عفراء : ( ضليت افتار بمكاني اروح واجي .. وين راحت ماما ؟؟ يا ربي بس لا صارلهة شي ؟ !! شسوي هسة ؟؟ ضليت افكر ومحتارة وخايفة ع ماما لان صارت الساعة ب8 بالليل ومجتي اخير شي فكرت اسأل ابو المحل لان هية جانت كاعدة ع كرسية .. لا لا ماسألة لان خاف يطلع هو طاردهة لا مستحيل يطردهة ماما متأذي بشر .. خرب ضربت ايدي ع راسي .. كافي تفكير كافي خلي اسألة احسن .. رحت ع ابو المحل) السلام عليكم
ابو المحل : عليكم السلام بنتي .. محتاجة شي ؟؟
عفراء : عمو .. تذكرني ؟؟ اني نفسي الحاجيتك ع الكرسي
ابو المحل : اي اكيد شلون ماذكرج
عفراء : طلبت منك الكرسي علمود ماما تكعد علية ورحت اجيب مي وملكيتهة الماما .. خوما صارلهة شي ؟؟ (حجيت كل كلامي بنفس واحد والهث من الركض)
ابو المحل : بنتي ارتاحي شوية واخذي نفس .. شنو جنتي تركضين ؟؟
عفراء : اي .. عمو ماريد اكعد اني قلقة ع ماما
ابو المحل : عمو عيني لا تقلقين امج شوية دايخة وتعبانة واغمة عليهة واني خابرت الاسعاف واجوي اخذوهة للمستشفى......
عفراء : (من كد ماجنت قلقة قاطعتة) عمو خوما صايرلهة شي ؟؟!!
ابو المحل : لا عمو بس كالو شوية تعبانة وحطولهة مغذي
عفراء : يعني هسة هية زينة
ابو المحل : اكيد
عفراء : (ارتاحيت كلش وفرحت ومن كد الفرحة ابتسمت) عمو اكدر اروحلهة ؟؟ وين صايرة المستشفى ؟؟
ابو المحل : اي اكيد تكدرين .. تردين اوصلج لو لا ؟؟
عفراء : (جاوبتة بكل ثقة) لا عمو تسلم اني رايحة وحدي ماريد اتعبك وياي
ابو المحل : ماشي براحتج ...( اسم المستشفى.... )واعبري الشارع وتلكينهة كبالج واذا تيهتي تعالي رجعي اني اوصلج
عفراء : زين اذا تهت شلون رح اندلك ؟؟
ابو المحل : اسألي علية بكل شارع بس كليلهم وين غذائية ابو كرار
عفراء : (توترت شوية من طيبتة) ماشي .. عمو
(طلعت من المحل واتجأهت للعنوان مال المستشفى دخلت للمستشفى وسألت ع اسم امي وانطوني رقم الغرفة وصعدتلهة دكيت الباب)
بلسم : ادخل ( حجيتهة بصوت تعبان )
عفراء : ( دخلت واجيت ركض عليهة وشبكتهة ) ماما
بلسم : حبيبتي ... شلون اجيتي ؟؟
عفراء : لا تهتمين دلاني ابو المحل
بلسم : هاا .. الله يوفقة هو جابني للمستشفى
عفراء : ( وخرت من حضنهة ) ماما ليش متشيلين وياج مبايل ها ؟؟ لان قلقت عليج
بلسم : (ابتسمت ع كلام عفراء) حبيبتي ماحب المبايلات
عفراء : اهوو اني اعلمج علية انتي بس وافقي
بلسم : ( حطيت ايدي ع خدهة ) الله كريم حبيبتي
عفراء : ماما هم كلج الدكتور كم يوم وتطلعين من المستشفى ؟؟
بلسم : (ضحكت ع برائتهة وفطارتهة) حبيبتي يا يوم ؟؟ هية مجرد ساعة او نص ساعة و اطلع لان اني مابية شي بس شوية تعب
عفراء : ( ضحكت بعفوية ) هااااا ... يبوو شكد مطفية اني
بلسم : ( ردت اكعد بس عفراء منعتني ) كافي خلي نرجع لان الوقت اتأخر هسة ابوج يقلق
عفراء : ماشي (ساعدت ماما حتة تكوم ) ماما انتضري شوية خلي احاجي الدكتور حتة يوافق نطلع
بلسم : ماشي بس لتتأخرين
عفراء : (انداريت ردت اطلع جان ماما تصيحلي اتفاجأت ... خوما صاير شي يا ربي )
بلسم : (اندارت عفراء رادت تطلع جان اشوف عبايتهة من ورة كلهة تراب خفت كلش عليهة وصحتهة) عفراء
عفراء : ها ماما ؟!
