" الساعة 6:00 الصبح تقريباً "
عفراء : ( نفس كل يوم .. هم اجتي امة وهجمت علية الباب .. گعدت ولبست ملابسي وطلعت)
تغريد : ( بصياح ) فصلية .. فصلية ..
عفراء: ( طلعت دااغسل وجهي بمي حار من المغسلة .. جان يجي صوت من گد ما عالي حسيتة دخل لدماغي ) ها ؟؟ .. شكو ؟؟
تغريد : ( بصياح ) لتغسلين هنا .. ماعدنة مي حار
عفراء : ( مسحت عيونهة بأيدهة .. وگالت بصوت ناعس ) محاخذ هواي بس شوية
تغريد : ( بصياح ) طلعي برة غسلي يادوب يكفينة هذة
عفراء : ( مطولت وياهة كلام .. طلعت برة غسلت .. بس المي جان ابرد من البارحة لان الجو ديبرد .. غسلت .. واجة هوة ع وجهي .. شهگت وحسيت راسي وجعني .. لزمت راسي بأيدي الاثنين .. وضغطت علية ) اخخ .. يمعود مو وكتك .. بعدني توني گعدت و وراي شغل بگد رحمة الله
" بهاي الاثناء نزل مرتضى من الدرج وشافهة حاطة ايدهة الاثنين ع راسهة "
مرتضى : ( گال بسخرية ) هاي شنو ؟؟ اشو الفصلية مستسلمة ؟؟
عفراء : ( سمعت مرتضى يوجهلي كلام .. نزلت ايدي .. التفتت علية .. گالت بتوتر ) ل .. ل .. ليش .. تتحرش ؟؟ تريد تسوي مشاكل ؟؟
مرتضى : ( گال بأستهزاء هو وينزل الدرج ) واو .. مبين الاقتراح أثر بيج .. خوش لعد .. كل ماتضوجيني .. حيصير شي اقوة من البارحة
مرتضى : ( بعصبية ) كل عقلك ؟؟ انتة صاحي ؟؟ ترة البارحة صارت غلطة .. واذا تعيدهة .. معناهة دتحفر گبرك بأيدك
مرتضى : ( چتف ايدة .. وباوعلة بنظرة استهزاء ) لهلدرجة انتي قوية ؟؟
عفراء : ( بعصبية ) اي .. وغصباً عليك .. واني اصلاً البارحة چنت مخايفة منك
مرتضى : ( عكف ايدة وحطهة ع وركة .. وايدة الثانية يأشر بيهة بأصبعة بأتجاه عفراء ويحرك ايدة ) طبعاً قنعتيني .. لعد دگات گلبج الزرفن اذاني شنو ؟؟ چانن مونتاج مثلاً ؟؟ لا لا ابد مخايفة .. ( گال كلامة بسخرية لغرض يستفزهة )
عفراء : ( حطت ايدهة ع رگبتهة .. وبعدين حكت خدهة .. تصرفت تصرفات شخص متوتر .. ) اي .. اي .. م .. مخايفة .. ب .. بس چنت صاعدة .. الدرج .. سريع
مرتضى : ( ضحك .. ومد ايدة بجيبة و طلع مبايلة ) والله عاد خوش فصلية مسخرة .. تفيديني بوقت فراغي اتونس بيج
عفراء : ( عگدت حواجبهة من الغضب .. و سوت ايدهة ع شكل قبضة .. وقلصتهن .. وگالت بعصبية ) تتونس بمنو .. ها ؟؟! .....
مرتضى : ( باوع ع مبايلة شاف الساعة ب6:20 دقيقة .. قاطعهة ) خرب .. شنو ابليس انتي ؟؟ حچيت وياج دقايق انوبة طيرتي وقتي كلة .. ( راح ركض دخل جوة .. وهو وديروح گال بعصبية ) انعل ابوج لابو الخلفج .. اتأخرت ع شغلي
أنت تقرأ
ظلم فصلية (متوقفة)
Romanceقصة فصلية مختلفة عن باقي القصص واقعية جدا باللهجة العراقية "كيف ستتحمل العيش فتاة عصبية لكنها خجولة نوعاً ما وعنيدة مع شخص مغرور ومتكبر ولايطيق وجود النساء بقربه "