" لماذا اقتربت "

البارت السابع

احمد : لان زحمة عليك گاعد بمكان بنت وبنص بنات واذا تجادل اكثر تطلع برا المحاضرة ...
مصطفى : بس استاذ هاي البنت مو اي بنت هاي حبيبتي والكل يدري وبعد كم يوم تصير خطيبتي (يحچي وهو مبتسم )
احمد : بعد السمعته متاكد شوه سمعتها بقاعتها فار دمي براسي
اباوع القاعة كلها گامت تتهامس اتقربت من مصطفى بخطوات
جريته من ياخته وطلعته برا القاعة وبصوت حاد :
ممنوع منعاً باتاً تدخل محاضرتي وهذا مجرد عقاب بسيط لان تدخل امور شخصية ولان تشوه سمعة بنت من قاعتك ، باوع بوجهي وبتسم كال : مو مهم محاضرتك المهم الكل درة بمسك الي ،
اعترف هنا ما بقى دم بجسمي ما ادري الغضب السيطرت عليه
رجعت عليه لويت اديه على ضهر هو ناعم حتى جسمه مو مال زلم
لويت اديه وسحلته سحل للعميد
احمد : استاذ العميد الكل لازم يلتزم بقواعد الحرم الجامعي
هذا الطالب اكثر من مرة ضايق طالبة بقاعته مو بس هيج
اليوم شوه سمعتها كدام كل الطلاب وحچة عنها بغيابها
واكثر من مرة يدخل اموره الشخصية بامور الجامعة
ويجوز هو ما يدري
واحد من جماعته اجة وگالي بالحرف الصريح
هو متراهن وي اصدقائه على بنت وحالف يوگعها ويشوه  سمعتها لان ما منطيته مجال  واذا يريد هسة اجيبه واخليه يشهد
العميد : ماكو داعي تجيبه يشهد استاذ احمد انت وحدك كلامك ثقة
وكلنة ندري بمصطفى وبسوالفة المكسرة
عوفه يمي هسة اتفاهم وياه الظاهر مشتاق للعقاب
احمد : گدامك استاذ العميد هذا الولد ما يدخل محاضراتي اذا ما يصير آدمي ، خليت وطلعت من الغرفة
طلعت بس احس السويته غلط چان لازم اكظه بايدي و اادبه
استغفر الله اعوذ بالله من الشيطان الرجيم
رجعت للقاعة الكل يباوعلي مدري شلون خلصت المحاضرة  المهم عدت على خير 
مسك : بعد ما طلعنة امي من المستشفى مضى اليوم طبيعي
امي بتحسن نسيت الجامعة نسيت المحاضرات نسيت الامتحانات
ردت بس انام تلفوني ما لازمته ابد
بالليل اجيت انام لزمت التلفون شفته مخبوص خبص
رسائل من صديقاتي الگروب مال بنات هم كله رسايل
دورت بالرسايل شفت رسالة من رقم غريب
(الكلية فاهية بدونج انتظرتج تجين ماجيتي ، مصطفى )
باوعت عل رسالة استغفر الله منين جاب رقمي هذا المسربت
مسحت الرسالة وانطيته بلوك
دخلت على رسائل حوراء
دازة كومة ، وينج ليش ماتردين ظل بالي شصاير ...... اخر شي حاچيني لج صارت مصايب اليوم
اني بگلبي گلت يا ستارشصاير
دگيت عليها ما جاوبت گلت باجر اداوم و اشوفها
خليت ونمت
ثاني يوم الصبح جان مطر اول مرة تمطر هل سنة
گعدت الصبح شفت المطر وتفائلت رحت على امي بوستها الكل نايم بس اني مكتوب علية اگعد من الصبح
بدلت لبست فستان ابيض وعليه ستره جلد قصيرة لونها بيجي والحذاء ابيض وحجاب كريمي طلعت للجامعة وصلت للكافتريا لگيت حوراء وصديقاتي الباقيات سلمت عل كل
وحچيتلهم شنو صار وياي
حوراء : لج مسك البارحة صارت عركة بالقاعة بسببج
مسك : اسم الله بسببي خير احچن
زينب صديقة مسك : لج مصطفى گعد بمكانج
مسك : كولي والله 😂😂😂😂 شگد ما يستحي شگال الشواربه گاعد بنص البنات 😂
حوراء : اضحكي اضحكي شوفي الجاي ...
زينب : اجة استاذ احمد گله ليش گاعد هنا
ومصطفى گاله مسك حبيبتي و راح اخطبها والقاعة كلها ضلت تتهامس
مسك : شنووووووو شگد صاقط ضربت عل طاولة وكمت اريد اروحله اشوفه قيمته جرتني حوارء من ايدي وگالت اگعدي مسك افهمي الصار لا تتصرفين غلط
مسك : حوراء عوفيني عوفيتي شتحجين انتي شتصرف وهو يشوه بسمعتي منين اعرفه اني !
