عفراء : ولك هاي قناة العراقية شغلتهة مو خالية يمكن وراهة شي
هاشم : انكول الماما لو لا ؟؟
عفراء : اكيد ( ضحكت ) بالمناسبة عرفت شبي زين العابدين ضايج
هاشم : معقولة هي مضوجتة ؟!
عفراء : اي مبينة السالفة .. يلة تعال اقريك عوفهة هاي خلي البسهة
ومرت ايام معدودة واجة اليوم الي رفل عدهة درس يم استاذ زين العابدين و عفراء وامهة ديطلعون للدكتور مال الاسنان وصدفة شافو رفل دتطب واجتي رفل ركض وباست بلسم
رفل : شلونج خالة مشتاقتلج ان شاء الله بخير
بلسم : الحمدلله بالمناسبة طيب عطرج شسمة ؟؟
رفل : ها ؟؟ ما..ماعرف (بتوتر)
بلسم : هاا شعجب مشترية عطر ومتعرفين اسمة ؟؟
رفل : مقبل ينطيني اسمة
بلسم : يلة مع السلامة
رفل : مع السلامة خالة
دخلت رفل للاستقبال
رفل : (يمة وكف كلبي همزين مالكفتني)
عفراء : ماما ترة رفل شغلتهة مو خالية
بلسم : ليش؟؟ .. مثلا شنو ؟؟
عفراء : ماما صدكيني البارحة كالتلي الاستاذ واعدني بالزواج
بلسم : ها؟؟!!!! مستحيل
عفراء : لا ماما صدكيني
بلسم : يلة رح ندخل للدكتور سدي الموضوع
عفراء :(ماما عرفتج مرح تصدكيني واني سويت العلية)
بلسم : (انصدمت من كلام عفراء وحاولت اسد الموضوع لان أذاني وصدمني)
آدم : (وديت امي وعفراء للدكتور بالسيارة ورجعت بالصدفة صار وجهي ع الاستقبال لان جان الباب مسدود ع النص وشفت منظر مو طبيعي اتمنة ترجع بية الدنية حتة ماشوفة شفت زين العابدين كاعد بصف رفل لزك وحاط وجهة قريب يم وجههة وديضحكون سويت نفسي مشفت شي وطبيت للبيت سبحت ورحت صعدت لغرفتي )
"نروح شوية يم بيت مرتضى"
مرتضى : يمة .. رفل البارحة مو كالت ماعدهة درس ليش راحت تدرس ؟؟
تغريد: مادري حتى اني هم كلتلي ماعندي درس
مهند: (حسيت رح يصير شي لمن سمعت كلامهم وحاولت اتأكد بنفسي) بعد شكد ويخلص درسهة ؟؟
تغريد:(باوعت ع مهند وشفت ملامحة تغيرت حسيتة مرعوب وخايف) فد ربع ساعة وتخلص
مهند : (لمن كلتلي ربع ساعة حسيتهة رح تصير ربع قرن لان كلبي محروك كلش وخايف ع بنتي) ماشي
مرتضى : (ضليت صافن ع ابوية هو ويحجي وحسيتة مهموم حاولت اطمنة شوية) لا تقلق بوية مصاير شي ... بس يجوز طلعن عدهة مواضيع صعبة وراحت تدرس
مهند : (ارتاحيت لكلام مرتضى وتمنيتة يطلع صحيح) يصير خير ابني
غدير:(سمعت كلامهم كلة وتمنيت يطلع وهم من خيالهم لان اني اريد الاستاذ من نصيبي ماريدة يصير من نصيب رفل واذا رفل جذبتة الهة اسوي حياتهم جحيم واعيشهم ايام سودة اصبريلي رفل اذا دتفكرين تاخذي .. صرت عصبية كلش واحترك كلبي ورحت اتمددت ع الجرباية والعب بالمبايل)
مرتضى : يمة اني طالع
تغريد : وين ابني ؟؟
مرتضى : يم اصدقائي فد ساعتين واجي
تغريد : ابني المغرب رح يصير واصدقائك بعيدين اخاف عليك
مرتضى : لا لتخافين ميصير شي .. يلة ثيمالا
تغريد : الله وياك ابني
مرتضى : (رحت يم اصدقائي واخذنة صديقي امير بسيارتة فرفرنة )
امير : اكلكم خلي ينزل واحد يجيبلنة عصير
باقر : اوكي .. اني رايح
"بيت ابو زين العابدين .. بعد ساعة .."
