" لماذا اقتربت "

البارت الرابع عشر

مسك : عبالي طالعين صدگ فتحت باب الاستقبال ونداريت بسرعة حتى اسده بدون ما اشوف منو گاع لعد هو الثول احمر اخضر ؟
رجعت درت وجهي ما لگيت علي لگيت احمد متمدد بالگاع ودشداشته سودة وگاعد عبالك بيت ابوه ما انكر مشتاقتله من شفته ضليت مصطكة بمكاني شبية اصير خوثة من اشوفه
بقيت صافنة دقيقة درت وجهي اريد اطلع لان عيب اذا اجة علي شيگول رحت اريد افتح الباب وصاحني : مسسك
درت وجهي عليه واني لازمة يدة الباب : نعم استاذ
احمد : صدگ الله ما ينسة عباده دخلت للاستقبال اول مادخلت گمت وگفت اريد احچي وياها مشتاق الكلشي بيها صوتها ونظراتها وابتسامتها وحدة صوتها وادري هي مو بالي بس الگلب وراد!
رادت تطلع صحتها التفتت علية وگالت نعم رحت تقربت يمها
وگفت گبالها وگلتلها : مشتاقلج !
هي فتحت عيونها حيل ودنگت راسها اني ارد اشوف عيونها وهي بس مدنگة خليت اصبعي جوة حنچها ورفعت راسها خلت عيونها بعيوني عيونها مليانات دمع بس هنة هنة نفس جمالهن والدموع مازادتها الا حلاة لو بيدي احضنها ما ادري اذ هي تريد قربي منها لو لا قربت منها شوية بست راسها و وخرت منها گلتلها : البگة براسج باباتي ادري بيج هسة تمرين باصعب الظروف بس هذا (اشرت على گلبي ) هذا هم متعذب وياچ وهذني دموعج الينزلن على خدودج جمر بگلبي اتمنى تبچيهن بحضني
مسحت ادموعها بايدي وهي بس تباوع بوجهي ودموعها تنزل عيوني دمعن عليها بس درت وجهي بسرعة انوب رجعتلها گلتلها : ديري بالچ على نفسچ مو تاذين روحج لان اكو بشر ثاني يتاذة وياج
مسك : اروح لا يشوفنا احد استاذ عن اذنك
احمد : دارت ظهرها تريد تروح لزمت ايدها گلتلها : مسك رقمچ عندي تقبلين اراسلج ؟
باوعت بعيوني وهزت راسها بمعنى اي وراحت
محبوبتي شفتها واخيراً صدگ ما شبعت منها بس اهم شي شفتها
مسك : بعد الصار طلعت من الاستقبال اتنفس بسرعة على مخنوگة على فرحانة ما ادري شنو السبب وشنو گال گال رقمي منين جاب رقمي رحت الغرفتي نمت وغطيت راسي بالبطانية ولميت رجلية وصرت اتخيله طوله وهيبته وحچيه يممممممة هذا هو لو غيره
ياااا گال مشتاقلج مشتاقلي انوب تذكرت من باسني من راسي من تذكرت كمت گعدت عل چرباية خليت ادية على وجهي واضحك وابچي گلبي يگمز مدري شبيه بعدين حسيت گلبي يردد احبه احبه والله احبه افرح بشوفته واشتاقله هواي اشتاقله هنا حسيت روحي هديت گلت يمممة وينچ هسة وتشوفيني واحچيلچ كلشي
بقيت شوية بغرفتي صارت الصلاة صليت ورحت وي اخواتي نحضر العشة گعدت اسوي زلاطة صفنت شوية عل زلاطة !
گلت بصوت مسموع : هسة هاي الزلاطة راح ياكل منها استاذ احمد الاول ماشافني عاركني والي هو نفسه يدرسني !
زينة ، اسراء : شنووووووووووووووووووووووووووو
مسك : اسم الله شبيچن شكو !
زينة : شگلتي ولج شنو الزلاطة ياكل منها استاذ احمد ؟!
