بلسم : عفراء...عفراء...كومي تريكي حتة ترحين للمدرسة رح تتأخرين يلة كومي
عفراء : اي ... اي ... ماما نعسانة عوفيني بس شوية بعد (مغمضة عيونهة وتحجي)
بلسم : مبقة شي للمدرسة رح تخلص وترتاحين
عفراء : لا ماريد تخلص هاي السنة لان ماريد اروح للخامس علمي اخاف منة صديقاتي يكولن صعب (وكامت تضحك وتحجي هية ومغمضة)
بلسم : لا مو صعب لان الشاطر ميصعب علية شي .. يلة كومي بلة سوالف لان رح تتأخرين
كعدت عفراء وضلت كاعدة ع الجرباية واخذتلهة صفنة وكامت تريكت وبدلت واخذت جنطتهة
عفراء : مع السلامة ماما ادعيلي (باست امهة )
بلسم: حبيبتي اني دائما ادعيلكم كلكم ..يلة روحي لتتأخرين
عفراء : ماشي
راحت عفراء وفتحت الباب وطلعت وهية وتمشي بالطريق شافت جلب خافت عفراء وضلت ترجع ليورة خطوات وحست الجلب ديجي بأتجاهه وبعدهة ضل الجلب واكف بنص الشارع وهية تخاف تروح وراح يفوتهة الخط مالتهة فكرت ترجع للبيت ورجعت وهية الدمعة بعينهة فتحت الباب كل قوتهة وركعتة حيل وصاحت
عفراء : ماما ماما تعالي بسرعة
بلسم : ها اشو رجعتي خوما عافج الخط ؟؟
عفراء : لا ماما بس لكيت الجلب نفسة واخاف اروح (تلهث)
بلسم : هسة شلون منو يوديج ؟؟ اخوانج كلهم مموجودين
عفراء : صيحي بابا بسرعة لان اتأخرت
راحت بلسم وصاحت لؤي حتة يوصلهة بس هو ماقبل وبلكوة قنعوه عفراء وامهة ووافق ...راحت عفراء للشارع وية ابوهة واجة الخط واخذهة وراحت للمدرسة وبالطريق مال رجعتهة لكت الجلب نفسة ضلت واكفة بمكانهة ع الشارع وتخاف ترجع للبيت وتقدمت خطوة وحست الجلب رح يجيهة واترددت ورجعت لمكانهة وانوبة ضلت تتقرب ع كيفهة وترجع خطوة وتتقرب خطوة ضلت مترددة من الخوف وبقت تقريبا نص ساعة واكفة وصدفة سمعت صوت واحد كللهة
سيف : تخافين من الجلب ؟؟
التفتت عفراء وهية خايفة ومصدومة
عفراء : ها..اي..(حطت ايدهة ع ركبتهة من التوتر)
سيف: تعالي اني اوصلج لتخافين ميسوي شي هذة الجلب حباب
ضحكت عفراء بعفوية وتوتر و عبرهة الجلب ورجعت للبيت واكف كلبهة ومهبوطة لان اول مرة تحجي وية ولد
عفراء : السلام عليكم
الكل : عليكم السلام
بلسم : عفراء ليش تأخرتي قلقنة عليج
عفراء : من ورة ابنج (وتأشر ع هاشم)
بلسم : ليش شسوالج هاشم ؟؟
عفراء : لان صارلي كومة انتضر بالشارع اخاف من الجلب و عبالي يجي يشتري مثل كل مرة ويوصلني
بلسم : لعد منو وصلج ؟؟
عفراء : هذة سيف اليدرسة زين العابدين
بلسم : ولج شلون ترجعين وية ولد ؟؟ (بعصبية)
آدم : احنة ماعدنة بنات يرجعن وية ولد
عفراء : اني اضطريت ارجع وياه لان خفت من الجلب وبعدين كافي تخبث وتسويلي مشاكل
آدم : ماما شوفي بنتج السانهة شطولة حسرة علية احجي كلمة الة تردهة بعشرة
لؤي : كافي اسكتوا بعدنة مكايلين يا الله شبسرعة اتفاعلتوا
آدم : بنتك ممرباية تتجاوز علية
عفراء : عساس انتة المتربي واني مادري
بلسم : اني ربيت وتعبت وذبيت حيلي عليكم وبعدين تخيبون ضني يا حسافة عليكم
