تغريد : (انصدمت وصرت عصبية لان مجنت متوقعة هية ترفض هيج بكل ثقة صحت عليهة بصوت عالي) لج فصلية (رحت يمهة واتقربت عليهة ولزمتهة من أذانهة وفريتهة) هم فصلية و هم مزعجة ... وافقي قبل لا اذبحج بيدي (جريت أذانهة حيل وفريتهة وتركتهة ودااروح جان اسمعة تصيح علية)
عفراء : (لزمتني من أذاني وفرتني فر اتنرفزت حيل منهة وخجلت لان فشلتني كدام الكل صليت لازمة أذاني بأيدي وصحت عليهة) لا تعتقدين تكدرين تجبريني ع شي
تغريد : (ردت اروح عليهة صار مرتضى كبالي) وخر من طريقي خلي اربيهة
مرتضى : يمة كافي ... الشيخ كاعد عيب ميصير هيج تسوين لان رح نصغر بعينة
تغريد : ابني اني رح اعوفهة الخاطرك بس اريدك تربيهة وتكص لسانهة
مرتضى : تدللي يمة ... يلة كعدي بمكانج (اشرتلهة ع كرسيهة وانداريت للشيخ وابتسمتلة) اعتذر ع الازعاج سوء تفاهم لا اكثر
الشيخ : لا ابني عادي مو مشكلة بس ..... (ضليت متحير)
مرتضى : بس شنو شيخ ؟؟
الشيخ : اقصد ع زوجتك اشو متقبل توافق ليش ؟؟
تغريد : (لمن كال زوجتك اني ضجت لان هية فصلية مو زوجتة) هاي فصلية مو زوجة
الشيخ : اعرف ... بس الفصلية جانت عادات وتقاليد قديمة لذلك رح تعتبر زوجتة مو فصلية
تغريد : (وگفت من مكاني وصحت) مستحيل يوم من الايام تصير زوجتة الة اذا ع موتي
عفراء : (ضلوا يحجون علية واني سكتت وصبرت بس امة زودتهة مكدرت اسكت صحت عليهة بعصبية) علساس اني ميتة ع ابنج وذابحة روحي علية
مرتضى : (حسيت السالفة صارت بلية ملح وزادت عن حدهة صحت ع عفراء ) احترمي نفسج لمن تحجين وية امي افتهمتي ؟؟
عفراء : (بديت اعيب واعلق علية) اوللا .. اتأثرت كلش ... دطير انتة وياهة (عفتهم وردت اطلع من الغرفة وصلت يم الباب ردت افتحهة سمعت الشيخ يحجي وياي)
الشيخ : بنتي .. تعالي اعقدي احسلج حتة متصيرلج مشاكل .. لازم تحترمينهم لان همة يعتبرون اهلج
عفراء : (سمعت الشيخ يوجهلي كلام صليت بس استمع واتذكرت بابا لمن جان ينصحني ودمعت عيوني وگبل مسحتهن والتفتت عليهم ) ماشي .. ماشي هاي هية موافقة
الشيخ : اكيد ؟؟
عفراء : اي
عفراء : (عقدلي الشيخ وراح واني اتمنيتة ميروح لان تخيلتة مثل بابا ... ياربي صبرني اني مااتحمل ناس غثيثين ... جنت داافكر كطعت سلسلة افكاري امة بصوتهة العالي )
تغريد : فصلية امشي سوي عشة
عفراء : (حجيت وياهة بستهزاء) الساعة ب4 العصر شبسرعة جعتي ؟؟
أنت تقرأ
ظلم فصلية (متوقفة)
Romansقصة فصلية مختلفة عن باقي القصص واقعية جدا باللهجة العراقية "كيف ستتحمل العيش فتاة عصبية لكنها خجولة نوعاً ما وعنيدة مع شخص مغرور ومتكبر ولايطيق وجود النساء بقربه "