" لماذا اقتربت "

البارت العاشر

مسك : تقربت منه و احاول قدر الامكان ما اطلع صوت، وگفت قريب على السرير نايم صفح على الصفحة السالمة وايده جوة راسه
وجهه اصفر چتفه ملفوف من جنت قريبة منه اول مرة اركز بملامح وجهه هلگد حفظت تفاصيل وجهه ، عيونه زغار بس حادات خشمة طويل مو چبير شفايفه مرتبه لحيته خفيفة بشترته حنطاوية صافية
نقلت نظري الچتفه ، هنا جرحه المخلي هيج تعبان صفنت على حالته  اللحظة تمنيت لو ما صاير وياه هل شي
واني اباوع عليه نزلت دمعة حارة وحدة على خدي مسحتها بسرعة
رجعت نظري عليه گلت : استاذي المميز الله يگومك بالسلامة البنتك والطلابك هم ابتسمت ، فجئة فزيت
لا يجي احد لو يكعد و يشوفني درت ضهري وصلت قريب من الباب وماحس الا صوته :
مسسسسسك
اصطكيت بمكاني بس عيوني بقيت مفتحتهن حيل بس ما درت وجهي عليه ما شاف بس ضهري
لا تندارين مسك لا تندارين امشي ، انطي ايعاز الرجلية حتى يمشن بس ماكو خررررب امشي لج امشي رجع صاح : انتي مسك
عاد هنا تحركن رجلية  عل سريع مشيت فتحت الباب ورحت امشي عل سريع ، امشي وفحطانة يا يمة جا انكشفت الحمد لله ياربي الحمد لله ، طلعت من المستشفى اخذت تكسي ورجعت للعيادة كملت امي فحوصاتها اخذنالها العلاج وطلعنة كلنة رجعنة للبيت وي صلاة المغرب
احمد : بقيت وحدي بالغرفة اجة دكتور فحصني وضربني ابرة
نمت نوم خفيف واني نايم احس صوت يمي بس ما ادري الصوت حلم لو واقع عيوني مغمضة سمعت صوت ناعم بي بحة صوت مالوف الي (استاذي المميز الله يكومك بالسلامة البنتك والطلابك )
بقت تتكرر بعقلي هذا صوت مسك متاكد الحد ما فزيت من النوم فتحت عيوني بقوة
نهضت كعدت عل سرير باوعت بنية باتجاه الباب طلع من الساني بدون تفكير مسسسسك
ماحجت ولا اندارت رجعت كلت انتي مسك
بس  راحت تمشي بسرعة وطلعت من الغرفة ردت اكوم وراهة بس
باوعت على حالتي مو مال اطلع رجعت راسي عل سرير فركت وجهي واني مستغرب هي اني متاكد هي بس واقع لو حلم شجاي يصير ،جو الغرفة متروس عطر العطر مو غريب علية والله ابد مو غريب ، مسك اي هذغ عطرها
ابتسمت وكلت : اجت تشوفني وعلي متاكد اجت تشوفني
شوية واجت امي ورنا جايباتن مينة وياهن اجتني ركض وحضنتني وتصيح بابا احبك احبك
حضنتها وبوستها مشتاقلها حيل
انوب گامو يجون اصدقائي يشوفوني و يرحون
اجو الدكاترة الي بالجامعة تحمدولي بالسلامة وراحو
باليل بقى يمي جعفر واجة الدكتور كال باجر تگدر تطلع حالتك الصحية كلش زينة بس جرحك لا تضغط عليه
الليل ماكمت احسه مثل قبل
غمضت عيوني ، صارت بعقلي البنية الشفتها اليوم شفت بس مگفاها متاكد مسك متاكد واقع مو حلم ابتسمت ونمت
ثاني يوم الصبح گعدت اجة جواد جايبلي ملابس حتى اطلع من المستشفى
جعفر : راح نخلص من هاي الاجواء الخايسة الطبيتنة بيها
جواداحمد : ماييك خير
جواد : ولك يا خير ما تكلي وعلي گوة كاض روحي وما زوع
