ظلم فصلية (متوقفة)

تعالوا 😊 اجتماع

اول شي اعتذر لان انقطعت بس والله النت فصل عدنة ، وبالدوام ابوية ميشدلنة نت لذلك مراح اگدر انشر بالدوام .

بخصوص البارت التاسع عشر
لگيت بعضكم .. وانما كلكم مو بعضكم جانوا معارضين ع الاحداث .. لذلك اريد اگلكم شي وهو :
اني اتقصدت اكتبة نفس الاحداث و جان قصير لان هذة آخر بارت بهالنوع اكتبة .. لان ردت ابينلكم بعض الشغلات ، مثلاً :

اولاً : ردت ابينلكم همة عايشين بفقر بحيث ماعدهم فلوس للصغير ( مصطفى ) حتى يشتري .

ثانياً : ردتكم تعرفون ( مرتضى ) صار زين وية عفراء ويهتملهة نوعاً ما .
" ملاحظة : هو ميحبهة بس مجرد جان يهتملهة لان ماعندة شي وياهة حتى يكرهة ، مجرد جان ضغط علية من قبل المستشفى وبعض المشاكل بعملة "

ثالثاً : ردت ابينلكم ( عفراء ) بعدهة تكتب بدفتر مذكراتهة اسرارهة .. علمود خاف تصير احداث بالقصة تخص دفتر مذكراتهة .. انتم مراح تتفاجأون وتتسألون وبالتالي حتنتقدوني لذلك اني دااذكرة بالقصة مالتي .

رابعاً : ردتكم تعرفون همة حيجوهم خطار بعد اسبوع لان البارت العشرين حتكون احداثة بعد اسبوع يعني وية جية خطارهم .

وآخر شي : اني بعد مانشرت البارت التاسع عشر ردت مباشرتاً انشر البارت العشرين وراه لان عرفتكم حتعترضون ع الاحدث .. بس حظي جان خايس و فصل النت وملحگت انشرلكم الوراه .. لذلك لقد وقعت في الفخ .. اوميگاد .

اتمنى اتفهمتوني 😚

ومو بالدوام تگعدون ترزلون بية لان ماانشر 😠 لان اني انطيتكم علم محنشر بالدوام .

اليوم حنشر البارت العشرين واعتقد هو آخر بارت حگدر انشرة لذلك حيكون طويل وبي احداث هواي .

يلة كافي روحوا ع شغلكم انتهى الاجتماع 😡

الى اللقاء 👋👋💝