🌷نصيبي اخي🌷
تأليف:رونق الشتاء❄
البارت"12"
ضرار:بلاد اجنبيه وابتاخدو لغه اوكي تمام..تتكلمو مع المجتمع بالانقلش فهمنا..بس بيناتنا ليش تتكلمو بالانقلش..رانا ليببييين متنسوش الشئ هدا😑
فاتن:مش ناسيين بس نتكلمو بيناتنا عشان تعودنا بس😪
مارن:Where I learned language own Libya, and you have not generate where even😒😏"من اين تعلمت اللغه الخاصه بليبيا وانت لم تولد فيها حتى"*بعد فاتن ولدت خالد سافرو..يعني الباقي كلهم انولدو في ألمانيا*
ضرار:منولدتش فيها ليبيا بس من شباب العيله فهمت وتعلمت اللهجه وحبيت ليبيا رغم كل اللي صاير فيها ومتنسيش انها بلادنا الام😔
مطاع:صح واني معاك يا ضرار ليبيا بلادنا والمفروض نفتخرو بيها وبلهجتها😔
جارونيا:National is Germany and others don't know Homeland"وطني هو ألمانيا وغيرها لا اعرف وطنا😌"
كريم:لاا يا جارونيا ليبيا هيا بلادك ووطنك الام وعمرك متنكريها ابدا😡
ضرار بصداع:ريت غربتك لوين وصلتنا..اني امنحجز اول طياره لليبيا وحنرجع ليها😡
مطاع:تذكرتي معاك يا ضرار😤
وطلعو وصرفقو الباب
جارونيا ومارن طلعو لي كلياتهم وخالد طلع لشركته فاتن تبككي:جي اليوم اللي حدرتك منه يا كريم..الصغار ملو ويبو بلادهم😿
كريم:😶😩
فاتن:قتلك انردو قبل 10 سنين فاتن بس انت مبيتش😳
كريم:متوقعتش ايسيبو العز والعيشه الكويسه هنا وايحنو لليبيا رغم انهم مش ماشيلها غير مرتين ولا3
فاتن:الانسان بيحن لي اهله وناسه وبلاده..بالله متخليهمش ايعيشو نفس اللي عشته😭
كريم جي حضن فاتن:خلاص حبيبتي اللي فات فات وان شاء الله نقدرو انغيرو الجاي
فاتن:مماتو متوحشييني..ماا ماتو ولليهم 8 سنين ماريتهم😭مامااتو وقلبههم محروق عليا
كريم:الله غالب..ربي يرحمهم
فاتن:نااار في صدري يا كريم ..نااار بالله عليك متخلي اصغارنا ايجربوها💔
كريم:ان شاء الله خير😪"فاتن امها وبوها ماتو بحادت وهيا مغتربه برا..ووين ماتو كانت اخر ززياره ليها لليبيا من 8 سنين ومعدنهاش في ليبيا غير خوها الصغير واسمه جلال^عرفتوه😉^"
اما عند محمد اللي يراجي في صباح اليوم بالدقيقه 🕘وجي الصبح🌞
محمد باس راس امه:صبااح العسل و الورد ع احلى ام😍
خديجه:خاطر عليا را من زمان قلنا نخطبوها 😒😕
محمد:حرام عليك ياامي😂
يوسف:اليوم ادويلها كلام نسوان..وكان في نصيب الخميس بالمره ندو كلام رجاله
محمد:😍😍
خديجه:اي ان شاء الله خير😘
وفاات الوقت وجت العشيه🙈
محمد نقل امه وهوازن لي عمته زينب😘
خديجه:✊✊
رضوان فتح الباب:😍😍
خديجه:كفحالك يا ارضيوه😘
رضوان:الححمد لله شخبارك انت عمتي خديجه
خديجه:الحمد لله كيف حال امك واهلك
رضوان:بخير بخير..كيف حالك يا هوازن😍
هوازن:اكويسه
خديجه:امك قاعده
رضوان:اي اي قاعده😊
هوازن:بتخلينا ع الباب واقفين😁
رضوان:أاا تفضلو تفضلو😳
خديجه:تحشمي يا بنت
هوازن:😂
وخشو داخل وجت زينب وقعدو يهدرزو
هوازن:عنفوان وين غزلان
عنفوان:اتغير في دبشها"حوايجها"تو اتجي😁
خديجه:والله جاينكم اليوم وطالبين القرب😘
زينب:مرحبتين بيكم😟
خديجه:لولاد كبرو وكان نلقى تنهنى عليهم وماخير من بنات العيله بنات😍
زينب:اي والله يا خديجه😘
هوازن في خاطرها'كان تسمعك امس شن كنتي اتقولي بس😒😂"
خديجه:والله يا حنه اليوم جايتكم ونبي..وخشت غزلان👣
غزلان سلمت ع خديجه:كيف حالك يا عمتي
خديجه:اهلين الحمد لله كيف حالك انت يا عروس
غزلان:😳أاا الحمد لله
وجت سلمت ع هوازن
هوازن:اهلين مرت خوي كيف حاالك😘😉
غزلان:😦😳بخير..وقمعزت احدى هوازن
زينب:اي شن قلتي يا اخدوجه
خديجه:والله يا حنه اليوم جايتكم ونبي غزلان لي احميده😘
غزلان قريب اغمى عليها ونااضت تجري هربت👣😂
هوازن:😂
زينب:والله ما نلقو خير منه..بس الراي الاول والاخير لي بوها
خديجه:خودو وقتكم بس كان نلقو اتردو علينا قبل الخميس..وكان في نصيب يوم الخميس يتفاهمو الرجاله مره وحده في حوش رقيه
زينب:اي ان شاء الخير وان شاء الله فيكم النصيب😘
خديجه:ان شاء الله😙
اما عند غزلان اللي حاسه قلبها حيوقف ومشاعرها متلخبطه💓مابين الفرحه والصدمه والخوف ككلها مخلطه عليها وماحستش ابروحها غير وهيا تبكي😿وتدعي ان شاء الله ايكون من نصيبها👐"ان شاء الله ربي يرزقكن بالشعور هدا مع اللي اتحبوه😻🙊"نرجعوا للروايتنا🙈
وخشت عليها هوازن
هوازن:هييي😨 خيرك تبكي
غزلان:اانحبه يا هوازن والله اننحبه😭ان شاء الله ربي يجمعني بيه😘😿
هوازن تعنقتها"اضبطتها":خلاص يا هبله..اهو يا حنه حبيبك جي خطبك وبتعيشو احلى عمر مع بعض😍
غزلان:ان شاء الله🙈
هوازن:كلا انت..تو قبل مش امعدله ولا عمرك قلتي انحبه ولا بكيتي حتى وين قتلك امنخطبوله..و اتوا بعد خطبك تبكي😟😂
غزلان خبطتها ع كتفها وضحكت:الحب يا حنه😍😂
هوازن:مشاعر معاقه مش حب😒😂
غزلان:ان شاء الله اتجربيه يا حنه
هوازن:لا يا حنه فاولي ع عمرك..هكي متريحه😎
غزلان:تو انشوفو يا هوازن..كان مابكيتي في زي موقفي اني ما يبدى اسمي غزلان👌
هوازن:تحركي من مكانك😒
عنفوان:. .😒
هوازن:. .😛
.
.
يتبع🌼
