ظلم فصلية (متوقفة)

البارت الخامس عشر

عفراء : ( بعد ما لبست طلعنة من الحديقة وبنص الطريق اتذكرت الحلويات نسيت اشتريهن ) اكلك .. ( گالتهة بتردد )

مرتضى : شتردين ؟؟

عفراء : نسيت اشتري الحلويات لأمك

مرتضى : ماشي ( رحنة ع محل قريب اشتريت منة وطلعت )

عفراء : هاك ( مديت ايدي بيهة فلوس الحلويات )

مرتضى : ( بتعجب ) مال شنو هاي ؟؟

عفراء : فلوس الحلويات

مرتضى : عادي مو مشكلة اني دفعتهن ( گالهة وهو ديمشي عايفهة وراه )

عفراء : ( التفتت علية ولحگتة بخطوات سريعة ) بس ابوك انطاني الفلوس وگال اشتري واستحي ارجعهن الة .. عاد اخذهن مني وانتة انطيهن الة

مرتضى : ( طلع چيس حب شمس وبدة يكرز ويمشي ومدايرلهة بال )

عفراء : ( بعصبية ) لك شبيك انتة ؟؟ مو دااحجي وياك ؟؟

مرتضى : ( يمشي ويحجي ) كتلج اني دفعتهن ليش تلحين بعد

عفراء : لعد هسة وين اوديهن ( بعصبية )

مرتضى : اخذيهن

عفراء : عفواً ؟؟ ممحتاجة فلوسك اني .. فاهم ؟؟ ( بعصبية )

مرتضى : ( التفت عليهة و بدة يتقرب منهة ) هسة شخص زين وياج ليش متحترمين نفسج وتصيرين زينة وياه .. لو الة اطيح حظج يلة ترتاحين ( بعصبية )

عفراء : ( ارتعشت بداخلي بس محبيت ابينلة اني خايفة .. ضليت قوية ) اذا صرت زين او مو زين هذة شي يخصك مالي دخل

مرتضى : ( دار راسة عنهة ورجع يكرز وكمل طريقة )

عفراء : ( شفتة سكت اني هم سكتت محجيت شي بعد علمود لتصير مشاكل بالشارع وانوبة بالليل والناس نايمة .. كملت طريقي اني وساكتة .. رجعنة للبيت )

" فتح مرتضى الباب ودخل جان تتلگاه امة تغريد "

تغريد : ( بقلق وتلهث لان اجتي بسرعة ) حبيبي ابني
( گالتهة وهية دتحط كل ايد ع جهة من وجهة ) ليش تأخرت ؟؟ .. ( لاحظت عفراء وراه وخرت عنة وگالت بنبرة عصبية ) ليش الفصلية وياك ؟؟

مرتضى : ( دفعهة ) يمة ابتعدي عني مالي خلگ .. (واتجه ع الدرج ديصعد )

تغريد : ( هو وديصعد شفت تيشيرتة مشگوگ من جوة .. گالت بتفاجأ ) مرتضى !!

مرتضى : ( ديصعد .. سمع صوتهة .. التفت عليهة ) ها يمة ؟؟ شتردين بعد ؟؟ ( گالهة من ورة خشمة ولازم اعصابة )

تغريد : متعارك ؟؟ شبيهن ملابسك متوصخات ومشگوگ تيشيرتك ليش ؟؟

مرتضى : شعليج انتي ؟؟ ليش تتدخلين ؟؟ ( بعصبية )

تغريد : ( بصدمة ) لك مرتضى شبيك متغير ؟؟ ليش مدتجاوب ع اسئلتي ؟؟

مرتضى : ( گال بصياح وبكل عصبية ) مو كل سؤال تسألي لازم اجاوب علية .. افتهمتي ؟؟