احمد : عمي لا خلفلة عليكم اششش اسكتوا كافي
الكل گام يضحك طلعت من المستشفى صعدنة بسيارة جعفر وصلنة للبيت استقبلتني امي و رنا وعماتي وخالاتي هلاهل وترحيب
تغدوا يمنة وراحو
ورى صلاة المغرب تعشينة والتمينة كلنة سوة
احمد : كرار ماعرفت منو ورى الاطلاق الناري
كرار : والله ياخوية اخذت تسجيلات الكامرة  وعندي صديق ضابط هم راح يساعدني عرفوا رقم السيارة والرمة ملثم  بعدهم يدورون
احمد : ان شاء الله باسرع وقت نلكاه ارد  اعرف شنو السبب
كرار : لو يطير هم نلكاه وداعتك
جواد : احمدد احممدد كوم خوية اجوك خطار استقبلهم
احمد : حياهم الله ، كمت وكفت طلعوا استاذ محمد و استاذ حيدر
استاذ حيدر : سلامات يا بطل
احمد الله يسلمك هلة بيك ابو حسين تفضل
استاذ محمد : شسويت بينة سلامتك بالريش ابو شهاب
احمد : هههههه طبعاً بالريش تفضل خوية تفضل
گعدنة نسولف على الاوضاع والاخبار وسالفة تجر سالفة الى ان
استاذ محمد : اگلك احمد شنو هاي سالفة الامتحان مال قاعة c
يكولون مكلفني بيها مدري شلون ؟
احمد : يا امتحان ؟ والله ما اذكر حددتلهم امتحان
محمد : خاف ناسي ، لان اجتني ممثلة الشعبة وكالت انت محددلهم وگايل اذا صار ضرف روحو لاستاذ محمد
احمد : قاعة c ! هاي قاعة مسك وممثل الشعبة ولد مو بنت
امتحان ! ما محددلهم ، اي استاذ وشگلتلها؟
محمد : گلتلها الاستاذ بمستشفى *** ومتعرض لحادث ومريض
گلتله : والله ما اتذكر من اداوم اشوف شنو الوضع
محمد : اذا تحتاج شي احنة بالخدمة وهسة نترخص منك
طلعوا وراحوا ودعتهم ورجعت صعدت الغرفتي
نمت عل فراش اول شي اجة ابالي مسك
قاعة c قاعتها وممثل الشعبة مو بنت يمكن هي  رايحة حتى تعرف شي عني معقولة ! هههههههه والله يا احمد صرت مو طبيعي عگب باجر لازم اداوم
ابتسمت ونمت
مسك :  هل يومين مرن طبيعيات  اخواني ماكو خبر منهم  مصطفى فاصلي من الكلية مدري شكد
داومت بعيد يوم بالكلية والاستاذ ماكو شگد فهمت بعيني صرت ودي ما اجي ، ثاني يوم بدلت لبست ربع بوت صحراوي وجينز ثلجي وقميص ابيض وشال صحراوي  طلعت للجامعة  دخلت للكافتريا
شربت نسكافيه وبعدها رحت امشي بالممر اريد اروح للمحاضرة
امشي رفعت عيوني فجئة وگفت ، هذا هو بقيت صافنة عليه نص دقيقة ابتسمت وهو يباوع علية و مبتسم اجة باتجاهي و اني رحت باتجاهة  وگفنة و المسافة بيناتنة شي متر
گال : صباح الخير مسك
مسك : ابتسمت وگلتله صباح النور استاذ الحمد لله على سلامتك
احمد : رفع راسه شوية وباوعلي بنظرة ورفع حاجبة گال الله يسلمج بس شلون دريتي
مسك : خررررب هسة شگله صخام
گلت : هااا مو شسمة سمعت الاساتذة يحجون ودريت حبيت اتحمدلك بالسلامة يالله استاذ عن اذنك عندي محاضرة
خليت ورحت امشي عل سريع اريد اوصل للمحاضرة
