🌷نصيبي اخي🌷
تأليف:رونق الشتاء❄
متابعة طيبه🎡🎶
.
.
خليل:قصدك تبيني نفسخ ولا كيف😟
محمد:ع راحتك..ومني اني ما جبرت اختي عليك الا عارفك تهني..لكن يا صاحبي كان كملت الموضوع غاصبها ومستغفلك ميصير شي😔
خليل:كون هاني يا احميده وبإذن الله حنكمل معاها☺
محمد:😦
خليل:حتى مش اموافقه..اني شاريها وبإذن الله حنكمل معاها
محمد:تدوي جديات😓
خليل:وفي ابصاره في مواضيع زي هدينا
محمد:مش تقول صاحبي ومش فاسخ..قتلك فسخت ولا علاقتنا زي ماهيا
خليل:ومن قالك ع شانك مش حنفسخ😜
محمد:عشان منو امال😞
خليل:عشان الكبيده😍تعرف يا محمد أختك رغم اللي قلته كله ورغم حاسها من الأول مش اموافقه بس متربععه هنا"أشر ع❤"
محمد:رغم انك تدوي ع أختي والمفروض تحصل طريحه😒..لكن نشهد بالله راجل..وان شاء الله ربي يفرحك بيها😸
خليل:ان شاء الله😅
.
.
الوقع👇
زهراء:خليكم بنات..باتو اليوم
ولاء:غدوه بإذن الله انباتوا كلنا في حوش عيت زينب
زهراء:واليوم هنا😢
هوازن:و الله الحوش مقلوب وامي امرحله من يوم الأتنين عندكم وعند عيت زينب..منروح اليوم نبرم عليه وغدوه بإذن الله نباتو..واهي رونق جنبك
ولاء:نفس حالتنا..ويا خايبه نباتوا غدوه خير عند عيت زينب..جنب اختك😉
عفراء:😢
زهراء:ياألبي بنتعدي واتسيبني😭
هوازن:بلا جو انت وياها..اقريبه هيا😒
ولاء:هي سلام توا👋
هوازن:واني خطاب وصل..سلام👋
طلعوا البنات وسيبوا زهراء و عفراء ينوحن😭"😂"
.
وعند هوازن دوشت وبرمت ع الحوش وفتحت النت بتكسد اشوي🙈
مخلل حامض📱🎶"غيرت اسمه😹"
هوازن:يا عليك حصله😣
هوازن:أيوا😑
خليل:أهلين..شجو
هوازن بكذب:والله تاااااعبه منرقد😪😈
خليل:سلامتك من التعب😙
هوازن:سلم اصحيحتك😑
خليل"بصوت":😂😂
هوازن:وخيرك تضحك😕
خليل:خطرتي عليا حنتي الله يرحمهااا
هوازن:تعيش وتترحم😒وبشني خطرتها عليك..تشبخ فيا شعري شايب ولا اسنوني طايحات😒
خليل:الزوز😂
هوازن:خزوو😱
خليل:تي انبصر..بس اسلوبك كيفها😹
هوازن:اسلوبي شيك اني💁
خليل:اي واضح
صممت😶
خليل:إي..شن امدايره لأهلي إنت
هوازن:شن امدايره😓
خليل:قالولي ماشيين بيشوفوا خطيبتي طلعلهم امسيميقوا😂
هوازن:مزال المره الجايه يطلعلهم اندرتيكا😳😑
خليل:وسسعي بالك😂
هوازن:ماريت شي مزاال😏😹
.
وفااات الوقت وقعدو يهدرزو ويتعرفوا ع بعض وهوازن سرحت في الهدرزه معااه ومحستش بالوقت🕡😹
.