بلسم: (ضليت الطريق كلة افكر بكلام عفراء واسودت الدنية بعيني لان اني ماحب رفل تصرفاتهة متعجبني ومن كد مافكر حسيت نفسي دخت)
عفراء : (دامشي وية ماما بشارع الدكتور وحسيت ايد ماما ع جتفي والتفتت عليهة شفتهة حاطة ايدهة ع كصتهة قلقت عليهة حيل) ماما شبيج خوما صار شي ؟؟
بلسم : (كامت الدنية تفر بية وعيوني غوشت ومفتهمت كلام عفراء لان احس نفسي بغير عالم) اريد مي (بلكوة طلعت كلمات احس نفسي خرسة)
عفراء : اي .. اي ماما تعالي كعدي اهنا واني دقيقتين اجيب مي واجي (كعدتهة ع كرسي مال احد المحلات استأذنت وكعدتهة ورحت اجيب مي .. جنت حيل قلقة ع ماما ومردت اعوفهة وحدهة لذلك كمت اركض والدمعة بعيني وجان انضرب بشخص و وكعت بالكاع راد يكومني دفعتة واتنرفزت كلش ووكفت ع حيلي وكمت اصيح علية) متشوف ؟؟ انتة اعمة لو احول ؟؟ شكد متستحي
باقر : ( نزلت من السيارة ورحت لابو العصير وجان بنية تجي تركض ونضربت بية ووكعت حاولت اساعدهة تكوم بس دفعت ايدي وكامت تصيح علية) اعتذر اختي
مرتضى : ( سمعت صياح البنية ضجت لان حسيت بيهة سليطة ونزلت من السيارة ونزل وياي امير و ماجد رحت عليهة ضربتهة راشدي )
عفراء : ( حطيت ايدي ع خدي .. اليوم لو اني لو انتة صحت علية بعصبية ) ليش تصير مستهتر ؟؟ اني اعرفك تعرفني حتة تمد ايدك علية ؟؟ ها ؟؟
مرتضى : احترمي نفسج وولي منا
عفراء : لا والله ؟؟ ليش اني خايفة منك ؟؟
مرتضى : (اتقربت عليهة ردت اضربهة جان باقر و ماجد يمنعوني )
ماجد : ولك مرتضى عيب تمد ايدك ع بنية
باقر : مرتضى حرام تضربهة هية غريبة عليك ميصير تلزمهة
مرتضى : (حاولت اهدء بس لمن اشوفهة اتنرفز)
امير : كول يا الله وامشي خلي نروح بدربنة .. لتحط عقلك وياهة .. امشي
مرتضى : ( دفعت اديهم عني واتقربت عليهة وهية كامت ترجع ) ان شاء الله نلتقي مرة ثانية واندمج ع فعلتج هاي
عفراء : صدك ؟؟ همزين كتلي حتة تضل ببالي (ابتسمت بأستهزاء)
مرتضى : ( سحبوني اصدقائي وكلولي كافي عوفهة .. اني وداروح التفتت عليهة ) بس كون اذا نلتقي مرة ثانية السانج صغري لان اكصة بأيدي ترة
عفراء : ليش شنو ايدك مكص ( وعفتة ورحت ع امي لكيتهة ماكو )
أنت تقرأ
ظلم فصلية (متوقفة)
Romanceقصة فصلية مختلفة عن باقي القصص واقعية جدا باللهجة العراقية "كيف ستتحمل العيش فتاة عصبية لكنها خجولة نوعاً ما وعنيدة مع شخص مغرور ومتكبر ولايطيق وجود النساء بقربه "
