" لماذا اقتربت "

البارت الثالث

استاااذ !!!!!!
مسك : من رفعت راسي وشفته انصدمت لا رجلية يقبلن يتحركن ولا الساني يحچي شفته فاتح دكم القميص وگوة يتنفس وگاعد عل كرسي ومرجع راسه ليورة  اسم الله شبي هذا بس لايريد يموت
بالف يا الله اتقدمت باتجاهه وكلي ارجف حاولت احاچيه:
بنبرة قلق وخوف گلت استاذ شبيك ؟  لا رد بس يتنفس بقوة
استاذ اگدر اساعدك اصيحلك واحد من دكاترة الجامعة ؟
احمد : افتحي الشباك البخاخ البخاخ هوة اريد هوة
مسك : عرفته مختنگ تدودهت شسوي اساعده لو اروح اصيح احد يساعده لا شنو اساعده نسيت شسوة
غبية مو وكت افكارج حالة انسانية ساعديه
رحت بسرعة فتحت الشباك اباوع على چفوف ادية يرجفن
رجعت ادور بمكتبه عل بخاخ ادور واني مخلبطة ما ادري شسوي
ادور عليه بمجرات المكتب جوة الكرسي والاستاذ قريب مني
ادور واحچي بسرعة وخوف وين البخاخ شنو الموضوع وين ضامه
استاذ اكو واحد بي ربو يضم البخاخ هل ضمة هاي ؟
اخيييييراً
لگيت البخاخ رفعت راسي من جوة المكتب والاستاذ تفس حالته
يتنفس بقوة وراسه مرجعه ليورة
مترددة بكلشي اسويه حيل مترددة خاف اساعده واندم
راح اسوي العلية واطلع من المكتب عسى ما يموت معلية
لا اسم الله خطية عنده بنية
قربت من يمه شفت وجهه صاير ازرگگ حيل
ياربي شبي ،هذا قربت من يمه وخليت البخاخ بوجهه وهو گوة حرك ايده ولزم البخاخ
وخرت من مكتبه وگفت گبال المكتب المدة دقيقة اباوع عليه
شوية نفسه صار طبيعي
هو ما حاچاني ابد اعتقد ما يگدر يحچي
طلعت من غرفته بوجهي رحت للعميد
مسك: استاذي العميد ، الاستاذ احمد صحته مو زينة ومتخربط بمكتبه اعتقد يحتاج مساعدة
العميد: شنووو طيب طيب هسة راح ادزله دكتور شكراً بنتي تگدرين تتفضلين .
مسك: ابتسمت بوجهه وطلعت من غرفة العميد
رحت للسنتر لگيت حوراء وهي مبتسمة بوجهي گالت:
ها صحتي الاستاذ ؟
مسك: ها اي اي صحته
(ماگدرت اكلها شفته متخربط وهاي خطية يعني يجوز مايريد احد يشوفه بهاي الحالة وان كان هو انسان سيء )
ضلينة نفتر واخذنا محاضرات مر اليوم طبيعي
من صار وقت العشة بالبيت جاي نتعشة ورن تلفون امي
امجد يتصل 📞
امي كيفت  وفرحت راساً فتحت خط
امي📞: هلة يمة مجودي شلونك عاش من سمع صوتك
امجد📞 : هلة بيج الحمد لله بخير يمة
امي 📞 : مشتااقـ....... شنو يمة !!!
امجد 📞 : اي يمة والله مثل ما سمعتي اني محتاج واحتاج الورث من البيت ومو بس اني اخوي صادق هم واذا ما بعتوا البيت باسرع وقت اتصرف غير تصرف
امي 📞 : بس يمة ... الو الو ؟؟؟!! سد الخط
امي گامت من عل سفرة تريد تكوم رادت توگع انتجت على ميز الطعام گمنالها اني وعلي بسرعة وسندناها عفنة الاكل واخذنها واحنة سانديها وامتدت عل قنفة
علي : مسك اركضي جيبي مي الامي
مسك:اي اي ، رحت ركض جبت المي شربتها گعدت بالكاع ولزمت ايدها وگلت : يمة ياروحي شگلج هذا الحقير الي اسمه امجد شگالج وهيج سوة بيج احچي وابوس ابايدها وعلاوي واگف وكال اي يمة دحجي شگال رحم الله والديج
امي : اخوكم يريد ورث يريد يبيع البييت ويكول لو اتصرف غير تصرف .
علي : شنووووووو الهل درجة وصلت النذالة اليوم چا متي بسببة اصبرلي يا امجد اصبر اريد اشوف ياورث التاخذه
مسك : من سمعت كلام امي ما استغربت اعرف تفكيرهم وكل همهم الفلوس و الورث بس الله كريم گلت العلي :
اهدأ علي امي مريضة لا تزيدها عليها خلي الامور تهدأ وبعدين نتفاهم
علي : الله كريم مسك الله كريم
مسك : اخذت امي الغرفتها قست الها السكر خوش هابط هبطة !
