.. : ليش واگف على راسها جاي تگلك ما تريد مساعدة لو ما تفهم !
مصطفى : بس استا..
.. : تفضل المكانك بدون نقاش
مصطفى : دار وجهه ورجع المكانه
مسك : من چان مصطفى يعرض علية مساعدته لح هواي المشكلة ما اگدر افشله بس الي صار صدمني ما ادري خلال هاي الشهرين كثرن الصدمات ما ادري شنو الوضع
ما حسيت الا صوت استاذ احمد صاح بمصطفى
من الصدمة حتى ما رفعت راسي وشفت الاستاذ بس سمعت الصوت عرفته وجمدت بمكاني ، مصطفى رجع المكانه واني بقيت مصطكة
حوراء : لج مسك بابا مسك كومي فضحتينة گومي اوكفي
مسك : اي اي وگفت بهمس گلتلها حوراء ليش هذا اجانة وين استاذ حيدر ابو المادة راح اتخبل
حوراء : اسكتي هسة اسكتي يل ظيم الطلاب كلها صافنة عليج وعل الي گاله الاستاذ وانتي حايرة ليش الاستاذ دخل بدال استاذ حيدر
مسك : ليش شكال ؟!
حوراء : انجبي مؤقت مسك
احمد : بعد ما حجيت وي الولد الجان يم مسك گلت :
احم صباح الخير اعرف مستغربين شجابني بس الاستاذ حيدر عنده ظرف وما گدر يحظر لذلك اليوم اني امتحنكم ان شاء الله موفقين
احمد : طبعاً اليوم جان اول يوم اداوم بيه بعد ما جنت متخربط ومسك ساعدتني ما احچيلكم شگد ضجت وتنرفزت لان صرت بهيج موقف وهي شخصياً ساعدتني
ثاني يوم ما داومت مو لان مريض لا ابد
لان ماريد اشوفها ساعة احس خجلان منها لان ساعدتني
وساعة احس كرهتها لان ساعدتني
من رحت القاعتها حتى امتحنهم لگيت ولد واگف على راسها ويزعجها سمعت جزء من حديثه وياها
عادة اني ما اتدخل بهيچ شؤون
لكن فرض مساعدته عليها وهي ترفض هل شي چان مستفز الي ما لگيت نفسي الا و اني ارزله ....
مسك : جاي نمتحن واني اذا طلعت عقلي من راسي وخليته بين ادية وادور بيه على معلومات ما الگة اي والله ما الگة هو اني گوة ملزگتهن بعقلي انوب بعد الي صار اليوم ويمتحنة هذا العقدة
لا فلحتي يا مسك فلحتي والله
خلص الامتحان طلعت من القاعة
ماحس الا حوراء وراي وجرتني من ايدي
حوراء :تعاي للكافتريا امشي امشي بسرعة ولج امشي
مسك :يابة على كيفج رحنة للكافتريا بدت تحقيقات حوراء تگلي لج مسك هذا مصطفى واحد ابو بنات لج خرررب شفتي الاستاذ شلون حاچاه علمودج تحجي وهي ميتة ضحك لج مسك كل الطلاب تعجبوا اول مرة استاذ احمد هيج يسوي
مسك : ولج على كيفج حوراء ترى كلشي ماكو كافي فدوة اني بلية هاي وهاي دايخة ويالله اريد اروح للبيت گلت الامي بس امتحن وارجع يالله بيباي بوستها وكمت رحت للبيت
وصلت للبيت امي كاعدة تباوع عل تلفزيون صح امي چبيرة بالعمر بس كله تباوع مسلسلات تركية رجعت لگيتها تباوع مسلسل الارض الطيبة ومسلطنة
سلمت عليها بوستها تغدينة وصلينة ومضى اليوم طبيعي امي حالتها تحسنت شوية باليل خابرت اختي اسراء وگالت باجر جايتنة
فرحت لان اريد اسيطر على محاضراتي نظامي كلش تخربط
ثاني يوم گعدت الصبح مثل المعتاد جهزت الريوگ وامي نايمة ورحت للجامعة يومها چنت لابسة فستان بينسل اسود وسترة كابوي ثلجي وحذاء ابيض وشال اسود
رحت للجامعة حضرت كم محاضرة
اجة وقت محاضرة استاذ احمد
اخذت ملازم حوراء ورحت للكافتريا انقل بالمادة
احمد : رحت القسمهم مثل المعتاد مسك ما تحضر محاضراتي
من انتبهت على نفسي
اني ليش اسوي كل هذا وياها هي طالبة حالها حال باقي الطلاب اعتقد غلطت من دخلت شؤون خارجية بشؤون الدراسة
اترخصت من الطلاب گلتلهم دقايق و ارجع
رحت للكافتريا شفتها من بعيد گاعدة عل طاولة وتكتب
اللحظة صفنت بيها وشنو لازم اگللها رحت باتجاهها
وهي تكتب جريت الكرسي وگعدت
هي انتبهت رفعت راسها وشافتني
مسك : كاعدة ماحس الا هذا جر الكرسي وگعد راح يرلزني اني ادري والله ادري راح يرزلني بس شنو لا هي هيتة كلمن اله
مسك :نعم استاذ ما اعتقد اسلوب حضاري تگعد بدون ما تستاذن
احمد : اللهم صبرك ، شوفي آنسة مسك اني استاذج تحچين بادب من احاچيج هاي شغلة
شغلة ثانية محاضراتي لازم تحضريهن لان لان اذا بقيتي ما تحضرين...
