🌷نصيبي اخي🌷
تأليف:رونق الشتاء❄
قراءة طيبه📖❤
.
.
عنفوان:تعرفي كان متنوضيش توا..بيجيك رضوان و مروان بينوضوك😈
غزلان وعيونها امغمضات:تت تي اخ اخطوني امنرقد. .مم مرقدتش بب بكل😴
عنفوان:مش منك مترقديش..طول الليل وانت ود ود مع حبيب الألب😒
غزلان:عديي😴
عنفوان:وحق ربي اخر مره انجيك بااهي😡وخلي خوتك يتفاهمو معاك"مشت اشوي👣وبرمت"وع فكره امك حاامقه بتطربق😡وقتلك متنوضيش خبر في راسي يادارنه
غزلان فتحت اعيونها:خيرها😦
عنفوان:مزاللها مليون حاجه للعرس+كسوت"جهاز أو بثاث" السيده عفريته مزال مكملناهاش+حوش عمران مزال يبي تشطيب اثات
غزلان:واني شن دخني شن اني امناخد😑
عنفوان:نوضي ناااايضه سااعدي امك😬
غزلان قمعزت:باهي نضت هي..شن بندير😤
عنفوان:امنمشي اني وياك للسوق انكملو دبش عفريته
غزلان:تي ليش مخداتاش ابروحها وريحتنا😪
عنفوان:مبتش..ع المهم عمران يراجي لوطا..نشطي روحك
غزلان ناضت:بااه"وفي خاطرها"ككله منك يا محمد طول الليل نايضه"😪😔
.
.
اما عند الثلاتي المرح😹❤
.
.
سرور قمعزت ع السرير:أووي🔊😪
ولاء حولت الغطا:نعم😣
سرور:عندك نيه مزال ترقدي..طار النوم اني😔
ولاء قمعزت واسندت ع السرير:احررف منك🙀
سرور:الكلبه هوازن راقده شكلها😩
هوازن من تحت الغطا:إنت كلبه يا تااافهه🔊😒
ولاء،سرور:بسم الله الرحمن الرحيم😨😂
هوازن حولت الغطا وقمعزت:أااه😣نفتحله قبره كان نعرفه من فتح الدنيا علينا😡
ولاء:عدبالله من الشيطان..طار النوم من اعيونا😣
سرور ناضت للحمام:هي نوضو انضمو الدار وننزلو لوطا😪
ولاء:رغم ان مفروض التافت علي يحي يضمها😒
هوازن:المفروض مرفوض يا أقليبي😔
ولاء ناضت:أااه. ربي يفرج😖
هوازن ناضت:هي نبدو في الدار لبين ماطلعت سرور
ولاء:تم👍
.
وبعد🕥
.
ولاء:هي ننزلو نفطرو😊
هوازن:ان شاء الله فطور زي الخلق بس😣
ولاء:شن قصدك يا تاافها😒
هوازن:غير امشي بس تو انخبرك بعدين😔
ولاء😝
هوازت:😋
وهنا ع الدروج
ولاء:نفطرو ونركبو انكسدو ع علي😈
سرور:كيف😟
ولاء:تو اكيده راقد نركبو تتنقمو منه😈..أاا..قصدي انوضوه😇
هوازن:تتتم👍😈
👣👣👣
البنات:صبااحو🍦
فاطمه:صباح الورد
ولاء:سرور سخني الشاهي وهوازن ولعي ع الدحي😘
هوازن:وحضرتك شن بديري😞
ولاء:امناكل😎
هوازن:نووضي رصااصه😒
ولاء:ولا16 يا تاافته..ماهو منسخن الخبزه ومنجيب الطواسي😒
هوازن:أها..ظلمتك صار😜
ولاء:😒😝
فاطمه ناضت:بسلامتكن😂ابرمن ع المطبخ قبل تطلعن😸
سرور:تعالن قمعزن هي🙈
هوازن:لا باهي فطوركم طلع يتاكل😘
