🌷نصيبي اخي🌷
تأليف:رونق الشتاء❄
البارت"18"
.
.
ناضت ولاء وتت دبشها عشان اتغير طول
ولاء:تي الفلوس هدينا ميديرن شي😢وااك..ياربي تي امنين امنشحت😭شكلني منكلم رهام انغيرو المكان..تي حشمةالزح ان. .
علي خش للدار يتلفت:باقي افيوزاتك طقن ولا شني😅
ولاء:😑
علي قمعز ع المكتب:مع من كنت تدوي
ولاء:مع روحي..حرام الواحد يسأل ع روحه مره مره
علي:لا اسألي براحتك😕
ولاء:تبي شي انت😁
علي:عادي..جاي امكسد
ولاء:كسد بعيد..اني ظروفي حاليا متسمحليش انكسد الحق😑😢
علي:ظروف شني😂
ولاء:ظروف اقتصاديه لا تستوجب الضحك😠😕
علي:اقتصاديه😟ابتفتحي مشروع ومنعلموش ولا كيف😅
ولاء:مشروع فيه كرامه وبرستيج وقوام دوله بيينهد😭
علي:ياسااتر😦
ولاء:. . وحكتله القصه"مع بعض التعديل طبعا😂"
علي:تي ياعن جدك الززح هدا عليش😂
ولاء:من جدك تضحك انت😠
علي ناض:ماعندي منديرلك..امفلس مع الاسف😅
ولاء:ااصلا معمري استفدت منك في حاجه😒ومنبيش منك اصلا..غير اهو انخبر فيك وخلاص"كذاااابه والله كان اخر امل عندها😂"
علي:الله غالب😌وطلع وصكر الباب
ولاء:اللهم نشحت من بوي في السياره وخلاص😪
وجي الغدي تغدو وركبت ولاء بتغير ولقت ع المكتب💸
.
.
ولاء:😟10،30،..100،..
ولاء:250د حي😍..اكيد رزقه من ربي هدي😍 "وبالمصري"يامنته كرييم يا رب😍"مسكينه ع باب الله تشحت😂"
وخدت الفلوس ولا من شاف ولا من دري😛😂
لبست وامقمعزه ع الزيانه"التسريحه"تلبس في اكسسواراتها👛💄
علي فتح الباب وخش قعد ايفركس في المكتب
ولاء:شش شن ادير😟
علي:عندي حاجه اندور فيها
ولاء"كما ايدور في الفلوس😓":حاجه شني😓
علي:مبلغ..معاش القيته..قلت يمكن طاح مني هنا.. بلكي قابلنك انت
ولاء:أاا..لا لا مريت شي😇..وبعدين مش ع اساس امفلس انت😒
علي:تي مبلغ رمزي هو😁
ولاء:250 مبلغ رمزي"هههي عطني دعوه في الساني😳🙊"
علي:ووشن عرفك فيهن 250😒
ولاء:أاا مم مااهو انت قلتها😇
علي:اني قلتها😟..ماندكرش في روحي قلتها
ولاء:أاي ااي قلتها..شن نوحي عليك اني😁
علي:بطلعيني من عقلي والله ماقلتها😵
ولاء:مندري عليك اني😤
علي طلع وصبا جنب الباب:عموما صحتين عليك الفلوس مره تانيه قولي خديتهن😉
ولاء:😳
علي:والسررقه حراام رااا😉😂😂
ولاء:😳😳
وطلع وصكر الباب
ولاء:ححي ع الحشمه..يا ريتني مخديتهن..تي شن عرفه خديتهم هوا اصلاا😵يا عليك تزلييطه😳😵
وعند علي اللي طلع من دار ولاء وعدا لي داره
يضحك عليها و ع اهبالها😂
الباب:✊✊
علي:خش
ولاء خشت:أااحم..
علي شاد ضحكته:ننعم
ولاء مدتله الفلوس:هدينا افلوسك وو و Sorry Man😳😢
علي صكر ع الفلوس بإيدها التانيه:تي خودي بلا جو واصلا هنا ليك من الاول😉
ولاء:ممش عارفه كيف خديتهن والله😳
علي:اللي صار صار😂
ولاء:بالله امنسألك سؤال
علي:شني
ولاء:كيف عرفت اني حناخدهن الفلوس😳😕
علي:عارفك اتشمي الفلوس شم😂
ولاء:عدي يا بارد😒
علي:كلام البارد صار ولا مصارش😂😉
ولاء ناضت:بااه..وامنور ع المبلغ😘
علي:ميحشمك شي..تبي اطلبي بس😉
ولاء:مبلغ يمسح ع الكبد الحق😍😂
علي:بااه😂
وعند رهام مع خوها رامي في🚗
رهام:تي نشط روحك..خيرك تمشي ع الدحي😒
رامي:في العجله الندامه وفي التأني السلامه😊
رهام:رامي متحرقش اعصابي😤خخف روحك معقوله تمشي40
رامي:مش عاجبك انزلي ع كرعيك😒
رهام:ع الحال هدا ننزل عاادي😒
رامي:عارفك مهبوله..تو تخبطك سياره في رقبتي
رهام:تي باهي خف روحك رسمي البنت جايه من بكري
رامي:تسكتي خير انت😬
رحاب:مش عارفه كيف توأم انتم بس😤مفيش ولا حاجه مشتركه بيناتكم😑
رهام:😒
و وصلو ببعد اطلوع الروح"ع قولت ريهام😤😂"
رهام:ايوا لولي..شني وين
ولاء:دقيقه بس اهو خاشه من المدخل
رهام:واني مش بعيده اهو جاياتك
👣👣👣
رهام جت تجري لي ولاء تعنقتها:تتوحشتك يا كلبه😍
ولاء:واني اكتر يا بقرتي
رهام شدت يد ولاء:هي سيده الاء ورحاب عدن ع حالكن ووين منروحو تو انادوكن😑
الاء:غير سلمي بس😑
رهام:بالنيه😑ازلحقن هي😠
ولاء:قاعده هبله زي ما انت😂
رهام:تربايتك😉
ومشو خدو طاوله وقر قر قر مسكتنش بككل😂
ولاء:وهدا ماصارلي في شههر😹
رهام:اماله كان انخبرك😛
ولاء:شووونو🙉
رهام:. .😂
ولاء:. .😦😘
~ ~ ~ ~
وعند هناء اللي مش قادره ترقد من عملة بنت اختها"روان"
هناء سارحه:ياناري البنت بضيع روحها وبضيعنا😭ليش تقطع في نصيبها ونصيب خواتها😢
وفي عز تفكيرها رن نقالها🎵
هناء"أااه يا حسن😭":ايوا😩
حسن:اهلين نوني😟خيره صوتك فيك شئ
هناء شاده روحها بالسيف:بخير مم ممفشي شي😔
حسن:متأكده
هناء:اي😩
حسن:عموما لما تستحقي اتفضفضي اني موجود وصدقيني مستحيل تلقي انسان يفهمك ويخفف عليك اكتر مني💝
هناء"ياريت نقدر نحكيلك ياااريت":ربك يفرج💔
حسن:تعرفي انك قريب 5 ايام مرنيتيش عليا كان رنيت اني باهي كماهادا لا
هناء:من يوم الخميس ولا😢
حسن:ايه وصكرتي عليامش عارف شن جاك
هناء:أااه يا ريتني مكلمتك ولا طلعت من الحوش.ياريييتني😪
حسن:تي شن فيك هنو..بجد كان متحكيش امنزعلو من بعض را😾
هناء:. .😔
حسن:. .😩
هناء:. .😳😭
حسن:. .😨😱
.
.
.
يتبع🍯