مسك : قاطعته ، ليش استاذ تريد احضر محاضراتك ؟ حتى تفشلني وما تخليني اشارك باليومي لو حتى امتحن وتخليلي اصفارة ؟
احمد : الي سويته چان عقاب الج ومن حق الاستاذ يعاقب الطالب وانتهى عقابج راح اعاملج مثل اي طالب بالقاعة
واذا بقيتي ما تحضرين الطلاب راح ينتبهون الهل شي ويگولون شمعنة بس محاضرات استاذ احمد ما تحضرهن
مسك : اها استاذ فهمت المقصد يعني ما هامك انو اني ارسب بسبب ظلمك الي هامك خاف يحچون الطلاب
احمد : ضربت عل طاولة وكمت وگفت من وگفت هي هم وگفت وتباوع بعيوني گلتلها : آنسة مسك كلامج الزايد ما يفيدج گلتلج وراح اكرر چنتي بفترة عقاب والعقاب انتهى ، لو عاجبچ تتعاقبين اكثر ! انهي المشاكل وروحي القاعتج هسة گدامي قبل لا اوصل القاعة الگاج گاعدة بسكولج رجائاً حتى ما تسوء الامور اكثر
مسك : راح اروح القاعتي مو خوفاً منك بس ما اريد تعبي يضيع بسبب شخص ظالم مثلك شلت الملازم والجنطة ورحت للقاعة
گعدت يم حوراء
حوراء :مسك شعجب اجيتي
مسك : وليش ما اجي حالي حال الطلاب
حوراء : على كيفج سندس 😒
احمد : دخلت عل قاعة ولگيتها گاعدة الحمد لله سمعت الكلام چا ابتليت بيها والله
بديت اشرح كملت شرح سئلتهم اسئلة هي ما رفعت ايدها
سالت سؤال هي ما رفعت ايدها
اشرت عليها گلتلها تفضلي جاوبي
مسك : سال هواي اسالة كلهن اعرف جوابهن بس ماردت اشارك اخر شي خلاني گدام الامر الواقع كمت وجاوبته بطلاقة
احمد : احسنتي بنتي
مسك : عوذة ، بنته ابو حلگ
خلصت المحاضرات رحت للبيت لگيت صاير عرس
لكيت اسراء هي وجهالها خمسة وياها من دخلت للبيت هجموا علية
خاااالة مسك
واحد يجر بفستاني وحدة اخذت الجنطة مني واحد يجر بايدي
سلمت عليهم بوستهم كلهم بالگوة عافوني
سلمت على اسراء حيل مشتاقتلها
گعدنة سوالف وضحك عل غدة صدگ نسيت هم الجامعة
مسك : اسراء رجلچ شلونه وياج الله عليج
اسراء :تقصدين ابو البنات شلونه وياي
مسك : يااا لج ليش هيج تحجين
اسراء : يمعودة خليني ساكتة والله العظيم مسك ولا عبالك متزوج وعنده وخمس جهال ومرة ليش اني شناقصني مسك
مصاحب علية كومة بنات ويدزلهن ارصدة
ويومية اسمعه يخابر بيهن
مسك : لج اسراء شتحجين وشلون صابرة ما توقعته هيج والله خاف غلطانة اسراء
اسراء :ولح يا غلطانة بالبداية ابجي واحچي عليه بس بعدين خضعت للامر الواقع واستسلمت لازم ابقى متحملة الخاطر جهالي مسك يعني خمس اطفال اتطلگ و اعوفهم
مسك: ما ادري شگلج يا اسراء الله كريم خليج قوية وان شاء الله يتغير بحيل الله واهل البيت
اسراء : يولي اتغير والما تغير يطبه زويهير 😂😂😂
بقينة نسولف ونضحك اني و اسراء وامي نامت
وحچيتلها على امجد وشلون يريد ورث الى ان نمنة
