" لماذا اقتربت "

البارت الثامن

مسك : صراحة فرحت من گالت ابقى يمج احس مشتاقتلها هواي
سالتها اذا بردانة حتى اخذها للكافتريا جوة
گالت لا احب ابقى هنا
مع ذلك رجعت اخذتها للكافتريا امشي وياها ولازمة ايدها  اشترينة ورجعنة للحديقة وگعدنة ناكل  چان تباوع علية وتگول:
خالة اني حبچ
باوعت عليها وابتسمت گلتلها واني اموت عليج
بقينة نسولف اني وياها سولفتلي هواي على روضتها واكثر شي تسولف على ابوها
خلصت المحاضرة الاولى  ردت اروح المحاضرتي
اخذتها من ايدها وگلتلها لازم اوديج هسة البابا و اوروح چان تگول : وديني البابا بس لا تلحين
ابتسمت على كلامها وگلتلها لازم اروح اذا ماروح تكتلني المعلمة
جان تگول : هاااا تكتلج ؟ لوحي بس رجعي
گلتلها ميخالف
اخذتها اريد اوديها الغرفة ابوها  رحت الغرفته دگيت الباب بس ماموجود ، بعد ربع ساعة وتبدي محاضرتي
بيني وبين نفسي گلت هسة يجيني هداد مثل ذيج المرة
اخذتها وادور على ابوها باللمرات
احمد: خلصت المحاضرة  گبل رحت للحديقة حتى اجيب مينة
رحت اباوع ماكو دورت مالها اثر الحديقة بيها طلاب قليل يعني لو موجودة اگدر اشوفها مشيت شفت البنية العفت يمها مينة
گلتلها وين مينة مو عفتها يمج ؟!
گالت : استاذ صارت عندي محاضرة وعفتها يم صديقتي
احمد : اوين صديقتج ؟
گالت : ما اعرف والله بس يمكن هم راحت المحاضرتها
احمد : شنو يعني بنتي وين ليش هل تصرفات مال مزعطة اذا ما تگدرين تعوفيها يمج ليش چلبتي الا اعوفها درا ضهري
ورحت ادور عليها رحت للكافتريا خاف هناك انوب رحت للممرات
ادور واتلفت هناك وشفتها تمشي بس ويامن تمشي ؟
وي مسك
رحت ركض عليها وهي اجت تركض علية نزلت المستواها وشبگتها
مسك : ابتسمت وگلتله ها استاذ بس لا هم تريد ترزلني وانوب تعاقبني وانوب ترسبني
احمد :من گالت هيج استحيت منها بس ضحكت بداخلي كوة لازم ضحكتي ابتسمت وگلتلها لا بعد انتي صرتي مُنقذة انسة مسك
بس مينة شحابها يمج ؟
مسك : لگيتها گاعدة بالحديقة وحدها  گلت بس تخلص المحاضرة الاولى اجيبها الغرفتك وجبتها بس ما لگيتك وهسة انت لگيتها
، تقدمت على مينة نزلت المستواها وبستها وگلتلها :
بيباي حبيبتي اشوفج بعدين ماشي چان تگلي بسرعة تعالي گلتلها ماشي بيباي
درت ضهري ورحت
احمد : مسسسك
درت وجهي عليه وگلت نعم استاذ
احمد : شكراً
مسك : ابتسمت وگلت العفو استاذ
درت ضهري اريد اروح رجع صاح
مسسسك
درت وجهي عليه ابتسمت وگلتله هاا ؟
احمد : هم شكراً
مسك : على شنو هاي الشكراً الثانية ؟
احمد : على اول مرة ساعدتي بيها مسك من وگعت
مسك : فرحت حيل من الشكر الثاني ابتسمت
وگلتله العفو استاذ وگلت عن اذنك لازم اروح بعد دقايق وتبدي المحاضرة مع السلامة
احمد : ابتسمت من كل گلبي وهي راحت المحاضرتها
اخذت مينة الغرفتي وگعدت تسولفلي على مسك
وتگول : بابا خالة استرتلي حليب و كيك وتولفنة اني اياها
احمد : اه صدگ بابا شسولفتو
مينة : عيب بابا توالف بنات