مسك : ههههههه شنو زلاطة ويا استاذ احمد هذا ؟
اسراء : انچبي هستوچ تگولين هاي الزلاطة راح ياكل منها استاذ احمد
اجت زينة كومتني من الگاع ولزمتني بثنين اديها تحجي وتغمز : شو گومي ولچ شو استاذ احمد ماخذ عقلج وتفكرين بيه حتى وي الزلاطة
اسراء : ههههههههههههههههههههههه خرررررب يومچ مسك حتى رومانسيتج مدري شلونها وي الزلاطة
مسك :موقف لا اُحسد عليه هسة شحچي شگول بقيت بس ادور براسي واتبسم اخر شي گلتلهن : شبيچن اخذتني حاصل فاصل اكو شيف يطلع على قناة فتافيت اسمه احمد ويسوي زلايط واني هاي الزلاطة اريد اسويها مثل اليسويها هو ففكرت اذا هو اذا يضوگ الزلاطة الاسويها يظل يظحك علية ههههههههههه
شو هاي زينة عافتني وگالت : اهمممداچ اي والله واني كيفت عبالي شوف شنو
اسراء : اي والله حتى اني خايبة ما ينفرح بيچ كملي كملي زلاطة
مسك : يممممة الحمد لله خلصت بس ذني شگد فطيرات بساع صدگن ، بعدها صبينة العشة اتعشوا وراح احمد شنو ،شو صار احمد عل ناشف ، اقصد استاذ احمد
گعدنة علي واسراء وزينة واني ضلينة نسولف ونتذكر ايام قبل ردت افتح موضوع امجد وصادق بس شفتهم ملتمين ماردت اخرب لمتنة ما صدگت نشوف الابتسامة بالبيت مرة ثاني
بعدها علي راح نام والبنات نومن جهالهن ونامن بغرفتي اني ما جاني نوم بقيت گاعدة الحد ما وصلتني رسالة عل شريحة
احمد : تعشيت يم علاوي سولفلي على اخوانه وشسوو بيه وبعائلته سولفلي على شغله وعلى المسؤلية المتحملها بگلبي گلت : هل اگول مسك عليمن طالعة ، طلعت على اخوها ، بعدها رحت للبيت
وصلت الباب بيتنة لگيت مينة گاعدة بالباب تلعب نزلت من السيارة شلتها وحضنتها وهي تبوس بية نزلتها بالگاع وردت افوت گالت بابا وين چنت باوعت عليها والابتسامة ملت وجهي نزلت المستواها وگلتلها : بابا چنت يم مسك
هي خلت چفوفها على حلگها وفتحت عيونها حيل ومبتسمة من شفتها هيج كمت اضحك بصوت عالي ورجعت حضنتها وهي تضحك گالت : گالت ليش ماخذتني
كلتلها لان راح اجيبها تعيش يمنة وسويت نفس حركتها
هي گامت تگمز تگلي جيبها هسة گلتلها لا اصبري ولا تكولين لاحد واني اجيبها وعد گالت خوش
دخلت للبيت سلمت على امي وصعدت الغرفتي سبحت وبدلت وارتاحيت شفت شعندي من شغل مال الجامعة كملت بسرعة
جريت التلفون ونمت على الچرباية وگلبي يدگ فرحان حيل فرحان ما اگدر اوصف مشاعري تجاه هل بنت بحيث من دزيتلها رسالة گلت بسم الله الرحمانرالرحيم اللهم يسر ولا تعسر بجاه الحبيب محمد وال بيته الاطهار
دزيت : السلام عليكم اني احمد
انتظرت خمس دقايق وهي ماكو شهل عذاب النفسي
مسك : وصلت رسالته بس ضليت محتارة شحچي وياه هو اني من مشاعري تجاهه قوية واحس بروحي احبه بس هو متزوج خرررب يومي شجاي اسوي. صفنت دقايق ورديت عليه
مسك : وعليكم السلام اهلاً استاذ
احمد : اسف الوقت متاخر خاف ازعجتج بس شو تاخرتي بالرد
مسك : لا عادي انت ما تدز لو ما اني قبلت نتراسل
احمد : اي والله
مسك : بس عود ليش عل شريحة ؟ عندي واتساب
احمد : ادري عندچ بس دزيتلج عل شريحة حتى لا تگولين الاستاذ يدور مجاني
مسك : ههههههههههههه اذا انت تريد تخلص رصيدك عل رسايل اني ماريد راح ادزلك عل واتساب
احمد : فدوة للضحكة ، ماشي
مسك : هنا بالواتساب احسن
احمد : مسك
مسك : ها ؟
احمد : كلش اشتاقيتلج
مسك : من گال هيچ اجة ابالي هو متزوج جاي يخون زوجته وياي ما انكر اني احبه بس ما ريد ابني سعادتي على تعاسة بنته ومرته رديت عليه
مسك : شمعنة اني ، مو اني طالبة حالي حال البقية ؟
احمد: لا مو حالج حال البقية تدرين مكانتج بگلبي مختلفة وتعرفين مشاعري لا تماطلين ولا تنكرين رجائاً
مسك : بس اني اعتبرك استاذي فقط
احمد : هههه استاذج فقط هاي جديدة
مسك : لا ماكو شي جديد انت استاذي واني طالبتك
وهل شي چان سابقاً حالياً حتى انت مو استاذي ولا طالبتك لان اني بعد ما اداوم فما يربطنة شي
احمد : اجي وياچ
اذا اني مجرد استاذج ليش اجيتيني للمستشفى ؟
مسك : ماجيت
احمد : لا تكذبين شفتچ وعطرچ ترس الغرفة !