ولاء:شن قصتك مع الفطور يا مفجوعه إنت😟😂
هوازن:تي اسكتي بالله😣
سرور:ياساتر😂
هوازن:طلعت من الحوش مش فاطره..قصدي حاجه ع الخفيف هكي ع اساس عابيا خالتكم هوازن ع فطور امقوم تلقاه غادي..أاااه😣ترا قولي شن لقيت💔
الكل:شنني😟
هوازن:أااه هاتولي مناديل..ادموعي بينزلو..قعدت صايمه لعند اللي امسميينه غدي🙀
ولاء:تي شن لقيتي يا دعوه😟
هوازن:حليب معيز ع حليب بقر ع زميته ع مش عارف شنوو😣😣"ع اساس متعوده ع الكندر والنوتيلا في حوشهم😂"
الكل:😂😂
هوازن:تضحكن😒
ولاء:احمدي ربك نعمه❤
هوازن:الحمد لله في كل وقت..لكن نشهد بالله يوم من السراط😾
ولاء:را حتى احني مانا امدايريلك نوتيلا وكريب..كولي دحي وانت سااكته😒😂
هوازن:حتى في حوشنا مامتعوده عليه😂..لكن ماناكلش في شي معييز😷
ولاء:مره هكي ومره هكي😂
هوازن:هدا كله كووم..وانهن ايطوقن بيه كووم تاني
ولاء:من هنا
هوازن:نسوان خالي..ايطوهن بالمعيز الزميته.."اضبطو نبره الصوت"والله الحليب هدا يتعاركو عليه اعراك في السوق..اتنوض التانيه..اماله حليب الابل امتاعنا مايقد ساعه في سوقه😎😒
الكل:😂😂
ولاء بدموعها من الضحك:عععطك دي😂
هوازن تاكل:يدويك😒😂
ألاء:سمعتو اخر الأخبار🙈
ولاء:شني
ألاء:علي بيقرا في الكليه
ولاء ببلاها:من علي😟
ألاء:علي..تي علي خويا..خونا
ولاء:علي أحمد محمد ال. .😦
ألاء:أي😂
هوازن:والله تطورات عليه وجو😹
ولاء:وكيف عرفتي يا ألاء
ألاء:الصبح خبرنا..وطلع بيقرا"مش فاهمه شي😂"
البنات شبحن لبعض:قق قصدك😦
ولاء:بعد خطرها..ألاء إنت فتحتي علينا الضي والشباك امبكري😒
ألاء:لا والله ماني أني😵
هوازن:متأكده😒
ألاء:وحقربي ماني اني😔
ولاء:معناااها😓
هوازن:الحقير علي😠
ولاء:ميديرهاش الا هوا😬
سرور:بتتعشن بيه تغدى بيكن😂
ولاء:والله شميت"وسكتت😶"
سرور:شن شميتي😟
ولاء"حححي😓":أاا..أا حح حسيت..قصدي حسيت انه هوا😅
هوازن:كيف عايشين معاه خوك هدا😑
ولاء:اني راس 2 والثالت اصغير..اماله انت😂
هوازن:في فرق..في حوشنا اني اندير في خوارق ماحد ايديرلي😌💪
ولاء:أوو..روزا Boy💪😂
هوازن:هيك شي😂
سرور:شن متخصص هوا علي
ولاء:تقريبا كان برمجه وقاري سمسترين
سرور:أهاا
هوازن:حتى احني همنا قريب يبدا😣
ولاء:أي الاحد اللي بعد الجاي💔
سرور:وخيركن متنكدات..سادنا من العطله..خل نلهو في حاجه😙
هوازن برقت في ولاء:بتنوضي تقتليها إنت بنت عمك ولا انوض اني😑
ولاء:تحب تقرا النم هدي😒😂
سرور:كسولات😛
هوازن:😝
ولاء:. .😪
هوازن:. 😨
.
.
يتبع🎼