احمد : ضحكت من كل گلبي على حچيها وگلتلها ولج ام السان صارت اسرار وتضمين علية وهي بس تضحك وصدگ ما گالت شحچن
مسك : اخذت محاضرتين بعدها اجاني اتصال من صديقة وياي من الاعدادية گالت اني قريبة على جامعتج بفلان مطعم اگدر اشوفج
گلتلها اي اكيد
طلعت من الجامعة ورحت للمطعم الي ححدنة بي لقاء
دخلت لگيتها گاعدة من شافتني وگفت وسلمت علية
گعدنة وبقينة نسولف الى ان گالك : مسك عيني الجهال عفتهم يم ابوهم لازم ارجع ، گلتلها عادي گلبي بس دائماً خلينة على لقاء ودعتها وراحت
بقيت گاعدة وحدي المطعم چان حلو نظيف بسيط ومرتب
طلبت نسكافيه
وطلعت الملازم جان اكو عندي موضوع لازم انقله بقيت اكتب بيه
وشربت النسكافيه واجة النادل گال : انسة تطلبين شي ؟
گلت : لا تسلم بس گلي عادي ابقى كاعدة الحد ما اخلص البيدي مو ؟ ،گال : اي طبعاً تشرفينة
بقيت گاعدة انقل بالكتابة ......
احمد : خلصت شغلي بالجامعة جان عندي بس محاضرتين وانطيتهن وطلعت
سالت مينة : بابا مينة جوعانة ؟
مينة : اي بابا جوعانة بس اريد العاب
گلتلها خوش اخذج ناكل وبعدين اخذج للالعاب
اخذتها صعدتها بالسيارة يمي بالصدر
اعرف مطعم كلش نظيف ومسافة كلش قليلة تبعدنة عنه
وصلنة بعشر دقايق
نزلت مينة من السيارة ولزمت ايدها ودخلنة للمطعم
اول مادخلنة من الباب  مينة فلتت ايدي وراحت تركض وتصيح
: خاااااالة  ، باوعت لگيت مسك گاعدة على طاولة بالمطهم وتكتب
ومينة  راحت ركض عليها  نظري بقى على مسك
رفعت راسها بتعجب ومن اجت مينة الحضنها حضنتها 
مسك : گاعدة وماحس الا صوت مينة كمزتني خاااالة واجتني تركض وحضنتني رفعت راسي شفت ابوها  واگف بالباب ويباوع علينة  ، حجيت وي مينة : هلة گلبي
جان تگول خالة خالة خل نكعد سوى
گلتلها گلبي انتي گمت وگفت وگعدتها على كرسي
بقيت واگفة اجة ابوها باتجاهنا ويگول : مينة بابا عيب خالتج جاي تدرس ما يصير هيج
مسك : لا استاذ عادي فرحت من شفتها
مينة : حباب بابا حباب خل نبقى سوة
احمد : بابا ما يصير هيج نزعج مسك
مسك : لا تكسر خاطر البنت استاذ  اتفضل انت استريح اذا تحب
احمد : يجر الكرسي ويگعد ويگول خاف اسببلج ازعاج
مسك : بالعكس استاذ
گعدنة واحمد گعد گبالي ومينة گاعدة بصفي وبصف ابوها
احمد :شنو كاعد تدرسين ؟
مسك : گاعد اگبالي بضخامته ويسالني ههههههههههه والله سالفة تضحك هاي عود شلون راح اجاوب بدون ارتباك
گلتله : هاي محاضرات فايتتني جاي انقلها
احمد : اهاااا
صحت النادل وسالت مسك ، تطلبين شي ؟ گالت لا
وانا ما طلبت
بس طلبت بيتزا المينة
جاب النادل البيتزا المينة والتهت تاكل ومسك تنتبه الاكل مينا اذا تتلف نفسها لو شي بقيت اباوع عليها فجئة رفعت راسها اجت عينها بعيني راساً نزلت عيني غيرت الموضوع وسالتها
مسك اشو هواي تفوتج محاضرات ؟؟
مسك : هاااا شلون عرفت ؟
احمد :على طول اشوفج بالكافتريا گاعدة وتنقلين
مسك : مرات اتاخر عل محاضرات الاولى لو يكون عندي ضرف وما احضر ولا محاضرة بس امتحن واطلع  وغيابات هم عندي
بالبيت ما الحگ فـ انجبر بالكلية اكمل ..
