لؤي : (انصدمت من كلام الشيخ وصحت آدم حتة يلحكة وياخذ رقمة لان منندلهم بعد)
اجة آدم وجاب وياه الرقم وانطاه للؤي وكلة :
آدم : الشيخ كال امامكم يومين وكتلة انطينة ع الاقل اسبوع وكلي هذا بسبب جذبكم وراح السيارتة
بلسم : هسة شنسوي ؟؟ وين ننطي وجهنة ؟؟ (قلقت ودمعت عيوني من الكلام الكالة آدم )
زين العابدين : شبيكم محتارين ؟؟ ترة السالفة سهلة (تعجبت منهم لان مخبوصين وكتلهم ببرود)
هاشم : (نرفزني كلام زين العابدين وكلت خلي ارد علية لان كلهة سكتت مردت ورديت علية بعصبية وصياح) وشنوة السهل برأيك ؟؟
زين العابدين : (حجيت بلة اهتمام) همة مو يردون فصلية ؟؟ واحنة ننطيهم عفراء ... شنو الصعب مثلا ؟؟
لؤي : (عصبت من ردة فعل زين العابدين) يعني هم انتة السبب وهم تتأمر بكيفك ؟؟
زين العابدين : (ضحكت بأستهزاء) يابة هو شنو السبب ؟؟ ترة عفراء رح تتزوج بأعتبار
بلسم : (كمت اصيح ع زين العابدين وابجي) ولك اختك رح ياخذوهة لا مهر ولاعرس نفس الاوادم ودراستهة متكدر تضمنهة وفوك هذة رح يسووهة خدامة وتتزوج المتريدة ( كمت ابجي من كل كلبي ومكدرت اوكف دمعة مني وعفتهم ورحت لغرفتي)
عفراء : (ضليت مصدومة ماعرف شحجي وماعرف شكول بس لمن شفت ماما تبجي ومحروم كلبهة علية اضطريت اتدخل واهدئهة كمت اصيح ع زين العابدين بكل عصبية) جبت ساقطتك للبيت ومعرفت تكول اذا احد حس تصير سالفة شرف وفوك كل هذة تتصرف بوقاحة ... ولك لو اني منك متحرش بعرض ناس جان هسة ضميت راسي بالتراب مو كاعدة اتأمر وازيد النار حطب
آدم : (تفاجأت من جرائة عفراء وكلامهة وتجاوزهة) عفراء كافي ان شاء الله يصير خير
عفراء : (دمعت عيوني وردت ابجي بس حاولت اوخر بجيتي واضمهة بداخلي وأشرت ع زين العابدين وكلت ) ليش هو اليشوف وجهة يشوف خير ؟؟
لؤي : عفراء كافي تتجاوزين صحيح هو غلط وعدم حياتج ودمر مستقبلج بس ملازم تتجاوزين علية لان هو اخوج الجبير
عفراء : لو هو صدك اخوية الجبير ويخاف علية جان بالجذب دافعلي وضحة بنفسة علمودي بس هو هذة مو اخ هذة عار (عفتهم ورحت الغرفتي وبابا كام يصيح علية بس غلست ورحت للغرفة)
لؤي : كافي سدوا الموضوع ان شاء الله تعدي ع خير (عفتهم ورحت للغرفة شفت بلسم كاعد تبجي حاولت اهدئهة واواسيهة بس مفاد ضليت يمهة اسولف وياهة واقنعهة بين عفراء رح تعيش بسعادة وتاخذ واحد يحبهة ومن هذة الحجي)
آدم : (صعدت لغرفتي لان متحملت شكل زين العابدين البارد والممهتم )
زين العابدين : (طلعت مبايلي وكعدت اسولف وية رفل بالرسائل)
أنت تقرأ
ظلم فصلية (متوقفة)
Romansaقصة فصلية مختلفة عن باقي القصص واقعية جدا باللهجة العراقية "كيف ستتحمل العيش فتاة عصبية لكنها خجولة نوعاً ما وعنيدة مع شخص مغرور ومتكبر ولايطيق وجود النساء بقربه "