احمد : بعد ما راحت المحاضرتها  خلصت المحاضرة الاولى قبل لا تخلص رحت الاستاذ محمد وگلتله تعال نتمشة نشوف الجامعة ما گال لا قبل تعمدت افوته من قاعة مسك و استوقفته يم قاعتها بحجة الحديث شفتها طلعت من القاعة وهي ترتب الاوراق البيدها ما منتبهة الوجودنة گلت لاستاذ محمد : استاذ هاي ممثلة الشعبة الاجت عليك مو ؟
محمد : وينها بالله
احمد : هذيج البنية
محمد : اي والله هي استاذ ليش ما تعرفها
احمد : لا اعرفها اكيد بس ردت اتاكد منك
يالله عن اذنك عندي محاضرات
رحت المكتبي واني مبتسم وامشي دخلت للمكتب ضحكت بصوت شوية عالي ههههههههه خرررب يومج مسك والله طلعتي داهية
فركت وجهي بادية واني اضحك احس فرحان فرحت لان رادت تعرف اخباري همها امري تفكر بية و ٩٠٪؜ هي اجتني للمستشفى
مسك : اجة وقت محاضرة استاذ احمد خررب شكد فشلة احسه يباوع علية واني شلون مايعة الله يطيح حظي شبيج اوعي على نفسج
دخل على القاعة مبتسم ،سلم والطلاب بدو يسالونه وين هل غيبة ومدري شنو  هو باوع علية بنظرة مكر ومبتسم
كال ليش ما اجاكم خبر وين جنت ؟
گالوا: لا والله
احمد : يباوع على مسك ويگول جنت مسافر بلبنان عندي دورة
مسك : عززززة هذا شكد چذاب شلون يباوع استغفر الله
زينب : مدت  راسها على مسك من ورى وگالت : لج مسمس نظرات الاستاذ مستمرة عليج
مسك : انجبي
حوراء : خرررب يباوعلج و يبتسم
مسك : ولجن كافي الله ياخذجن
ظل يشرح يشرح وانا اچذب عليكم اذا اگلكم فهمت شي يا اخي الرجال هذا هيبة هيبة غصباً عليج تصفنين بيه
خرررب عقلي الحيوان
خلصنة محاضرات وجاي امشي بالممر اريد اطلع للبيت
لاگاني اني غلست چني ما شفته فات فجاءه كال اخخخ چو چو چو
اني فزيت رجعت عليه
: شبيك استاذ جرح چتفك ياذيك ! اصيح احد يساعدك ؟
احمد : رفعت راسي وضحكت خفيف باوعت عليه مغمض عين ومفتح عين وهي اصطكت بمكانها من شافتني ضحكت گلتلها:
ايييي انسة مسك شمدريج مصوب بچتفي  وضحكت
مسك : گال هيج واني وجهي صار احمر شجاوب يا گاع تسمعيني الله عليج اخذيني طميني بهاي اللحظة  مستحيل ارد عليه مستحيل والله خليت واريد  امشي جان يصيح :
وييين يا ممثلة الشعبة وين رايحة
مسك : فتحت عيوني على وسعهن وباوعت عليه  هنا يعني حتى اذا الساني راد يحجي ما يگدر
احمد : ضلت فاكة عيونها مصدومة متفاجئة مدري شبيها
اني اخذت الفرصة وضليت اباوع بعيونها  يلمعن لمع  اباوع ومبتسم وهي نفس حطتها ما تتحرك
باوعت بالممر اكو كم طالب وطالبات گلت لا يشكون بشي
گلتلها : كافي شبيج اصحي هسة الطلاب شيگولون عليج  يالله رايح اني مع السلامة 
مسك : هذا شحچة ! ضليت مصطكة بمكاني الحد ما حسيت على روحي وطلعت امشي عل سريع اقرا ايات بگلبي اخذت تكسي ورجعت للبيت صعدت فوگ گبل دخلت اسبح بقيت ساعتين جوة الدوش اسبح و ابچي شلون عرف بية
بعد بس مايدري رحتله ياربي كون مايدري المي ينزل علية واني ابچي ليش ياربي ليش خليتني اروحله ليش خليتني اخاف عليه ماريد والله ماريد وعد علية بعد ما سوي شي عيب علية طلعت من الحمام ونمت وشعري مبلل ماگعدت الا المغرب مصخنة وحالتي حالة جابتلي زينة شوربة وعلاج درست شوية ونمت