زينب : اگعدي لچ مسك بعد هواي حچي ما تعرفينه
مسك : استغفر الله وهاي گعدت احچن
حوراء : من حچة مصطفى هيج استاذ احمد جرة من ياخته وطلعه برا بعدين مدري شحچو واستاذ احمد سحله للعمادة .
مسك : انفضحت .....
شوف الحچي هسة الراح ينحچي علية كله بسبب هذا النذل
زينب : اي والله مسك اليوم فتت من مجموعة بنات وسمعتهن يگولن مسك عاركت الاستاذ وي الطالب مدري شمسويتلهم
مسك : خليت ادية على وجهي
يارب شلون راح اباوع بوجوهم ليش هيج صار شسويت هستوني طالعة من مصيبة
حوراء : مسك انتي ما مسوية شي لا تحچين هيج امشي بزودج ومعليج بحچي الناس
مسك :كمت اريد اروح للقاعة ومدري هسة الطلاب شيحجون علية بس بلحظة حسيت بقوة لان ما مسوية شي غلط محد اله حق عندي
دخلت للقاعة وكل العيون علية قريت ايات ودخلت يا الله عليك
گعدت بمكاني ما اهتميت الاي شي والبنات هم ما عافني
مشت محاضرتين واجت محاضرة استاذ احمد
احمد : رحت القاعتهم اول ما دخلت اجت عيني عليها
بعدين بسرعة شلت نظري منها
مشت المحاضرة بس استرقت النظر الها وجهها تعبان حيل بس
گاعدة ومبينة قوية گعدتها ما بيها انحناء نهائياً
حركاتها متزنة وما تتحرك هواي احس كل حركة تحسب الها حساب ، اجة كل هل حچي براسي وگلت (مميزة هل بنت )
خلصت المحاضرة رحت المكتبي
فكرت اكيد هسة الطلاب يحجون عليها بسبب مصطفى او حتى يجوز بسببي معقولة اني سببت الها مشكلة استغفر الله افكاري بدت تتشتت ومشاعري و افكاري ما عاد تعجبني ....
شوية واندگ الباب ... تفضل
مسك : السلام عليكم
احمد : ابتسمت لا ارادياً بوجهها وعليكم السلام
تفضلي مسك محتاجة شي ؟
مسك : تقدمت باتجاه المكتب تلث خطوات گلتله : زاد فضلك استاذ ،
استاذ احمد اشكرك جداً على موقفك البارحة وياي ما توقعت وجودك بهيج موقف اكرر شكري الك لو ما انت جان سائت الامور اكثر .
احمد : گمت من على الكرسي بس مو بكيفي لا رجلية من وحدهن والله، رحت وگفت گدامها ابتسمت وگلتلها : چنتي كلش تعبانة ما اتوقع بيوم واحد كدرتي تسترجعين قوتج وهسة واگفة گدامي كانما شيئاً لم يكن ؟
مسك : عاااااا شجابني اني عليمن اجيت اتشكر منه خرررب باع شيگول استغفر الله هسة شجاوب رديت : استاذ الحياة مستمرة
احمد : ابتسمت اكثر وگلت ماكو داعي للشكر سويت واجبي
مسك : چنت اريد اتشكر منه لان عاقب مصطفى بس بطلت لان تشكرت منه مرة وحدة رد عليك رد خلة حلگي ينشد
اذا اتشكره مرة ثانية شسيوي
مسك : ابتسمت عن اذنك استاذ ، درت ضهري اريد اطلع
احمد : مسك
مسك : درت وجهي عليه ، نعم استاذ ؟
احمد : مخلي اوراق عل مكتب اخذتهن وانطيتهن الها،
تفضلي
مسك : ابتسمت شنو استاذ اوديهن المكتب العميد ؟
احمد : ضحكت بداخلي وابتسمت كدامها گلتلها : لا هاي المحاضرتين الفاتنج من المادة مالتي
مسك : ضليت متفاجئة من لطفه وياي سبحان مغير الاحوال من حالاً الى حال تقربت منه واخذتهن رفعت راسي باوعت عليه
عيوني اجن بعيونه اول مرة اشوفه بهاي الطريقة !