مسك: لا
احمد : لا تنكرين خفتي علية ورحتي كذبتي عل استاذ بس حتى تعرفين اخباري واجيتي للمستشفى وزرتيني وين اكو طالبة تسوي كل هذا الشخص تعتبره بس استاذها !
مسك :وانت شنو تضغط علية لان سويت هيج
احمد : لا ما اضغط عليج بس يا مسك اذا عندج مشاعر اتجاهي ليش تضمينها وتحاولين ما تظهرينها الي ؟!
مسك : لا ماكو هيج شي
احمد : لو تعتبريني بس استاذج من ارفع راسج بايدي تمنعيني وتضوجين ومن بستچ براسچ چان ضجتني ومنعتيني
ما اضغط عليچ صدگيني بس اريدچ تعترفين بانو اني قريب الج
مسك : الاشياء الذكرتها چانت بحالة ضعف الي بعدين استاذ انت مو متزوج شلون هيج تحچي وياي وين تريد توصل وياي ؟!
احمد : ههههههههههههههههههههه
مسك : گلت نكتة ؟
احمد : متزوج لكن زوجتي ميتة من خمس سنوات وانتي احسبي خمس سنوات مل مرتبط ولا مفكر بحب بس هسة گلبي اجة برجليه الج وصار بين اديچ بعد انتي بكيفچ
مسك : يعني ما متزوج استاذ
احمد : لا حبيبتي ما متزوج
مسك : ياااااا شنو هاي شبسرعة
احمد : هههههههههههه ماگلت شي غلط عادي تكونين حبيبتي بس اني مو حبيبچ ولو اعتقد اني حبيبچ بس ماتردين تگولين
مسك : من دريت هو ما متزوج فرحت هواي الدرجة حتى ماسالته ليش مرته متوفية حسيت طاقة ايجابية ملتني حبيت اصراره علية
يجوز الاكثرية ممجربين هل شي بس احساس حلو من يكون الرجال هو المصر عليج ويريد قربچ خاصة اذا كان شخصية قوية وحلوة
مسك :عوفني افكر استاذ
احمد : الج كل الوقت تفكرين بس اريد كلمة منچ تفرح گلبي
مسك : مثل شنو استاذ ؟
احمد : مثل گليلي شنو احساسچ من تكونين قريبة مني ؟
مسك : اگلك الصدگ بس ما تاخذ نظرة علية ؟
احمد : يا نظرة الاخذها عقلج وين انتي بابا
مسك : اوك راح اگلك ، اني كلش احس بالامان من انت موجود وارتاح من دريت بيك انت طردت مصطفى ورزلته حسيتك دافعت عن سمعتي
احمد : تدرين كلماتج ذني يكفني اعيش بيهن سنين ؟
مسك : لعد خل اكمل ، هواي فرحت بوجودك وياي من گعدنة بمطعم هواي فرحت وضحكت من كل گلبي من شفتك ما تداوم بالجامعة كلش فهمت الجامعة بعيني ردت اعرف عنك اي خبر
بچيت عليك هواي كلش هواي بچيت عليك استاذ من  دريت بيك مريض وتعبان كلش بچيت وتاذيت ما ارتاحيت الا من زرتك وعرفت صحتك زينة ، راح تگلي ليش قبلتي من رفعت راسج ومن بستچ ، لان تصرفاتك وياي ماحس بيها دغش ولا حس بيها غاية احسها تنبع من گلبك احسها بسبب حنانك علية
هذا اليخليني ما ارفض قربك منيمي لان حسيتك امان الي استاذ
احمد : بعد الحچي الكتبته الي تندمت لان راسلتها اريدها تگول عذا الكلام بوجهي  كل ذرة بجسمي تتحرك بحب الها الفرح ملاني فعلاً احبها وتاكدت من مشاعرها هنا وبهاي اللحظات اتاكدت لو موت ماعوفها
احمد : صدگيني طول العمر راح ابقى امان الج سواء قبلتي بية كٰزوج او لا بس راح ابقى قريب منح بدون ما اذيج لان گلبي اليحبج مستحيل ياذيج  احساسي هسة ما ينوصف بعد ما تاكدت من مشاعرج اتجاهي خلص گلبي ارتاح والقلق والتوتر راحن مني
على فكرة وعدت مينة اجيبج تعيشين يمنة وانتي بعد افتهميها
مسك : خوش مرتب وضعك هههههههه
احمد : اي والله متلهف مو بايدي
مسك : ميخالف بس انطيتي فترة افكر
احمد : كل الوقت الچ يا سبب السعادة