الله اكبر الله أكبر🔊
هوازن:حيي الفجر😨
خليل:أي أذان☺
هوازن:والله ماحسيت بالوقت😵
خليل:مش تعرفي الوقت معاي ماينحسش بيه😎
هوازن:يا ثقه😒هي صكر خل تمشي نصلي ونتمرقد ع حالي😪
خليل:تي باهي حتى تصبح ع خير النم
هوازن:اين تصبح..تي صبح توا😂
خليل:بااه😂
هوازن بسرعه:تصبح ع خير..سلام😳
خليل:تلاقي الخير😁😍🚫
.
صكر منها خليل وكلله أمل انه حيجي اليوم اللي تبادله فيه هوازن ولو جزء من المشاعر اللي يكنهن ليها❤💫
صكر ويدعي في ربه أن اخرة صبره عليها خير👐💝
.
وفااتت الليله وكل بطل من ابطالنا متعلق بالشي وصاابر وداعي ربه يجمعه بيه💖
.
عمران&عفراء:أطول ليله تمر عليهم..وأطول ليله تفصلهم ع أحلى يوم صبروا عشانه وقت طوييل💜
.
هوازن&خليل:ليله كانت بداية شرااره التعارف بينهم..ليله عند خليل يتمناها كل ليله..أما هوازن حست بأنها تريحت لخليل بس مزال مش مستوعبه الموضوع🚩
.
علي&ولاء:شعور أمل وأمل كبييير بالله💝وواثقين انه لو مكتوبين لبعض حيجي اليوم اللي يكملوا بعض فيه💞💫
.
.
وجي الصبح🌞
واشرقت شمس اليوم و جايبه معاها أحدااث حتغير في نفسيات ابطالنا🙊أشرقت الشمس ونورها حيوضح بعض الأحداث الغامضه و بعض المشاعر المبهمه 💨💥🙈
.
.
واول حوش حنفطرو عنده اليوم حوش رقيه😹🙈"عرس عااد يسدنا كلنا😉😂"
.
رقيه:تي وين أختك وقت ع المزين
زهراء:سيبتها تلبس😢
رقيه"تمسح في دموعها":وسادك من البكي من امس تنوحي😢
زهراء:حتى انت تبكي😭
عيشه:خلاص يا أبنيتي..ربي يهنيها ومش بعيده هي😸
زهراء:بيفضى عليا الحوش😭
عيشه:تو اتجيب اصغار وتاخدو كناين ويتعبى😄واصلا حتى انت امنعطوك😅
زهراء:😒😭😭
عفراء خشت:معاش نبي نتزوج اني😭
الكل:😦
زهراء تعنقتها:اي اقعدي خلاص😢😊
كريمه:نوضي رصاصه إنت وياها😠مناقص غير توا تقولي مش متزوجه😬
زهراء،عفراء"متعنقات بعض":😭😭
علاء:أااحم..في حد✊
رقيه:لا خش يا اوليدي ما في حد😿
علاء:😟الله الله..وخيركم تتنوحوا😟
زهراء:وغريبه دقيت😞
علاء:نحساب في حد من عمامي😅..وخيركن تتعايضن😞
ربيعه:خويتك ماتبيش تتزوج😬
علاء:معقوله متبيش تعدي"بصوت رقيق" لعمووري😕😈😂
عفراء:تحشم😳
علاء:يالله..ع المهم اني في السياره متعطليش عشان نوصلك😪
زهراء:😭😭
عفراء:😭
رقيه:هي اطلعي يا أبنيتي☺😢
طلعت عفراء ووصلها علاء للمزين🙈💅💇👱
وفااات الوقت وعفراء جهزت روحها وجت لحوش أهلها عشان تنزف لراجلها وحبيبها وحب طفولتها عمران❤
.
ربيعه:عدي يا زينه مربوحه. .الأبواب السبعه مفتوحه👏
عمتها:عدي مربوحه يا زينه. .اللي عمرك ماوجعتينه👏
هوازن:حوش العز طلعتي منه. .ديري كيفه وأحسن منه👏
زهراء:😭
عفراء:😢
ولاء:خلاص يا زيزو بتبكيها معاك
زهراء:وو واعره طل طلعتها😭
هوازن:تي بلا بدع..بتعدي معاها توا وبتباتي غادي ومن الصبح امشيلها😒
ولاء تسكت فيها:خلاص زيزو✋
علاء:هي طلعوها😸
رقيه شدت عفراء من إيدها:هي ابنيتي نوضي☺😢
عفراء شدت ع يد امها:😿😿
ركبوها للسياره وبزعوا وراها أميه وسكر وانطلق بيها علي خوها لحوش عيت زينب🚗🌺🍁🍀
.