بلسم : شبيهة عبايتج من ورة كلهة تراب ؟؟
عفراء : ( بديت انظف بالعباية) لا ماما ما بيهة شي
بلسم : خوما وكعتي ؟؟
عفراء : لا .. لا .. موكعت (بتوتر)
بلسم : متأكدة ؟؟
عفراء : (بكل ثقة) اي
بلسم : يلة ماشي روحي حاجي الدكتور بسرعة
عفراء : ( طلعت من باب الغرفة وضليت امشي بالممر وافكر .. يبوو بس لا ماما شكت بية ؟ بس لا عرفتني جذابة ؟ اني ماردت اكللهة لان مردتهة تقلق علية !! مجان قصدي اجذب ؟! لعنة الله عليك مرتضى مدري صخام كلة من وراك ... اذكرت لمن ضربني راشدي وانقهرت كلش لان ضربني ولد غريب وحطيت ايدي ع خدي ... يا ربي سامحني لان ولد لمسني .. امشي وافكر وادعي ومدنكة راسي وامشي جان انضرب بشخص )
الممرضة : انتبهي ع طريقج
عفراء : م..م..مادري بالغلط
الممرضة : ليش متوترة ؟؟ لتخافين مصار شي !! ديربالج لا تنضربين بشخص لاخ انتبهي
عفراء : (تعجبت من كلامهة .. ليش تنبهني ؟؟ هية وين تعرفني حتة تنصحني ؟؟ ) انتي تعرفيني ؟؟ !!
الممرضة : (ببتسامة) لا
عفراء : لعد ليش تنصحيني ؟؟
الممرضة : حتة لا توكعين بالخطأ مثلي
عفراء : ها؟؟ يا خطأ ؟؟ مفتهمت !! (انصدمت من كلامهة حسيتهة مهمومة)
الممرضة : قصة طويلة كلش (دمعت عيوني وتغير صوتي لمن تذكرت الصار بية)
عفراء : (حاولت اغير الموضوع لان شفتهة انهمت وعيونهة دمعت ) انتي شسمج ؟؟ اني عفراء (و مديت ايدي حتة اصافحهة )
الممرضة : (ضحكت من كلبي ع تصرفهة)
عفراء : (تتصنع الزعل ) شنو اني قرد كبالج !!
الممرضة : (ابتسمت) لا حشاج .. بس حبي البنية ميصير تصافح لان هاي الطريقة يستخدمهة الشباب مو البنات
عفراء : (ضحكت ع نفسي لان ماعندي انوثة)
الممرضة : اني اسمي روز عمري 25
عفراء : اتشرفت بمعرفتج (وهمينة مديت ايدي حتة اصافحهة)
روز : (عصبت عليهة لان ماحب البنية الرجولية وضربتهة ع ايدهة المادتهة ) كافي ولج انتي حلوة حرامات تصرفين بخشونة
عفراء : متعودة (وضحكت)
روز : لا غيري طبعج ميلوكلج....... (داحجي وية عفراء جان يصيحلي احد الدكاترة)
عفراء : قبل لترحين اريد رقمج
روز : ماشي (كتبتلهة رقمي وانطيتهة الورقة ورحت بسرعة لشغلي)
أنت تقرأ
ظلم فصلية (متوقفة)
Romanceقصة فصلية مختلفة عن باقي القصص واقعية جدا باللهجة العراقية "كيف ستتحمل العيش فتاة عصبية لكنها خجولة نوعاً ما وعنيدة مع شخص مغرور ومتكبر ولايطيق وجود النساء بقربه "
