ظلم فصلية (متوقفة)

البارت الثالث عشر

عفراء : ( انقهرت وعيوني صارت تدمع حيل و ردت ابجي بس حاولت امنع نفسي .. اني كلشي عندي يهون بس شرفي ميهون .. مااتحمل احد يطعن بشرفي .. اخذت نفس طويل .. مسحت دموعي .. وحاولت ادافع عن نفسي ) قابل شحسوي مثلاً ؟؟ وحط ببالك انتة تهمتني واني ماعندي هيج شي و خواتك سايبات بالشوارع وانتة ساكتلهن .. مابيك خير والله .. گادر بس علية ( وسحبت ايدي من عبدالله )

مرتضى : (اتقربت عليهة و لويت ايدهة وضغطتهة ع الحايط ) انتي لو شريفة مثل ماتگولين جان ممريتي من هذا الطريق

عفراء : ( تحاول تتقاوة وياه وتدفع بأيدة ) وخر عني .. و لتعيد هاي الجملة بعد .. ماشي ؟؟

مرتضى : ( بأستهزاء ) تهدديني ؟؟

عفراء : اي وغصباً عنك

مرتضى : (لويت ايدهة وضغطتهة اكثر من المرة القبلهة .. وحجيت بأستهزاء ) ترة وعلي رح اسوي التصرف الميعجبج وهو اجة بوقت مناسب

عفراء : يعني شفتني خايفة منك مثلاً ؟؟ شتسوي سوي مخايفة منك اني ( بعصبية )

مرتضى : ( وخر ايدهة من الحايط بس ضل لاويهة وضاغط عليهة بأيدة ) عبدالله

عبدالله : ( طول هالوقت اني متدخلت لان خفت من مرتضى هذة مخبل كلشي يسوي مرة اتعارك وية واحد وصلة للموت ... بتعجب ) نعم ؟؟ تفضل ؟؟

مرتضى : ( لازم ايدهة وداير راسي ع عبدالله ) انتة مو تريدهة ؟؟ (ورفع ايدهة بمعنى يقصدهة )

" قبل لا يحجي عبدالله "

عفراء : ( گام يضغط ع ايدي قوي بحيث الجرح بدة ينزف .. صحت علية بعصبية ) انتة مجنون شي ؟؟ فوگ ما جرحتني تجي تضغط ع جرحي وتخلي ينزف .. ترة يتلوث الجرح هيج .. عاقل انتة ؟؟

" ضغط ع ايدهة حيل علمود تسكت "

مرتضى : دسكتي .. ع ساس اني اهتملج حتى اصير عاقل .. قابل انتي منو ؟؟ هو مجرد فصلية وبعد متخصيني من هاي اللحظة...

عبدالله : ( قاطعتهم ) اي مرتضى شنو ردت تكول ؟؟

مرتضى : اي صحيح .. تشتريهة ؟؟

عبدالله : ( بتعجب ) معقولة تريد تبيعلي الگمر ؟؟

عفراء : ( بعصبية ) انجب واحترم نفسك

مرتضى : ( ضغط ع ايدهة ) هيي اسكتي محد حاجي وياج

عفراء : ( بديت احس نفسي ادوخ لان نزفت هواي وفوگاهة كلساع يضغط ع الجرح بس اني مااعيط و لا احجي حتى ماامبينلة اني ضعيفة .... جريت ايدي جان يملخهة حيل ) مخبل والله

مرتضى : ( التفتت عليهة ) وياي ؟؟

عفراء : محد حاجي وياك انتة

مرتضى : اي عبالي ( ورجعت اسولف وية عبدالله ) اي عيني شكد تنطيني بيهة ؟؟

عبدالله : باوع .. خلي نحسبهة حساب عرب .. اني دااشتريهن ب75 مليون .. بس مادام هاي گمر وحتجيبلي هواي فلوس لان مبين السحب عليهة هواي .. لذلك رح ادفع بيهة 100 مليون.. موافق ؟؟

مرتضى : طبعاً هو سعر مناسب بس اني محتاج 150 مليون...

" قاطعة بصوت اعلة من صوتة "

عبدالله : عادي ... عادي .. ادفعلك 150 مليون .. يلة انطينياهة ( ومد ايدة الة )

عفراء : ( اني مافتهمت السالفة .. بس لمن كلة تجيب فلوس وعليهة سحب واني اشتري بنات فوصلتلي السالفة تقريباً  وعرفت السالفة .. يريد يبيعني علمود دين ؟؟ ) اسمع لك .. لا اجي وياك و ولا اجي وياه ..عوفوني بحالي ... ( سحبت ايدهة من مرتضى بس هو جرهة اقوة وخزرهة )

مرتضى : هيي .. بعد انتي لعبدالله مو الية .. بعد متخصيني .. روحي وياه كملي شغلج .. فصلية وساقطة وفوگاهة يگولون زوجتك .. والله يالله

عفراء : انجب و لا تمسلت .. ماشي ؟؟

مرتضى : ( ضربتهة راشدي و دفعتهة ع عبدالله ) هذة مكانج اللازم تتواجدين بي .. وحتى تتعلمين الاحترام لازم تنذلين

عبدالله : ( سحبتهة من ايدهة وجريتهة بس هية متقبل تمشي بلگوة اسحل بيهة وهية لازگة ) امشي .. لتطنگرين .. هسة يعجبج المكان هناك

عفراء : ( اجتي كل التخيلات براسي وعقلي انفجر من التفكير .. يعني اني رح اصير حالي حال اللاشيء ؟؟ رح انعدم من الوجود ؟؟ رح يروح شرفي ؟؟ هاي تاليتي ؟؟ اني كلة و لا احد يطعن بشرفي .. لازم اتنازل .. لازم .. ماكو غير حل .. بديت اتقاوة وية عبدالله ) والله مو قصدي اجي هنا .. اني تيهت الطريق ( تعيط ع مرتضى )

[ اعتذر ع التأخير والله فرمتت المبايل ونسيت الباسورد وبعدين اتذكرتة 😅 ]