وفي اللحظات هدينا🙊
هوازن:الحقير خطاب فاتني وقاعد في حوش عيت زينب😤
ولاء:اتفقت مع علاء نركبوا معاه
رونق:تي يا عليك حصله حتى اليوم معاه😒😤
علاء:مش عاجبك..اقعدي ونسي امي هنا😒
رونق:بسم الله😨
الكل:😂
علاء:هي تعالن نطلعوا مع الزفه👋
الكل:اوكي👍
في 🚗🙊
هوازن:حي علي هنا😟
علي"وناويه نخلي ولاء بروحها😒":😅
ولاء:مش ع اساس وين قتلك قلنا قتلي مش فاضي ومع عمران😞
علي:لا كملت معاه وجيت😅😆
ولاء:😕
علاء يجري:بيييب بييييييب💨
البنات:ووووه🔊
علي:تي تقصن حصكن😬
هوازن:علي بلا نكد ترا😑
علاء:تي خليهن يعيشن اللحظه😛
علي:😦😒
هوازن:علاء افتح الشبابيك👏
وفي نفس اللحظه علي شبح لولاء من المرايا وهيا شبحتله وخطر ع بالهم نفس الموقف🙊😹
علي:أححم..متفتحاش😑
علاء فتح ال4:تي بلا جو
علاء علا المسجل🎶🔊🔊
ولاء:ووووووووه🔊
علي:😱
ولاء"دارت روحها حوله😂":لوولووولي😌💁👏
علي:🙍
وطبعا برا الشارع مقلوب تبييب واغاني والجو جميل💃🚗🔊🎶
.
وصلوا لحوش عيت زينب🙊
وطبعا كانوا المعازيم واصلين و باقي العيله"اللي ماجوش من حوش رقيه"قاعدين واستقبلوا العروس ودرجوها👰وبدأ العد التنازلي للدخله🙊
زينب:مرحبا يالافيه. .جيتينا بالعافيه👏💞
غزلان:مرحبا يا مرت خوي. .يا عمارت حوش بوي👏💗
خديجه:انت يا حوش اعمارك جي. .من 7 تراكين ضوي👏💖
.
وفات الوقت وجي موعد الدخله👦🙈
.
خش عمران تحت أنظار الكل..وتقدم لعروسته وحب حياته وصبر اسنينه❤..طبس عليها ورفعلها الطرحه وشاف لعيونها ودعي ربه من ووسط خاطره ربي يكمل عليهم وما يفرقهم ع بعض طول العمر💖
.
عمران باس جبهتها:ربي يحفظك ليا❤
عفراء"بهمس":ربي يدومك تاج فوق راسي❤
•~°
ويابخت من تمنى حبيبه وصار من نصيبه❤💍
~•°
خداها عمران من إيدها وطاار بيها لعش الزوجيه متعاهم وعالمهم الوردي اللي حيبنوه بحبهم طوبه طوبه💗
.
طااف طااف🎆🎇 "ألعاب ناريه😂"
.
زينب:الغالي كيف الطير الحر. .فرغ باروده وظهر👏
ولاء:معاش طلع هوا😂
هوازن:مشي الدسكه😉😹
"وقعدوا يدربكوا..اكيد قلقتوا من الغني😀😂"
.
هوازن:أحح..رجليا طاحوا من الكعب😖
ولاء:حتى ني..هي نخشوا انغيرو
هوازن:هدا اللي بيصير..بنات ششني تغيروا
البنات:أوكي👍
ناضوا غيرو وفاات الوقت وروحوا الناس وضموا الدنيا
.
