🌷نصيبي اخي🌷
تأليف:رونق الشتاء❄
تابع البارت"13"
.
.
ولاء:والكلام اللي قالتهلك سمعته رااه💔
علي:😔
ولاء:منوافق ع الدكتور عشان نرتاح وانريحها مني😔
علي:ششن اتوافقي..شن دخل المواضيع في بعضهن😨😵
ولاء:خدديت قراري خلاص
علي:قررار شني..تي والله كان اتوافقي يا ولاء معااد انكلمك طوول عمري😡
ولاء:😦
علي:والله الحوش معاد انخشله كان تطلعي مننه فااهمه😡💔
ولاء:مش حنقعدلك ديما اني😔
علي:تقعدي متقعديش حاجه تانيه هدي😾
ولاء:علي متعجزنيش😤
علي:اني قلت اللي عندي..وكان توافقي لا اختي لا نعرفك وطلع وقربع الباب
علي:ببوي😨
احمد:اي بووك😾وبطل تصرفيق في البيبان😒
علي:حااضر😑
وفااتت الليله ع الكل تخميييم🙈
ولاء ع حياتها كلها اللي مليهاش بدايه عشان اتفكر في النهايه
علي ع ولاء وكان وافقت شن بيدير
فاطمه ع الهم اللي في رقبتها "ع قولتها"
لكن اخطر موضوع كان عند احمد🙈خمم خمم فيه وحسم الامر وبعد وقت حيخبرهم بيه🙏😳
وججي الصبح🌞🙈
وصبح اليووم في حووش جديد متعرفنااش عليه من قبل🏡🙈
حسن باس راس امه:صباح الخير😍
حليمه"امه":صباح الورد
حسن:زميته😍عطيك الصحه يا غاليه😘
حليمه:صحتين ع اقليبك😍
حسن:تسلمي
حليمه:المغضوب خويك وين😠
حسن ضحك:حرام عليك يا امي
حليمه:وينه اكيد متمرقد😑
حسن ياكل:اااي سيبته راقد
حليمه:اكيد من السهر امس😒
حسن:شبااب يا امي خليه ايعيش😉
حليمه:شبااب..امال درته انت زمان..أاه الله يخلف عليك
حسن:😎
وجي ايمن عين مفتوحه وعين امغمضه😴
ايمن:زميته الفطور
حليمه:😠
حسن:قول صباح الخير ع الاقل يا راجل
حليمه:ماهو مش خاش ع ابنادميه😑
ايمن:صباح الورد والعسل والبندق بااه..بالله صبح فكونا من النفخ😑
حسن:تتحشم يا فرخ كلام امك نفخ راح😡
ايمن:غلطنا اسفين😑
حليمه:تاخد سو احسونه..ميفوت صبح غير بايس ع جبهتي وطالب ارضاي😤
ايمن:حتى هوا احسونه عاد😏
حليمه:لوكان حياه بوك الله يرحمه حي مادرت الشي هدا
الكل:الله يرحمه
ايمن:غير شندير ببس اني😑
حليمه:البارح واني فايته من اخدا داركم الساعه 3😠
ايمن:أااي😳
حليمه:الباقي عندك عااد😒
سماح:تتصنتي يا احويجه😂
ايمن:غير عليا اني..احسونه للفجر ايهدرز عاادي😏
حليمه:حسن خطيبته معندي عليش نمنعه..لكن انت شنو..قولي امنخطب والله متكون الا ليك لكن هكي اضيع يا ايممن اضيع😡😢
حسن:غلط يا ايمن غلط
ايمن:فكنا من الجو عااد..تو طلعت اني الكافر في هالحوش..تو يا ايمن انت عمرك مكلمت بنت😡😒ونااض طلع من المطبخ👣
حليمه:لا حول ولا قوة الابالله😤
حسن:ربي يهديه😌
سماح:احسونه
حسن:نعم
سماح:كرت النت كمل
حسن:تو انجيب
سماح:نجي احسونه💋
حسن ناض:اني طالع رضاك يا غاليه😍
حليمه:راضيه عليك دنيا واخره😙
طلع حسن وكلم هناء
قبل نعرفو شن قالو خل انعرفكم ع عيله حسن🙈
امه:حليمه
بوه:محمد متوفي
عنده خو واحد ايمن:24س"عرفتوه😉"
وزوز خوات سلوى:27 متزوجه وعندها ولد وبنت قصي4س،قمر3س
سماح:21س..
نرجعو لي عصافيرنا😘
حسن:صباااحو
هناء:صباحك
حسن:شجوك
هناء:تمام شخبارك انت
حسن:ملييح شن درتي اليوم
هناء:ليا 10د نايضه ملحقتش اندير شي😂
حسن:شن اديري لتوا يا خميره
هناء:مفيش احلى من النوم😍
حسن:انغاارو عاد
هناء:غار😂
حسن:دوم الضحكه😍
هناء:دوم عزم ونبض قلبك
حسن:و دوم هناك وحبيبك يرقد بحداك😍
هناء:هدا اللي تبيه عااد😳
حسن:مش غير😉بتجي للكليه
هناء:لا. .امم شن درت انت
حسن:اليوم. ."حكالها ع امه وايمن"
هناء:صار احبيب امك انت😘
حسن:اي احبيبها منوصيكش عليها يا هنو
هناء:بدون متوصي في عيووني
حسن:تعرفي هيا نوور اعيوني بلاها منتخيلش روحي انعيش بووكل
هناء:ربي يحفضهلك😔😳
حسن:تبي ارضاي..رضاها قبل
هناءغمت عندها:بااه يا حسن قلنالك في اعيوني
حسن طارتله من اسلوبها:وفوق راسك ازياده مش بس في عيونك😡
هناء:بااه حاضر يا اوليد امك في اعيووني وفوق راسي تماام😔😖
حسن:اوليد امي ونص😎
هناء:سلام وصكرت
هناء بدت تتبكي😭
حسن:خير امها صكرت هدي😡
عاود عليها لقاها مشغول😳
هناء:اييوا روزا😭
رزان"بنت عيشه":اهليين هنو خيره صوتك
هناء:ااهئ ححسن😭
رزان:خيره شن امدايرلك😨
هناء:ايحب امه اكتر مني😖
رزان:كيف فهمتكش
هناء:. .حكتلها القصه
رزان ضحكت:ان شاء الله ع شان هكي يا خايبه😂
هناء:😟من جدك اني انعيط وانت تضحكي😢😠
رزان:تي مفروض تفرحي انت
هناء:شن امنفرح وهو من الاول ولد امه
رزان:مسمهاش ولد امه يا خايبه..هدا امقدر جميلها وحاطها فوق راسه ومش ناسي فضلها ومتنسيش يا حلوه ان بوه ميت و معنداش غير امه
هناء:ققصدك اني غالطه😳
رزان:اي غالطه مفروض سايرتيه وبينتيله انك اتحبيها
هناء:باهي شن بندير توا
رزان:كلميه وديري روحك عاديه وكان سألك قوليله صبح ومش رايقه😔
هناء:هكي رايك
رزان:اكيد..ومهما يدويلك عليها مترديش غير في اعيوني وحاضر وكيف امي وهكي
هناء:تي انغار منها كيف يدوي عليها واضحه ايحبها اكتر مني😖
رزان:يا خايبه عمرك متقولي ايحبها اكتر مني كل وحده عندها مكانتها في قلبه انت حبيبته وهيا امه..وردي بالك تسأليه. .؟
هناء:. .😑
رزان:. .😨
.
.
يتبع