احمد : بعد ما رجعت للبيت خابرني كرار گال تعال للمركز بسرعة لگو الولد الرمة علينة
اخذت سيارتي ورحت بسرعة دخلت كرار عرفني على صديقه
ضابط 
سلمت عليه وتشكرت منه هواي لان ساعدنة هواي
الضابط : تعال شوفهم هم ثنين تعرفهم لو لا
جابهم شفتهم ولد ما اعرفهم
الضابط : هسة تگدر ترفع دعوة
رفعت عليهم قضية باساميهم وتسجيلات الكامرة دليل واضح
كملنة الاجراءات وطلعنة من المركز
رحت للبيت بشرت امي
صعدت الغرفتي ارتاح واجت مينة
مينة : بابا انام يمك
احمد : فتحتلها حضني وگلتها تعاي بابا تعاي نومتها يمي
مسك : گعدت الصبح جسمي مكسر الصخونة داگتني دگ
بدلت لبست بلوك جوزي بي طول شوية وجينز نيلي  وحذاء رياضي اسود وشال اسود
طلعت واني اطگطگ من البرد وصلت للجامعة محد بيها بعدهم محد جاي گعدت بالكافتريا اخذت لبلبي حار البلاعيمي خلصت طلعت ملزمة اقرا بيها ما حس الا الكرسي انسحب وگعد الاستاذ  احمد
احمد : صباح الخير يا طالبتي المميزة
مسك : خربت والله خربت وحق الله اني ادري بيها خربت درة بكلشي ارتاحي
رديت عليه بصوت مبحوح : صباح النور بس ما باوعت بوجهه
احمد : شبيج مريضة ؟!
مسك : مو شي مهم
احمد : صوتج تعبان
مسك : راسي بالملزمة واجاوبه ، اي من البرد
احمد : دنكت راسي ومثل الي احاول اشوف عيونها وهي مدنگة
گلتلها : شبيج تحچين ومدنگة !
مسك : ماكو شي
احمد : رفعي راسج
مسك : رفعت راسي بس بقوة وباوعتله بنظرة ما مفهومة
احمد : رفعت راسها عيونها حمر مدري شبيهن بس يخبلن
گلتلها : مادام بعد الطلاب ما جايين بس انتي جاية
خل اگلج معلومة
مسك : تفضل استاذ گول اسمعك
احمد : ابتسمت وگلتلها مسك اليزور المريض وهو بالمستشفى لازم ينتظره يگعد حتى المريض يفرح بجيته  وغمزتلها
مسك : شسوي هسة هذا يدري بكلشي خل اغلس
مسك : اي استاذ وبعد
احمد : صحيح من اجيتي ما جبتي وياج هدية ملموسة بس يكفي العطر العفتي بالغرفة
مسك : باوعت بعينه وگلتله شنو تقصد استاذ
احمد : ابتسمت وگلت اقصذ فرحت حيل من اجيتي للمستشفى ولو ما لمحت وجهچ 
مسك : نزلت نظري عل ملزمة وگلتله لا استاذ اي مستشفى غلطان
احمد : ضحكت بصوت شوية عالي
بابا مسك ليش تنكرين ؟!
مسك : رفعت حاجبي و باوعتله  شنو الانكره استاذ !
احمد : جيتج الي بالمستشفى ومچذبة على استاذ محمد وگايلتله انتي ممثلة الشعبة وسالئلة علية الحد ماعرفتي المستشفى واجيتي الغرفتي وانا نايم وعبالج ما شفتج ، احچي واني اباوع عل طاولة وكل شوية استرق النظر الملامح وجهها
مسك : هه استاذ منتبه انت جاي تضغط علية
كل الكلام الگلته مو صحيت اخذت ملازمي وكمت من الطاولة
احمد : صحيح كلشي بس بالايام راح نتاكد ونطلع الشي الظامته حضرتج
مسك : خليت ورحت من يمه گلبي يدگ بسرعة ادية ترجف
منين طلعلي هذا منين امشي اريد اطلع من الكافتريا وراسي فجاءه
طخ بايد رجال ممدودة .....