" اليوم الخامس ، الساعة ب1 الظهر تقريباً "
تغريد : فصلية طبي سبحي لتنظفين الفوگ ( گالتهة بهدوء وابتسامة لطيفة )
عفراء : ( صراحتاً انصدمت لأن اني دائماً هيج انظف وهية متهتم .. جنت منظفة كل البيت ومسوية غدة بس لمن وصلت للفوگ مقبلت اسوي .. معقولة اكو شي ؟؟ .. لا لا ماكو شي ليش تفكيري سلبي .. يجوز الله هداهة علية ) ه .. ها ؟! .. لا لا ميحتاج... ( گالت بأرتباك )
تغريد : ( قاطعتهة ) لا اليوم انتي تعبانة .. طبي سبحي
عفراء : مو ماعدكم صابون ؟؟ ( گالت بصلافة )
تغريد : ( نبرة صوتهة معجبتني چانت صلفة وياي لزمت اعصابي و حاولت اصبر روحي .. اتصنعت الرقة واللطف وياهة ) لا البارحة مرتضى اشترالنة .. يلة روحي سبحي
عفراء : ( ضلت محتارة ) بس ... مرتضى حيجي و لازم احضرلة الغدة....
تغريد : ( طگت روحي من اعنادهة و ملحتهة .. اخذت نفس عميق .. وقاطعتهة ) لا مرتضى يجوز اليوم يتأخر .. فطبي تسلب.. ( ابتسمت وضحكت ) اقصد طبي سبحي يلة بدون كلام زايد
عفراء : ( بأرتباك ) م .. ماشي .. هسة احضر ملابسي واطب
(حضرت ملابسي .. طلعت دشداشة قديفة وبيهة فرو لان الدنية باردة هالايام .. لمن طلعتهة اتذكرت ماما واتذكرت شلون طلعنة واشترتهة الية " دشداشة حلوة لبنتي الحلوة ( ابتسمت وهية شايلة الدشداشة بأتجاه عفراء ) " .. ضليت ابچي بحرگة .. واحجي وية روحي .. ماما ليش عفتيني ؟؟ .. اشتاقيتلج .. والله عايشة عذاب بدونج .. اتمنى اگدر اوصللج اخباري واگلج اني انظلمت بدونج واشكيلج همومي .. اتذكرت كلام ماما ....
" حبيبتي لازم تكسبينة ، وتتعاملين وياه بأحترام حتى لو يأذيج حتى لو يضربج .. لان اول وتالي هو يبقة زوجج .. فلا تخلي ياخذ عنج نظرة موزينة و خلي كلامج رقيق و رومانسي وياه وهو حيضطر يحبج ويتنازلج "
ضليت ابچي اكثر حتى اختنگت وگمت اگح .. ماما اني اعتذر .. اعتذر .. مگدرت احقق طلبج الاخير الية .. ومسمعت كلامج .. اعتذر .. مااگدر اسوي شي ميدخل لعقلي .. ومااگدر اتنازل الة .. هو مطيح حظي مااگدر اذل نفسي الة .. كرامتي فوق كل شي .. وهو ميحبني و حقير وياي مستحيل يتغير .. حاولت امسح دموعي .. وهدئت نفسي .. واخذت ملابسي وطلعت دااروح شفت رفل وامهة بالمطبخ .. ديحجون بس منتبهت لكلامهم لان چنت اشهگ وبالي مو يمهم .. گالت بصوت مخنوگ ) اني حروح اسبح .. محتاجين مني شي ؟؟
تغريد : ( گبل فزيت لمن سمعت صوتهة .. وگالت بتوتر ) لا .. لا ( ابتسمت ) روحي سبحي روحي
عفراء : ( گالت بصوت مخنوگ ) ماشي ( ورحت للحمام )
رفل : ( جنت دااحجي ومركزة وية ماما جان تحجي الفصلية وتفززني ) يمة ... ( وحطت ايدهة ع جهة گلبهة ) همزين راحت ( اخذت نفس عميق .. وابتسمت ) اوكي ماما حسوي مثل ما اتفقنة
أنت تقرأ
ظلم فصلية (متوقفة)
Romanceقصة فصلية مختلفة عن باقي القصص واقعية جدا باللهجة العراقية "كيف ستتحمل العيش فتاة عصبية لكنها خجولة نوعاً ما وعنيدة مع شخص مغرور ومتكبر ولايطيق وجود النساء بقربه "
