة من شفتها زاد خوفي على بنتي ما ادري شنو فكرت بس كل ظني تريد تاذيها  رزلتها وهددتها اشتكي عليها بس هي ردت علية وتجاوزت سكتت منها لان مو بحال ارد عليها بهل وقت اخذت امي وبنتي رجعنة البيتنة حتى ما رحنة الگرايبنة .
احچيلكم عن عائلتي وشخصيتي
اسمي احمد عمري ٣٣ متزوج  عن حب عندي بنتي عمرها ٤ سنوات ونص هي روحي من الدنية
مرتي الي هي اسماء  ميتة ماريد اذكر اسباب موتها هسة بس اهلها هم الي كتلوها ، حياتي صارت صعبة بعد وفاتها خاصة انو عافتلي بنية عمرها سنة ماريد ادخل بالتفاصيل لكن شفت هواي بحياتي من هم وظلم بس كل هذا خلاني ابني شخصيتي عندي اربع اخوان واحد شهيد باحداث ٢٠٠٦ وثلاثة ما متزوجين وياي بالبيت الي هم جعفر طالب كلية تربية و كرار خريج هندسة يشتغل موظف بشركة و جواد طالب خامس ادبي
عندي اخت وحدة  متزوجة ابن عمي وعايشة وياه واسمها رنا
اني خريج كلية تربية لغة انگليزي اتخرجت من الدفعة الاولى
واني الان معيد بالجامعة
وي الطلاب طبعي هادء جداً ماعندي ضحك وشقى وياهم
بس بنفس الوقت مو متشدد عليهم اعامل كل الطلاب باحترام
اغلى شي عندي امي وبنتي اصدقائي هواي بس اقربهم الي هادي وعامر و سجاد اصدقائي المقربين اليعرفون كل تفاصيل حياتي  مثل اخوتي علاقتي باخواني ايضاً قوية وبيها احترام .

بعد ما تاهت مني مينة  رجعت للبيت ومينة حچتلي كلشي صار وياها وعرف انو البنية الشفتها وي مينة جانت تريد تساعدها بس هي تجاوزت وغلطت وانا مو من النوع الاقبل شخص يغلط ويتجاوز علية لو مهما يكون ، ثاني يوم رحت للجامعة
واني امشي بالممرات شفت البنية ال شفتها البارحة وي مينة
گلت بگلبي حظچ جابچ الهاي الجامعة مشيت وراها دخلت للكافتريا
بس جانت بين صديقاتها ما گدرت احاچيها
لشوية گامت من يمهم گعدت بطاولة وحدها مدري شتكتب
رحت يمها گالت تفضل الظاهر ما عرفتني
المهم  رزلتها بسبب تجاوزها وغلطها علي البارحة لان مو اني التتجاوز علية مرة واسكت الها  كل ظني راح تخاف
خليت ٢٥ على طاولتها گلتلها هاي فلوس علاج مينة
ما احچيلكم وجهها كل التعابير صارت بيه حواجبها گامن واحد يصعد واحد ينزل  تريد تحچي ما تگدر
درت وجهي ومشيت منها واني احس منتصر لان مبينة خافت  كلش
واني امشي ما حس الا سمعت صوتها (يا همجي )
تفاجئت والشياطين گامت تلعب براسي يعني بعد كل هذا وما تابت
اجت وگفت وگامت تسربت وتغلط وشگگت الفلوس وراحت
درت ضهري منها ( بگلبي گلت هي جنت على نفسها )