" الساعة ب6 الصبح تقريباً "
تغريد : ( تدگ بباب المخزن بكل قوتهة وتصيح ) فصلية .. فصلية گومي
عفراء : ( اني نايمة ومااحس الة صوت يصيح الية من ورة الباب .. عرفتهة امة .. گمت طلعت .. فتحت الباب .. وامسح بعيوني من النعس ) ها ؟؟
تغريد : ( بعصبية وصياح ) شنو ها ؟؟ .. گولي تفضلي
عفراء : ( بصوت ناصي ) هسة شتردين ؟؟
تغريد : ( بصياح ) شنو شتردين ؟؟ .. تعالي امشي گعدي مرتضى وسويلة ريوگ حتى يطلع للدوام
عفراء : ماشي ( گالتهة بصوت هادئ و ببرود و سدت الباب .. لبست ملابسي شلون مچان .. وطلعت غسلت وجهي بالطارمة .. جان المي بارد حيل .. بحيث شهگت من البرد .. مسحت وجهي .. وانداريت اني وامسح وجهي بحيث ماانتبهت جان انصدم بشي .. )
مرتضى : ( اني عندي شغلة من وكت لازم اطلع واروح للمستشفى علمود اتفاهم ع سالفة فلوس الدكتور الانباگن .. داانزل بسرعة ومستعجل حتى ماانتبهت گبالي .. جان مااشوف الة والفصلية انضربت بية .. اني گبل دفعتهة ) متشوفين ؟؟ ( بصياح )
عفراء : ( بكل ثقة وجدية ) اي مااشوف لان جنت امسح وجهي
مرتضى : ثول اي والله وعمة .. اكو واحد يغسل وجهة بمي بارد ومن الصبح ؟؟ ( گالهة بنبرة حادة عصبية علمود ينبههة )
عفراء : ( بهدوء ) لعد قابل وين اغسل وجهي ؟؟
مرتضى : ( بعصبية ) يعني مغسلة ماكو ؟؟ .. مي حار بالحمام ماكو ؟؟ .. لو هية دودة الة تجربين كلشي .. لج بابا انتي حتى وية روحج حقيرة ؟؟
عفراء : ( بصراحة معرفت اجاوبة .. لان صحيح الغلط مني و لازم اعتذر بس اني ع گص رگبتي اعتذر من هيج شخص ) عليش مهتم ؟؟ ( سألتة بعفوية )
مرتضى : ( بعصبية ) ممهتم .. بس داانصحج ع خبالج هذة متعيشين بهاي الدنية
عفراء : ( بضحكة ) شعيش متگلي ؟؟ هو اني فصلية .. حتى لو اموت محد حيهتم
مرتضى : انتي عقلج مجيم كلش يحتاج شوية دهن علمود يشتغل ( بعصبية )
عفراء : ( باوعتلة من فوك ليجوة مال واحد معاجبة الكلام .. وعفتة ورحت )
مرتضى : ( بتردد ) فصلية ..
عفراء : ( التفتت علية ) ها ؟؟
مرتضى : ( شفت صدرهة شوية طالع من الحجاب اجيت اكلهة بس اتذكرت هية فصلية عليش اهتملهة ) هيج ماكو شي روحي .. كملي طريقج
تغريد : ( بعصبية وصياح ) فصلية .. فصلية يلة سويلنة ريوگ
عفراء : ( بأستهزاء ودارت راسهة من الجهة الثانية ) اهوو .. بدت رحمة الله من الصبح .. انتي شبيج معصبة دائماً مو حتموتين لو يطگ بيج عرج
مرتضى : ( اجة وجان يصيح ) يمة اني مااكل من ايد الفصلية
عفراء : وانتة اساساً منو سوالك اكل ؟؟ ( التفتت علية بسرعة وحچت .. بس هو جان واكف وراهة كلش بحيث صار وجههة ع وجهة )
أنت تقرأ
ظلم فصلية (متوقفة)
Romansaقصة فصلية مختلفة عن باقي القصص واقعية جدا باللهجة العراقية "كيف ستتحمل العيش فتاة عصبية لكنها خجولة نوعاً ما وعنيدة مع شخص مغرور ومتكبر ولايطيق وجود النساء بقربه "
