ظلم فصلية (متوقفة)

البارت العاشر

مرتضى : (فتحت باب الغرفة جان اشوف الفصلية موجودة وكاعدة ع چربايتي .. صرت عصبي حيل وضجت لان ماحب احد يشاركني بأشيائي والفاجأني اكثر لكيت اخوية الصغير يمهة ... دخلت للغرفة بعصبية وسرعة وصحت ) هيييي ... فصلية منو سمحلج تدخلين لغرفتي وفوكاهة كاعدة ع چربايتي .. هااا ؟؟
****************
عفراء : (نزفت هوااي دم بعد ما شگ ايدي بالگزازة وفقدت وعيي وماحست روحي الة احد يمي ديضرب ع وجهي .. تحسستهة چانت ايد ناعمة واعتقدتهة ايد ماما .. عيوني بدت تدمع وحدهة وتخيلت ماما واكفة يمي وتمسح دموعي .. فزيت سريع وكعدت بأستغراب وخوف وضليت ابجي .. شلت ايدي داامسح دموعي جان اشوفهة ملفوفة بقماش تفاجأت وباوعت ع جهتي اليسرة لكيت طفل بصفي يطلع عمرة تقريباً سبعة او ثمانية سنوات .. ضليت صافنة علية وارد اصفن ع ايدي لان ممصدكة طفل يلف ايدي ويكعدني وخايف علية ..ردت احجي حرف او حتى لو كلمة جان يقاطعني ... )

مصطفى : (جنت داالعب بسيارتي بغرفة رفل وسمعت صياح مرتضى واني خفت كلش وضليت خاتل بالغرفة الى ان راح رحت اني يمهة .. ماعرفت شلون اساعدهة بس حاولت لان انقهرت عليهة ) فصلية لا تحجين لان انتي متعورة .. تعالي فوتي للغرفة وارتاحي (واأشرت ع غرفة مرتضى )

عفراء : ( باوعت علية والدمعة صارت بعيني .. انهضمت لان حتى الطفل يكلي فصلية .. ردت احجي بس ماكدرت لان كبل انهاريت بالبجي )

مصطفى : ( كمت ابجي وياهة و حطيت ايدي ع چتفهة ) فصلية لا تبجين حبابة

عفراء : (دفعت ايدة ) حتى انتة هم تكلي فصلية ؟؟ ليش اني مو بشر ؟؟

مصطفى : ( تفاجأت .. وكمت ابجي زايد ) ليش متحبين اسمج ؟؟

عفراء : اسمي مو فصلية .. اني عندي اسم مثل البشر وهو عفراء

مصطفى : (حضنتهة حيل وكمت اشهگ ) سامحيني .. ماعرف اسمج .. سمعت مرتضى هيج يصيحلج

عفراء : ( اني هم حضنتة بس بلكوة لان ايدي ماكدر احركهة ) هاهية مصار شي اني هم غلطانة عبالي تعرف اسمي بس تكرهني مثلهم

مصطفى : ( وخرت عنهة ) يلة كومي لغرفة مرتضى ارتاحي

عفراء  : لا ماريد لان هو يكرهني ماريد ادخل غرفتة

مصطفى : كومي ( وجريت ايدهة علمود تكوم )

عفراء : ماشي 

****************
عفراء : (بتوتر ) ماشي هسة اطلع

مرتضى : يلة امشي كبالي طلعي ( صحت عليهة وأأشرت ع الباب )

مصطفى : ( رحت علية ركض وحضنت رجلة ) مرتضى حباب اسمحلهة تبقة خطية متعورة

مرتضى : (دفعتة من يمي ع صفحة ) وخر من وجهي انتة الثاني

مصطفى : ( دفعني وكمت بس ابجي وبصوت عالي )   
مرتضى : ( صحت علية بصوت عالي و عصبية ) كاافي .. اسكت

مصطفى : ( يهز براسة ويبجي ) مااا ... مااااا عوفهة تبقة يلة اسكت

مرتضى : (بصياح ) اسكت لا اضربك

مصطفى : ( يبجي ) مااسكت .. مااا

مرتضى : ( اني منا دمي فاير ومنا مستعجل اريد اطلع بسرعة وهذا اجة نرفزني .. اجيت دااضربة جان تعيط عفراء )

عفراء : ( اتوترت وماعرفت اتصرف بس لمن راد يضربة لا هنا واكفة .. حاولت امنعة ) لااا .. لا تضربة .. كافي لتحط عقلك وية عقل طفل .. اني رح اطلع وكافي كبر عقلك .. فاهم ؟؟

مرتضى : (عفت مصطفى وانداريت عليهة وعيوني تجدح نار .. لو بيدي اذبحهة واخلص منهة ) ليش انتي منو قابل حتى تهدديني ؟؟ تدرين هسة اذا اكتلج وانعل والديج محد يهتم و لا احد يحس ؟؟

عفراء : ( ضوجني وكمت اصيح علية ) ديلة تعال اكتلني منو مانعك ؟؟ ضميرك ؟؟ ليش انتة هم عندك ضمير ؟؟

مرتضى : ( لزمت ايدهة المجروحة وعصرتهة بكل قوتي ولويتهة ) اتحملتج هواي ووصل حدهة وياج .. ومن حسن حظج عندي طلعة .. بس لا عبالج انسة .. لا مستحيل .. بس ارجع لو اني لو انتي بالبيت .. مفهوم ؟؟

عفراء : ( ضغط ع ايدي حيل بحيث مكدرت احجي و لا كلمة من الألم .. ضليت بس اتقاوة وياه واوخر ايدة بس ماكو فائدة ... و ورة ما كمل كلامة  كال مفهوم اني غلست .. كرامتي متسمحلي اسمع كلمة شخص واتنازل )

مرتضى : ( لويت ايدهة و ضغطت اقوة .. وصحت بوجهة ) مفهوم ؟؟

عفراء : لا .. مو مفهوم .. هسة ارتاحيت ؟؟ 

مرتضى : ( ضليت ضاغط ع ايدهة المجروحة اقوة ) مفهوم ؟؟ ( حسيت شي ع ايدي باوعت جان تطلع ايدهة نازفة .. وخرت عنهة ومسحت الدم بملابسي  وصحت عليهة ) امشي اطلعي برة ( ويأشر ع الباب )
عفراء : ( ضغط ع ايدي الى ان نزفت ووخر عنهة .. بحيث ايدي كمت مااكدر احركهة من الألم .. ودخت حيل لان نزفت هواي .. خلصت طاقتي .. بعد ما كال طلعي برة .. طلعت كبل مارديت علية لان خاف يلح وياي ويتلوث الجرح ... طلعت ولحكني اخوه الصغير بعد ماصاح علية وطردة مرتضى )

اعتذر ع التأخير بس والله امتحانات ومالحك انزل بارت 😘😘😘😘😘