مكسدين في الخيمه👀💙
.
هوازن:فيسع مافات العرس
زهراء:ببكل..التجهيز ليه أكتر منه😸
رونق:الحمد لله ربي كمل عليهم وجمعهم ببعض❤🙈
ولاء:إي..وحقربي وين خش عمران لين لحمي شوك🙊
علاء:عقبالنا يالله😉😹
رونق:😕😌
ولاء:ان شاء الله كل من تمنى حبيبه ربي يجعله من نصيبه💫❤
علي:❤👐
الكل"بصوت عالي":أمين👐
رضوان:شن صار في عرسكم يا نزار
نزار:عرس مشترك منديروه الحق
رضوان:ربي يكمل..بين هناء و روان ولا
هناء:اي وحتى عبسي😉
الكل:😦😟
عبسي:متنبلش في فمك فوله😑
علي:كيف صار يا جماعه
هناء:ياحنه عمكم عبيسي عاجبات. ."قطع عليها عبسي"
عبسي:😲عاجبتني العيله و مدام خدو منا اتنين قلت ناخدو منهم😅
هناء"ريتو كيف غير الموضوع😕":😦😒
علي اتكى ع عبسي جنبه"بهمس":رغم إني مقتنعتش بالموضوع😅بس ربي يكملك
عبسي:تسلم😁
هناء:الأيام اللي فاتو مشي بوي لعيت ال. . و دوالهم وبحكم نعرفوا البنت وهكي درناش جو رسميات..وأكيد وافقوا. وقررو العرس مشترك بيني وبين روان وعبسي
ولاء:ياألبي 3 أعراس في مره😻🙊
ضرار:مرات نخلوهم 4😉
ولاء"بلعت ريقها":😳
علي:😬😤
عبسي:ربي يبارك..شني نويت امال😉
ضرار:أحمم..اي بإذن الله😊
رونق:تقليدي ولا حب☺
ضرار:تقليدي بالحب😉😹
عبسي:كيف صار
ضرار:مع الأيام تو تعرفوا😊
الكل:😟
هناء:ربي يسخر💟
روان:و البيان مشترك بيني وبين هوازن😘
هوازن:😱
ولاء:بيان😟
روان:اي..امك قالت عيالك يبو بيان..ونفس الشي عيالي فحيديروه مشترك..اسرع وأقل تكاليف😊❤
هوازن ناضت"بضحكه صفرا":إيي نعلم☺👣
ولاء ناضت👣
علي ناض:ولاء تعالي اشوي😁
ولاء:وين😟
علي"شدها من مرفقها":غير تعالي بس😊
ولاء:غير وسع بالك..منشوف هوازن
علي:بعدين امشيلها👣
ولاء:. 😟
علي:. .☺
.
أما عند هوازن💔🙊
.
ركبت هوازن للسطاح واخلوقها مطبقات وتتمنى ترمي روحها من فوق وتتريح😔💔
.
هوازن"ياربي ليش حاسه بالشعور هدا..ليش😿ليش مش متقبله نكمل معاه رغم اني حاسه روحي متريحتله..ليش رافضه فكره نكمل معااه💔انت شريك صح يا خليل..بس للأسف جيت في وقت غلط وبطريقه غغغلط😪""وبصوت مسموع":ليييش في الوقت الغلط جييت لييش🔊🙀
. .:لو تكملي معاي مستعد نصحح كل غلط في حياتك😊❤
هوازن برمت:😱
. .قدم جنبها:بس سلميلي قلبك زي مسلمتهلك وصدفيتي مستحيل في يوم نكسره💖
هوازن:ششن أتقول أنت😦😱
. . :...💘
.
عاارفه طولت و واااجد زياده..بس الله غالب كل واحد وظروفه ونحاول في اقرب فرصه انزل💖😳
.
معادش حنعطل وااجد لانه النهايه قريبه🍃
.
يتبع🔥
