🌷نصيبي اخي🌷
تأليف:رونق الشتاء❄
تابع البارت"9"
ولاء:اعليوه اوخي ياعسل انت..والله الكليه قربت ونبي بالطوات وهككي😇
علي:واني انقول شن سر الطيابه ودارتي دحي وجو طلعت مصلحه😒
ولاء:تو اتقول ماعمري درتلك حاجه😕
علي:امم خلي ندكر😛
ولاء:هيا يابارد بتقلني ولا
علي:وين بنقلك
ولاء:للسوق😇
علي:عارفتيني منحباش وجيج السوق
ولاء"اي وين اتعدي اتعاكس بس اتحبه😒":😶
علي:غريبه سكتي
ولاء:لا شي ابتنقلني ولا😁
علي:غدوه ايصير خير😌
ولاء:مع انه الجمله اللي قلتها مليهاش علاقه بالخير ببكل😵بس حنراجي لغدوه😔
علي:😂
ولاء ناضت:تنفيدا لمبادئ العداله الاجتماعيه..اني طيبت..انت تغسل الماعين
اني انضم الطاوله انت اتسيق الارضيه
علي:حااضر اني نغسل وانت انسي طلعت السوق😌🙈
ولاء"الحقيير من اليد اللي توجع":رربحت المره هدي ياعلي😖
علي:اصلا ديما رابح غير مش امركزه بس😎
ولاء:باهي نطلب طلب يا اخي العزيز😇
علي:مررفوض😑
ولاء:بلا براده اسمع بس😕
علي:شني
ولاء:بالله عليك والله اتسيق منحباش ببكل..اني نغسل الماعين وانضم الطاوله وانت سييق بااهي😇😍
علي:شن حالك انت راجل بطولي بطرطوري انسيق😞
ولاء:الرسول عليه الصلاه والسلام😍كان ايساعد في زوجاته انت بتجي خير من اعظم البشر
علي:عليه الصلاه والسلام..ولما اتولي مرتي تو انساعدك😁هي سلام وطلع من المطبخ
ولاء:خخزي التافت هدا..معمره دار حاجه امقومه😡😢
علي وصل لي داره:متجيش الززح طيباته وكليت وانخليها اضم ابروحها وبرم ولا للمطبخ👣
ولاء:خلاني ابروحي وعدا..رخاني في الشده..جرح قلب حببه قليل الخيير💔🎶
علي:مسيقتش معاك المطبخ رااه ..اتقول سيبتك بعد علاقه6س😂
ولاء:هييي😦فجعتني عدباللله مننك😳😢
علي خدي السياقه من ورا الباب:عموما كملي اغني
ولاء:خلاص من الرعشه هرب الصوت😒
علي:صبي اميه خلي انسيق😒
ولاء صبتها اميه وتمنكرت فيه صبتله نص خزان قريب😂
علي:الله الله شن بيكمله هدا
ولاء:متبيش عادي حط السياقه وتو انكمل😒
علي بدا ايسيق وولاء كملت الماعين وجت للطاوله اتنظف فيها
ولاء فاتت جنب علي وعترها بالسياقه وووو
هييلا هوووبا💃
ولاء اتجي متشقلبه واتشد في علي ايجي فووقها😳
ولاء دفت علي:حققير تاافت ووين امنلقى دبش توا😢😳
علي قمعز احداها:من الدولاب ساهله يعني😸
ولاء:حقوو شكرا لأني كنت حناخدها من التلاجه😒
علي:اها اشكريني معناها😂
ولاء:تي يا همي دبشي كله في الغساله من الزرده و اللي عليا بس امخليتها بعد انروح وحضرتك رزيتني فيها😒😡
علي:مش منك كل اشوي بلبسه غادي كان وفرتي راه عندك ما تلبسي تو😛
ولاء:صح الحق عليا
علي:وشن بديري توا
ولاء:امنقعد هكي لين تيبس ونمرض وانموت وتتفكو مني😡
علي:حتى هوا حل😛
ولاء:حوول حول يابارد وصبت👣
وتاراتا تاا
اتجي متشقلبه مره تانيه😂
علي:😂
ولاء:😡😭
ولاء:كان انوض امي ناخد منها قفطان تاخد رووحي بدااله😢😭
علي:نتخايل فيك لابسه دبش امي😂
ولاء:ااضحك اضحك😒خربها وقمعز ع تلتها💔
علي:تعالي امعاي
ولاء:وين
علي:للبحر لزرق😑تعاالي بس
وخداها من يدها ومشي قدام دارهم
علي"بهمس":خليك هنا
ولاء:وليش منخشش🔊
علي:نقصي حسك..محمد راقد وحضرتك اتنوضي بلااد بصوتك
ولاء:بااه😪
خش علي وطلع جايبها توته في يده
علي:هاك البسيها لبين ما جف دبشك
ولاء خدتها منه و فتحت الجاكه
ولاء:الجاكه ابروحها اتجيني قفطان😖😂
علي:دريه شن بنديرولك عااد😂
ولاء:بااه😑..هي تصبح ع خير
الله اكبر الله اكبر..
علي:الفجر يأدن صلي قبل ترقدي😊
ولاء:ان شاء الله😊عدت لبست التوته ومنضرها بنت عبييطه اتخب هيا والتوته😂صلت ووخدت اشوي دبش غسلاته ونشراته ورقدت
وجي الصبح🌞
لكن صبح اليوم عند عيت رقيه😛
رقيه:قتلك يا طه
طه:نعم يا ارقيوه
رقيه:دوتلي"كلمتني"زينب اختي قتلي يبو ايحددو العرس قداش من التأجيل
طه:وامتى يبوه
رقيه:شهر ونص شهرين
طه:قريب
رقيه:قبل القرايا قالت وااعر عرس في القرايا وفي نفس الوقت مش اموخرين للعطله
طه:فيها خيره
رقيه:شني انكلمها انقوللها بعد شهرين
طه:شن انتن بتحددن العرس😡..ايجي صلاح ورجاله امعاه وانحددو
رقيه:ان شاء الله تو انقوللها😳
وناضت اتوتي في الفطور🍪
زهراء:صباحو🍯
رقيه:صباح الفل
زهراء:شن تبي انساعدك
رقيه:حطي القهوه ع النار
زهراء:لبويا
رقيه:اي
زهراء:لااا فكني تو اتجي عوجه وانحصل اقراماتي
رقيه:مينعبى عليكم في حاجه😕خويتك وينها
زهراء:تدوش سيبتها💦
رقيه:اللي كيفها نايضه من الفجر تعجن و تتعلم
علاء:خير الفجر وقت مبارك ولا كيف😉😂
زهراء:😨فججعتني يا قرد😂
رقيه:جي المسطول التاني كملت😒
زهراء:امي ردي ع علاء
رقيه:😒
زهراء:قالك الفجر وقت مبارك
علاء:اي كيف الدوه يا امي😉
رقيه:خبطت زهراء بالبكرج"الداله"امتاع القهوه وعلاء سقدتله الكاشيك"الملعقه😂"
زهراء:اححح حرام عليك يا امي شن قلنا احني
علاء:طلبنا ان تسقينا من بحر خبرتك في الحياه😂
رقيه:ااطلو والله ماواحد قاعد احدااي😡
زهراء وعلاء هرربو👣👣
.
.
و ع الغدي في حوش زينب
زينب:يا اصلوحه😘
مروان:. .😹
زينب:😳😑
صلاح:. .😒
.
.
يتبع