حسبي الله عليكم من اخوة
ضربت امي ابرة انسولين ونامت
واني فرشت بالگاع ونمت يمها ما نمت بغرفتي  من التعب ما حسيت على روحي نمت بسرعة
ثاني يوم ...
مثل المعتاد بدلت رحت للجامعة بس هل مرة مسطورة سطر
وصلت لگيت حوراء
حوراء:شبيج مسك مو على بعضج
مسك : هههه لا ولج شبية اسم الله
اخذت محاضرتين صار وقت محاضرة استاذ احمد طلعت من القاعة
للكافتريا ادرس شكم مادة
ماحس شوية الا و حوراء على راسي
مسك : اسم الله حوراء شبيج والله گمزتيني شطلعج من المحاضرة !
حوراء : تحچي وهي تجر الكرسي تريد تكعد ، لج يا محاضرة استاذ احمد ما جاي اليوم كلها الطلاب طلعت
مسك : ضليت متفاجئة واباوع بعيوني على حوراء
معقولة شعجب ما مداوم؟
لج حوراء خاف مداوم وما تدرين بيه ؟
حوراء: والله ما مداوم شبيج
مسك : بيني وبين نفسي گلت معقولة بعده مريض وماگدر يداوم ؟ خطية الله يشافية ، اهووو شعلية
حوراء : شبيج ضجتي ولج شنو اشتاقيتي للاستاذ خطية انتي متعودة تحضرين محاضراته كل يوم وهو يعتبرج قدوة الصف 😂 وهم دائماً يخليج تشاركين باليومي 😂😂😂
مسك: خرررب اسكتي لج لا تذكريني 😂😂 راية الله بيضة اذا نجحت بالمادة مالته 😂
حوراء : اي والله انوب اجت امتحانات الكورس الثاني شلون بيج
مسك : الله كريم خليها على الله وبقينة نسولف حضرنة باقي المحاضرات ورجعنة للبيت
طبعاً رجعت لگيت علي يبدل ملابسه يريد يروح للدوام
وامي بعدها تعبانة
علي : مسك ديري بالج على امي اني ما اجي اليوم ولا باجر تدرين بطبيعة الدوام
مسك : الله وياك علي ان شاء الله خير
مضى اليوم عادي مثل المعتاد بس امي بعدها تعبانة واكثر شي بفراشها وتگعد تبچي وتخليني ابچي وياها شبيدي ياربي على هيج اخوان ما بيهم خير شبيدي نمت يم امي للصبح گعدت ساعة ٧
اليوم بس امتحن الامتحان واطلع ما احضر ولا محاضرة
لازم ارجع يم امي
گعدت الصبح جهزت الريوگ الامي
گعدتها من النوم گعدت تريگت قستلها السكر طلع طبيعي
نظفت البيت بسرعة وبدلت لبست قميص ابيض رسمي واسع وتنورة سودة مو طويلة كلش وكعب اسود ا قبل لا اطلع گلت الامي :
يمة ما اتاخر بالجامعة بس امتحن واطلع ديري بالج على نفسج فدوة على ما ارجع سامحيني لان راح اروح
امي : يروحي مسمس كبرت وصارت تدير بالها على امها روحي گلبي ما علية شي اني
مسك : بوستها وطلعت للدوام
وصلت الجامعة لگيت حوراء بالممر
مسك : حوراء بشريني ما امتحنتوا بعدكم مو ؟
حوراء : لج لا امتحنة غير الاستاذ اخذنة اول محاضرة وامتحنة
مسك : لااااا يا ربي وضربت على گصتي بايدي خفيف
حوراء : 😂😂😂 لج شبيج اتشاقى وياج ليش تغمين نفسج بعدنة ما ممتحنين
مسك : گبل ابتسمت وحضنتها  وگلت اووف الحمد لله
حوراء : شبيح اليوم تحضنين بية اسم البنية راح تموت 😂
مسك : وخرت منها وخزرتها 😒 مو صوچچ امشي خل نراجع
گعدنة بالحديقة نراجع  الجو جان حلو هستوه جاي يبرد
راجعنة رحنة للمحاضرة
سلمت على صديقاتي گعدت بالسكول الخاص بية
اجة باتجاهي ولد من  قاعتنة اسمه مصطفى وگف على راسي  باوعت عليه ؟؟
مصطفى : شلونج مسك ليش اتاخرتي اليوم مو من عوايدج ضل بالي عليج
مسك : بگلبي ( چانت عايزة التمت )
تسلم اخي مصطفى لا مابية شي كلشي تمام
مصطفى : محتاجة شي بالامتحان خل اساعدج  يحچي وهو يگلب باوراق الملزمة
مسك : لا اشكرك ما احتاج شي اخي
مصطفى : ليشش خل اساعد...
.... : ليش واگف على راسها جاي تگلك ما تريد مساعدة لو ما تفهم !؟