جان يوم كلش حلو لان اختي يمي دائماً احس روحي وحيدة اخواتي تزوجن واني جنت زغيرة هل شي خلاني اتحمل مسؤلية اكبر من عمري طول الوقت احس بالوحدة امي چبيرة ومريضة صح علاوي ما مقصر بس هو يبقى عنده التزاماته لذلك افرح من يجن اخواتي
احمد : بالليل من چنت اريد انام اجت مينة يمي نامت وگالتلي حچي بلهجتها المكسرة :
بابا اني اليد خالة
احمد : بابا يا خالة منيلج خالات
مينة : بابا خالة مك اشلتلي داك ايوم
احمد : مك شنو بابا بالله اكعدي شتردين ؟
مينة : بابا مك مك مثك خالة مثك
احمد : انصدمت من حچيها شعرفت من مسك وتريدها
بابا حبيبتي باجر اخذج للالعاب واشتريلج وكلشي اسويلج بس نامي هسة
مينة :وتوديني المثك ؟
احمد :تعاي تعاي بحضني بايا نامي اششش يالله
بقيت افكر عجيب والله مينة شنو شافت من مسك والهسة تتذكرها وتريد اوديها الها
ابتسمت وگلت يالله ثنينهن اطفال ما يعرفن يحچن
ثاني يوم بالجامعة ...
مسك : صباح الخير حوري
حوراء : صباح النور مسمس مشتاقتلج
مسك : اني اكثر حبيبتي
اوووه حوراء خرررب لج نسيت نسوة
حوراء: شبيج نسيتي نعالج بالبيت ؟ 😂
مسك: 😒 ولي نسيت اشتري اقلام راح اروح اجيب واجي بسرعة
اريد اطلع من القاعة طلعت بوجهي صار مصطفى يباوعلي ومبتسم
تجاهلته ما ناقصة عطلات من الصبح
رحت امشي بالممر واحس خطوات تمشي وراي
گمت اطگطگ من الخوف دريت بيه مصطفى لوما اني بنص الجامعة چان گلت راح انخطف امشي وصارت بوجهي مصيبة ثانية بوجهي صار استاذ احمد وبيده اوراق وهم مبتسم
بداخلي ضحكت على الحظ الاغبر
الاستاذ واگف بوجهي گال :
صباح الخير
مسك : شنو هذا شگال هذا العقدة ؟ يگلي صباح الخير ،
ها صباح النور
احمد : اشوف مصطفى يمشي وراها وهي تمشي سريع وگفت بوجهها صبحت عليها وعيوني تباوع مصطفى
مسك بنتي هاي الاوراق اريد تاخذيها المكتب العميد اذا ممكن
مسك : اي والله هذا العقدة اجة بوقته خل اخلص من هذا الواگف بضهري ، اخذت الاوراق منه ورحت ومناك رحت اشتري اقلام
اقلام الگشرة اي والله
احمد : تقدمت باتجاه مصطفى
وگلت اي يا مصطفى
حبيبي مصطفى تدري هذا حرم جامعي وتدري شنو عقوية اليضايق طالبة واني منتبه الكل تصرفاتك ولا تنكر ابني المصلحتك احترم الجامعة واحترم زميلتك ولا تضايقها
مصطفى : استاذ بس
احمد : شنوالبس
مصطفى : استاذ اني احبها من السنة الفاتت واريد اصارحها باسرع وقت حتى اتقدملها واخطبها
احمد :
أنت تقرأ
" لماذا اقتربت "
Romanceقصة تدور احداثها في ارجاء الجامعة بين طالبة تدعي القوة واستاذ لقى من المتاعب ما لقى ليجمعهم القدر في صدف تصنع بينهم الكره والحقد فهل يتحول كل ذلك الى حب ؟