احمد : وشنو سبب هل تاخر والغيابات بس المتزوجات والعدهن اطفال تكون حالتهن مثلج
مسك : اي والله استاذ شسوي بعد هي هاي الضروف
احمد : فتحت عيوني حيل گلت بصدمة : شنو يعني هي هاي الظروف يعتي متزوجة وعندج اطفال ؟!!
مسك : هو حچة هيج لو انا سكرت من الضحك خليت ايدي عل طاولة وچف ايدي على عيوني واضحك من كل گلبي شگد عيب ضحكت شگد
خلصت الضحكة وگمت اگح وعيوني دمعت باوعت بوجهه ولگيته هم سكران من الضحك خررررب شجاي يصير
اخر شي القفلة باوعت عليه وعيوني مدمعات وهو ميت ضحك
ماحس الا مينة تباوع علينة وتضحك بصوت عالي وبعد ضحكة اطفال خررررب 😂😂😂
صدگ بعد ما سيطرت على نفسي كمت اضحك واگح احس وجهي راح ينفجر بس اعتقد اني ما اضحكت لان گال متزوجة اضحك لان شفته يضحك بدون سبب ومينة تضحك ويانة بدون سبب
اخر شي حسيت على نفسي هديت شوية شوية
باوعت عليه ساكت ما يضحك بس يباوع بوجهي
طارت الهيبة والله
گلت : احم احم اسفة من صدگ
احمد : من گامت تضحك ضحكت بهستيريا اباوع تلقائياً كمت اضحك وياها بدون سبب لشوية صفنت بضحكتها
گلت بصوت شبه مسموع بس هي ما سمعت (شگد حلوة)
بقيت اتامل عيونها ابتسامتها وتذكرت من شفتها بالمستشفى عجيبة والله باوعت بوجهي بعد ما سكتت شافتني اباوع عليها
گالت : اسفة
بس اني ما متزوجة ولا عندي اطفال ظروفي شوية تختلف
احمد : وشنية ظروفج مثلاً
مسك : يعني امي ينرادلها عناية واني لازم ابقى يمها
احمد : ليش ماعندج اخوات او اخوة ؟
مسك : عندي بس متزوجين كلهم واخوية واحد ما متزوج بس يداوم وهواي ايام يبات برا البيت
احمد : شنو مرض امج
مسك : سكر و ضغط
احمد : زين و ابوج ؟
مسك: ابوي وذبت حسرة وگالت ابوي متوفي
احمد : اسف الله يرحمة ان شاء الله
مسك : تسلم استاذ وابتسمت
احمد : اعتقد حياتج بيها صعوبة
مسك: من يا ناحية ؟
احمد : من ناحية المسؤلية و الوحدة احس شايلة مسؤلية انتي مو گدها وايضاً كونج وحيدة واخواتج واخوانج بعيدين عنج
(حچيت هيج لان حسيت اكو كلام وحزن داخلها ردتها تحچي )
ذبت حسرة وباوعت على صفح على الشارع من الباب
وگالت : هي الحياة لازم تكون هيج استاذ
احمد : شلون يعني ؟
مسك : يعني استاذ لازم تكون صعبة ومشاكل وشدد ولازم بالدرجة الاولى يكون اكو صبر .