عيونه ثابتات نظرتهن على عيوني ابد ما تحركن بهذيج اللحظة
عيونه زغار صح ولونهن اسود فحمي بقيت
احمد : اجت تريد تاخذ الاوراق مني اخذتهن ورفعت راسها
عيني طاحت بعينها ، استغفر الله مدري سبحان الله
باوعت بعيونها اول مرة احس اريد ابقى اباوع بيهن ماگدرت اشيل عيني منها عيونها كبار كلش ومسحوبات لونهن بني رموشها مو ثخان كلش بس حدة عيونها كلش تجذب
مسك : بعد ما اجت عيني بعينه مدري شحسيت ههههه شجاي يصير نزلت عيني للكاع وگلت شكراً استاذ خليت وطلعت
احمد : طلعت واني بقيت مبتسم حسيت طاقة ايجابية مدري من شنو هل طاقة ومدري شنو هل شعور
مسك : طلعت من مكتبه امشي بسرعة اريد اوصل القاعتي شنو هاي النظرة اول مرة يصير هيج استغفر الله اعوذ بالله من عيونه اعوذ بالله من شره
رحت للقاعة كملت المحاضرات
خابرني علي گال اني اجي اخذج
اجة علي صعدت وياه اول ما صعدت بدة يحچيلي
علي : مسك اعتقد راح اكلف واحد من جماعتي يحل مشكلة امجد ؟
مسك : شتسوي يعني ؟! هو اله حق بالورث بس مو بهل طريقة
علي : شسوي يعني مسك شبيدي
مسك : اني اگول ننطيهم حصتهم منين ماچان ندبر حصتهم ونسجل البيت باسمك ونخلص من مشاكلهم ومشاكل الورث
علي : ومنين اجيبلهم مسك
مسك : الله كريم علي الله كريم ، امي شلونها
علي : لا زينك الحمد لله نعمة
وصلنة للبيت بدلت صليت وگعدت يم امي چان تگلي : يمة مسك احسج انتي الوحيدة بين اخوتج الجبتچ وعذبتج تحملتي هواي يا يمة
مسك : لا يمة لا تحچين هيج شريد اكثر من الله وانتي يمي ، رجعت كالت : ادري بس اني ما دايمتلج اتاذيتي هواي يا يمة اتاذيتي
مسك : نمت يمها وبچيت لحد ماغفيت ماگعدت الا ورى صلاة العشة صليت وتعشيت درست شوية
امي نامت وعلي طلع وي اصدقائه
اخواتي كلمن ضربت جهالها منوم وچطلتهم 😂
بقينة بس اني وياهن گاعدات شگد فرحت
مسك : اگلجن اجيب كرزات واجي بسرعة اليوم حجة للصبح 🌝
زينة : تعاي لج ما نريد لا كرزات ولا شي
سولفيلنة عل جامعة لا موتج الله عليج سولفيلي كلشي
مسك : شحچيلج ولج الجامعة حياة ومجتمع ثاني
زينة : تغمز وتحچي هم اكو حلوين هناك الله عليج
مسك : باع باع ولج شوكت تثگلين هاي عود انتي المتزوجة😂
اسراء : ولج رجلها ما مكفيها يمكن
زينة : اسكتن ولجن مو حلو والله مدري شبيها امي انطتني اله
والله افكر اجيبله خبطات ☹️
مسك : 😂😂😂😂😂😂
اسراء : اشوفج ما تكتلين نفسج عليه 😒
زينة : ولج هو صدگ وجهه چنه حكاكة جدر
بس والله اني احبه اموت عليه عشگ عشگ 😍😍
تحچي وهي مغمظة عيونها وتسوي حركات باديها
مسك : يحچن واني سكرت ضحك حتى نفسي ما گدرت اجره عيوني گامن يصبن دمع
اخر شي الكل نام نمنة عل گاع بعد سوالف كلش طويلة
گعدت الصبح اباوع على اخواتي صايرات فلم وهنة نايمات 😂
ضحكت كمت گعدت بدلت ورحت للجامعة
احمد : من خلص دوام الجامعة اجيت اطلع باوعت على مسك جاي تصعد بسيارة وياها نفس الشاب الشفته ذيج المرة
ياترى شيصير منها
معليك احمد معليك صعدت بالسيارة ورحت للبيت
سلمت على امي وعلي مينة
بالليل اجت مينة يمي كالت : بابا بابا خدني اياك للجامعة
گلتلها : بابا حبيبي ماكو احد بگدج واني عندي شعل
لحت هواي اخر شي قنعتني ماردت اكسر بخاطرها
وخاصة باجر ماعندي محاضرات هواي بس ثنين
فكرت اخذها للجامعة وبعدها للالعاب
ثاني يوم الصبح گعدت ومينة گعدت امي بدلتلها واخذتها وياي
اول ما دخلنة الجامعة طالبات التمن عليها يبوسهن بيها ومدري شنو
واني عندي محاضرة لازم احضرها
كلفت وحدة من الطالبات تبقي مينة يمها على ما خلص المحاضرة
ومينة كيفت
رحت الشغلي
مسك : رحت متاخرة للدوام لحگت عل نص الثاني مال محاضرة
اول محاضرة راحت علية
دخلت للجامعة رحت للكافتريا اخذت نسكافيه بس ماگعدت بالكافتريا رحتت للحديقة لان الجوة بي برودة وحلو
دخلت الحديقة الجامعة باوعت اكو مصطبة گاعدة عليها طفلة
تقدمت عليها شافتني
صاحت : خاااااااااااالة
باوعت عليها هاي مينة يمة شگد مشتاقتلها
اجتني ركض حضنتني وانا حضنتها وابوس بيها
گلتلها الجو بارد شتسوين هنا وحدچ ؟
گالت ، بابا عافني يم انية والنية خلتني يم انية تانية وعافتني ولاحت
وانا بقيت اتظر بابا
مسك : يروحي تردين اوديج البابا ؟
باوعت علية ابتسمت وغمضت عيونها حيل وگالت لا عوفيني يمج