عفراء : لتصير غبي .. و شغل عقلك يعني قابل شعندي هنا جاية واني اول مرة اسكن هاي المنطقة ؟؟ ( بدت عيوني تدمع بدون مااشعر .. گمت ابجي واصيح علية ) والله امك دزتني مو بأرادتي اجيت و اذا تغير رأيك بعد مااتجاوز عليك .. ها ؟؟ اوعدك.....
مرتضى : ( مااهتميت لكلامهة وكملت طريقي بس صارت تبجي وتصيح فضحتنة .. رحتلهة )
عوفهة عبداللهعبدالله : لا مستحيل
مرتضى : مستحيل ؟؟ ماكو شي مستحيل .. عوفهة
عبدالله : انتة بعتهة بعد .. وماارجعهة الك
" وبكل عصبية تقدم مرتضى بأتجاه عبدالله وضربة بوكسي بوجهة .. وگع عبدالله بالگاع .. وشالة مرتضى و ضربة من جديد مرة ثانية وضربة مرة ثالثة ورابعة وخامسة الى ان وجه عبدالله ضل ينزف .. چان عبدالله يترجاه بس مرتضى قافل علية ومااهتم و ولا اتأثر .... "
عفراء : ( انصدمت وخفت بنفس الوقت .. تجمدت بمكاني .. معرفت شسوي .. حسيت أذة عبدالله بسببي .. رحت افزعلة .. وادفع بمرتضى ) يمعود عوفة .. لك حيموت الولد بيدك .. مخبل انتة لو عاقل ؟؟ اتركة .. ابتعد عنة ...
مرتضى : ( وخرت عنة والتفتت عليهة وبديت اتقدم .. ضحكت بأستهزاء ) مو ع ساس مچنتي تريد تروحين وياه ؟؟ اشو هسة حنيتي علية ؟؟
عفراء : ( اتوترت .. و اتلبكت بالكلام ) ها .. ؟؟ اني .. اني .. مجان قصدي ش..شي ... ب..بس راد يموت بيدك .. لا اكثر .. صدگني
مرتضى : ( ضحكت بأستهزاء ولزمتهة من حنچهة « ذقنهة » ) يعني هسة ترديني اصدك ؟؟ واذا اني افتهمتج غلط .. لعد ليش توترتي ؟؟
عفراء : ( دفعت ايدة لان جان بيهة ريحة دم قوية ومسحت وجهي ... وبكل ثقة وجدية حاچيتة ) لان فاجأني سؤالك لا اكثر .. وهسة عوف الكلام هذة ميوكل خبز .. امشي خلي ناخذة للمستشفى
مرتضى : وشكو خايفة علية ؟؟
عفراء : لعد احسن يذبوك بالسجن ؟؟ هو هم صوچي اني اهتميتلك
مرتضى : ( لعبت بأعصابي واستفزتني وهية مجرد فصلية .. صحت عليهة ) اذا تضلين تستفزيني هيج حيصير مصيرج مصير هذة ( يأشر ع عبدالله ) وبالتالي اروح للسجن مرتاح نفسياً و ماكو فصلية تعكر مزاجي .. فديربالج ع نفسج احسلج .. اني دااحذرج مني لذلك حطي نعال بحلگج واسكتي
عفراء : شفتني خايفة منك مثلاً ؟؟ تهديداتك ع غيري مو علية....
" قاطعهة "
مرتضى : ذيل الچلب ميعدل وعلي ... ( الجو جان هدوء وبس صوتي واضح وصدفة سمعت اصوات دتقترب من الفرع .. ع سريع سحبتهة من ايدهة وختلنة بفرع جانبي صغير .. ضلت تدفع بية وتريد تحجي حطيت ايدي ع حلگهة )
عفراء : ( فاجأني تصرفة جان سريع وبدون سبب .. لزمت ايدة الحاطهة ع حلگي و وخرتهة بعصبية ) ابتعد عني .. مخبل انتة لو ....
أنت تقرأ
ظلم فصلية (متوقفة)
Romanceقصة فصلية مختلفة عن باقي القصص واقعية جدا باللهجة العراقية "كيف ستتحمل العيش فتاة عصبية لكنها خجولة نوعاً ما وعنيدة مع شخص مغرور ومتكبر ولايطيق وجود النساء بقربه "