لؤي : اني الاب موجود ومتحترموني شكد متستحون (بعصبية)
بلسم : عفراء روحي بدلي وتعالي و آدم و هاشم تعالوا ساعدوني بتحضير السفرة
هاشم : اي .. اجيت
آدم : خلي ذيج بنتج تساعدج شعايزهة طول عرض
بلسم : آدم كاافي .. بالجذب احترم وجود ابوك
بدلت عفراء واجتهم وساعدتهم بتحضير السفرة واكلوا وكملوا وعفراء شالت السفرة و بلسم ولؤي راحوا ناموا و آدم صعد الغرفتة وهاشم علك التلفزيون وضلو يباعون هوة وعفراء و اجة زين العابدين وصبتلة عفراء غدة بس شكلة جان مو راحة اتغدة وصعد وصار صياح فوك واجة آدم نزل
عفراء : شكو شصار ؟؟
آدم : معليج
عفراء : انطردت مو ؟؟ (ضحكت بأستهزاء )
آدم : انجبي ولتتدخلين
عفراء : لتتجاوز لك (بصياح)
هاشم : (شفتهم يتناقشون كلت رح تصير مشكلة خلي اهدء عفراء) عفراء نصي صوتج لان بابا خاف يكعد
آدم : رح اخذج ع كد عقلج
عفراء : (شفت الضلع مالتي ديهدئني وحاولت اهدء لان لعيونة كلشي اسوي) آدم اخذهة بروح رياضية ترة جنت اشاقة وياك
هاشم : (ابتسمت وفرحت كلش لان عفراء سدت المشكلة علمودي)
آدم : زين العابدين مو ع بعضة مدري شبي عبالك مكتول (وكام يضحك)
عفراء : هو دائما هيج مو ع بعضة (وضحكت)
آدم : لا اليوم السالفة مبينة تخوف يمكن صاير شي وياه
عفراء : خلي يرتاح وبلكة بالليل يرجع طبيعي
راح آدم نام بالاستقبال وعفراء طفت التلفزيون ع هاشم وكعدت تدرس
هاشم : لا لا هاي ليش
عفراء : اكعد ادرس ميفيدك التلفزيون
هاشم : اوكي اكوم ادرس بس انتي تقريني فيزياء بالليل شتكولين ؟؟
عفراء : ماشي اكيد يلة تعال ادرس (و باستة من خدة وهوة مسحهة حتة يضوجهة)
هاشم : عبالك بوسة مال عجايز (ويمسح بخدة)
عفراء : (تتصنع الزعل) روح بعد مابوسك تف عليك متستاهل
هاشم : لا لا اشاقة اصلا عبالك عسل (وكام يضحك)
عفراء : يلة لعبنة هواي خلي ندرس (وضحكت)
كملوا دراسة وصارت الساعة ب6 العصر وكعد آدم راح يم جماعتة وكعدوا بلسم ولؤي ع التلفزيون و زين العابدين نزل طاكة روحة واليحجي وياه يتعارك ويرزلة صارو البالبيت يتجنبوه ... صارت الساعة ب10 مساءا
هاشم : عفراء انتي مو كلتي تدرسيني رح ننام وبعدج مغلسة علية
عفراء : اصبر...اصبر بس اشوف رفل شتريد مني
هاشم : دتراسليهة ؟؟
عفراء : اي ... بس.......
هاشم : بس شنو ؟؟
عفراء : مداافتهم منهة شي اشو تكلي استاذ زين العابدين وعدني بالزواج
هاشم : شنوو ؟؟ متأكدة ؟؟
عفراء : اي و داعتك تعال شوف اذا اجذب
اجة يمهة قرة الرسايل
هاشم : ولج هاي شبسرعة زحفلهة وزحفتلة هي مجرد طالبة اجتي درست يمة ليش هيج صارت السالفة جبيرة وبعدين شنو ملكالة غيرهة !!
أنت تقرأ
ظلم فصلية (متوقفة)
Romantizmقصة فصلية مختلفة عن باقي القصص واقعية جدا باللهجة العراقية "كيف ستتحمل العيش فتاة عصبية لكنها خجولة نوعاً ما وعنيدة مع شخص مغرور ومتكبر ولايطيق وجود النساء بقربه "