احمد : تقنعيني انتي مرتاحة وما بودج وضعج يصير افضل ؟
مسك : استاذ ماكو واحد ما يحس بلحظة ضعف انو هو مو گد المسؤلية وانو هو تعبان ويائس بس بلحظة الله يرسله قوة يخلي عينه تنفتح على هواي اشياء
مثلاً اكو بنات امهاتهن مريضة ما يگدرن يجيبن علاج الامهن
ولا يگدرن يدرسن وماعدهن اي وجل بالعائلة
هواي اكو ناس بالحياة تخليك تاخذ العبرة وتستمر على قوتك وعلى صبرك .
احمد : تحچي واني مسلطن على حچيها لبقة حيل وعدها حكمة مال عمر الخمسين مو عشرينات
گلتلها : فعلاً كلامج صحيح
دائماً خليج قوية ما يلوگلج غير القوة والهيبة عزيزتي
مسك : شكراً استاذ
احمد : بابا مينة خلصتي حتى نروح
مينة : اي خلصت اخدني للالعاب
يالله گمت وگفت ومسك وگفت گلتلها كلش ممتع الحديث وياج
مسك : تسلم استاذ
احمد : عن اذنج وعدت بنتي اخذها للالعاب ولازم اوديها
مسك :اذنك وياك
مينة : خالة تعاي ويانة
مسك : نزلت المستواها وگلت وعد حبيبتي غير مرة هسة لازم ارجع للبيت لان ماما تكتلني اذا اتاخر
مينة : خوس بس تاخديني
مسك : اي والله يالله حبيبتي بوستها وابوها اخذها وطلعوا
ورى ما طلعوا بعشر دقايق
اني طلعت اخذت تكسي ورحت للبيت
وصلت لگيت كلشي كامل البيت نظيف الطبخ كامل امي كاعدة  وداير مدايرها الجهال و اخواتي
دخلت وصحت : يابة اخواتي تطلكن من رجولتجن واكعدن يمي الله عليجن 😂😂😂
كلهن كامن يضحكن
سلمت على امي وبوستها وصعدت بدلت صليت وگعدنة كلنة نتغدة بعدها صارت دنية ضهر والجو بارد وحلو
گعدت افكر اول شي اجة ابالي الاستاذ
سبحان الله اول ما التقيت بيه چان ولا عبالك هو واليوم جنة كاعدين وضحكنة ونسولف صدگ البشر معادن
ما لازم نحكم من اول مرة
غمضت عيوني بس اجت براسي صورة عيون الاستاذ من صفن بعيوني ، فتحت عيوني بسرعة وگلت استغفر الله استغفر الله
اعوذ بالله من شرهن
رجعت غمضت هم اجن براسي
كمت من فراشي وطلعت الكتب وكمت ادرس حتى اتجنب هل شي
احمد : اخذت مينة ورجعت للبيت دخلت سلمت على امي واني مبتسم گلتلها شلونج حجييية
گالت : هلة بيك شهل وجه البشوش اليوم
يمة عساك دوم بهاي الضحكة
ضحكت وصعدت الغرفتي
احس براحة اليوم ما ادري احس اكو شي بداخلي جان مكبوت وهسة بدة يضهر
نزلت اتغديت وي امي  دقايق
وسمعنة صوت اطلاق نار كلش قريب من البيت
لحظات وعرفت جاي يطلقون نار على بيتنة بحركة سريعة حضنت مينة وامي ودنگتة جوة ميز الطعام
مينة تصرخ وتبچي وامي اصيح دخيلك يا الله
اني ما گدرت اتحرك اي حركة ممكن تكون خطر علينة
جام الشبابيك كله تفلش  وطاح بالكاع  لحظات ماحسيت الا حرورة اخترقت چتفي بصوت  عالي صحت :اااااااااااااااااااااااخ