" لماذا اقتربت "

البارت السادس

احمد : واني واگف اترقب مسك صحيت على نفسي شسوي هنا وليش لحگتها شجاي اسوي ! جاي ادير ضهري اريد اروح سمعت صار صياح باوعت مسك تتعارك وين ثنين ولد من خلال حچيهم عرفت اخوان بس ما توقعت توصل الهل درجة شفت واحد منهم اجة باتجاهها يريد يضربها بحركة سريعة صرت گدامه وصديته
امجد : وخر وخر من گدامي خل اربيها امي ماعرفت التربيتها
وخر ياهو انت طير من وجهي يحچي وهو يحاول يدفعه
احمد : لزمت ايده بقوة وحچيت بهدوء ، هنا مستشفى مو قاعة تعرض بيها بطولاتك وعلى منو ؟؟ على بنية
انا هنا مسؤل عن المستشفى حچاية زايدة اخلي الامن يسحلونكم
صادق : تعال خوية امجد تعال نطلع
امجد : يهددني هدني عليه خل ابرد گلبي بيه
صادق : امشي امشي بعدين اطلعلنة
مسك : من صرت بضهر الرجال والله شي غريب رجال غريب عنده غيرة علية ويحميني من اخواني شي يضحك مو ؟!
بالبداية ماعرفته بس من حچة عرفت صوته اي عرفته هذا الصوت الي كل مرة يطلعلي بمكان ما اتوقعه بيه
تصادد وي  امجد واني بقيت ورى ضهره ما تحركت لا منا ولا منا ما ادري ما گدرت احچي ولا اتحرك ولا شي احلى شي صار انو هو وگف گدامي وما خلاني اشوف وجوههم ولا خلة ايد توصلي
بعد ما طلعوا امجد وصادق وهم يصيحون
هو التفت علية وجهه احمممممرررر بس مع ذلك ابتسم بوجهي
نظرتي اله جانت نظرة تعجب و اعجاب من الي سواه  شجابه هنا وشوصله گالي وهو مبتسم : انتي بخير ؟
مارديت بقيت صافنة عليه ماگدرت احچي
رجع گال : بابا مسك بيج شي اذوج ؟
احمد : احچي وياها ما ترد بس تباوع بعيوني كل نظرها بعيوني
وهي تباوعلي  تجمعت دموع بعينها  وهي بعدها عيونها بعيوني
يومها من نزلن دموعها  صدگ حسيت بوجعها ذاك الوقت حمدت الله لان طلعت وراها  نزلت عيونها للگاع وهي بيها صدمة گعدت بالگاع اتچت عل حايط گرفصت وخلت راسها بين رجليها
وضلت تهز برجلها بقلق ضليت اباوع عليها يمكن خفت عليها لاول مرة ، نزلت المستواها بالگاع 
مسك احچي شي ردي علية ردي بابا
مديت ايدي اريد ارفع راسها بس فزت حيل وخرت راسها بدون ما ترفعه من رجليها
شسوي وياها يارب احتاريت ....
واخيراً اجت اختها
اسراء : مسك مسك شبيج گلبي رفعت راسي على الرجال الواگف يم   مسك  ، منو حضرتك ؟ .. حاچيني مسك شبيج ليش ترجفين
احمد : اختي لگيت ثنين يتعاركون وياها وتدخلت وهي بعد ما راحو وطلعوا نهارت ...
اسراء : شكراً اخوية ، مسك حاچيني فدوة  ردي علية شبيج شصار
مسك : امي شلون صارت ماما وينها
اسراء : گومي گلبي امي ما بيها شي بس كومي وياي خل اخذج يقيسون ضغطج حالتج مو طبيعية گومي شوفي جسمج كله يرجف
مسك : مابية بس انطيني مي ما احتاج شي
احمد : شنييييييييي ما تحتاجين شيييي شايفة نفسج لو لااا؟؟؟
اسراء : اخي ليش تصيح شنو الموضوع ؟!
احمد : استغفر الله ياربي خليت وطلعت ما اتحمل ابقى شجابني عساني ما جيت ولا شفتها وصلت للسيارة بقيت گاعد بالكرسي استغفر الله رجعت نزلت ورحت المكانها
لگيتها كايمة من الكاع گاعدة عل كرسي  ولازمة راسها بثنين اديها
واختها انطتها مي ، رجعت نزلت للسيارة ورحت من المستشفى ..
مسك :  چنت شبه فاقدة جسمي ماعندي سيطرة عليه يرجف وحده بعد الي صار ما اعرف شسوي اكثر شي صحاني هو صوت الاستاذ من صاح بية گدام اسراء ، وقتها شوية حسيت على نفسي اسراء ساعدتني شربت مي رجعت سيطرت على نفسي
اسراء جابت اكل بس ما اكلت ما گدرت
مسك : اسراء خابرتي علي ؟
اسراء: لا ما گدرت اخابره يضل بقلق
مسك : بقيت كاعدة يم باب غرفة امي افكر مدري اتعارك بداخلي يارب اني وين ؟ وين راح توصل وياي ؟ امي اتاذت بسبب اخواني ؟ هه اللحظة چان ماتت بسببهم ؟!!!!
اخواني يردون يضربوني ويحميني رجال غريب
ومنو الرجال ؟!! هه استاذ احمد