🌷نصيبي اخي🌷
تأليف:رونق الشتاء❄
قراءة طيبه📖🎀
.
.
خليل:من هدا😑
هوازن:صاحبتي..صص صاحبتي حكتلي قصتها"وحكتله قصتها بس ع أساس صحبتها"
خليل:متأكده يا هوازن😩
هوازن:اكيد..مش حنكون اني..من وين امنلقى زوز يحبوني😆😔
خليل:عندك واحد يحبك بردع مليوون❤
هوازن:😶💓💓
خليل:هوازن والله نحبك أني وربي يقدرني ونكمل معاك ونسعدك طول عمرك..بس الحياه تشارك وزي مانعطي نتمناك تبادليني ولو جزء من مشاعري تجاهك😔💘
هوازن:😶💓😔
خليل:ردي عليا هوازن😪
هوازن:شش شن بب بنقول😪
خليل:حبيتيني💓
هوازن:أاا😳
خليل:شش شني. بتكملي معاي
هوازن:الحق ماوصلتش لمرحله الحب..بس راضيه نككمل معااك
خليل:نعتبرها اشاره اعجاب😉
هوازن:اعتبرها زي ماتحب😳سس سلام🚫
.
صكرت هوازن وقلبها دربووكه💓عع عمرها ما توقعت توصل للمرحله هدي مع خليل..وانها في يوم اتقوله حنكمل معاك وبكامل ارضاها💖
.
°~○
و راااحتي عند محادتثک..تغنيني عن ألف مبدأ✊ ○~°
.
وفاتت الليله بحب وطمأنينه عند أغلب ابطالنا💖
فااتت بفرحه و شغف وأمممل كبيير ان الجاي أفضل وربي حيفرحهم باللي ساكنين ارواحهم😻🙊
.
جي الصبح🌞
واشرقت الشمس ع حوش أغلب ابطالنا فيه🙈
.
📱📩🎵
هوازن:👀💓😊
ولاء:ان شاء الله خير😈
هوازن:أحمم..خير خير☺
ولاء:من منو😏
هوازن:لبيانا😊😅
ولاء فكت الجهاز بسرعه وناضت تجري👣
هوازن:😨تي هاتي الجهاز يا @#$^😬👣
ولاء"بصوت عالي":صباحي يتمنّى أن تشرق عليه شمس رؤياك، ويتمتّع بدفئ لقياك، أسعد الله صباحك❤.مشااء الله ياريتها بيانتنا كلنا😕😹
هوازن:تي هااتي يا درااه👣😬
ولاء:حي ع الرومانسيه ع الصبح😹👣
هوازن:بتجيبيه ولا شن انديرلك تو😡👣
ولاء:هادا كله واصدقاء..كان حق تحبوا بعض شن بعت😹👣
هوازن:باااهي يا ولاء تت اتشوفي شن انديرلك😬😈
ولاء وقفت:أااه..دهشت..هاك ياودي جهازك وكملي غراميات مع مخللك الحامض😉😹
هوازن:حقيييره وربي مردووده😠
ولاء:تي خلاص شن درتلك اني😛
هوازن قمعزت:وانت شن دخلك تطلعي ع خصوصياتي😒😌
ولاء:عشنا وشفنا عندك خصوصيات😕
هوازن:😒
ولاءقمعزت جنبها:خلاص هوازن بلا جو وربي في عيونك بااين تحبيه معاش تكابري وقوليها وتريحي😅
هوازن:😐
ولاء:عناااد😑
هوازن:نحباش اني..بس هكي تريحتله😪
ولاء:خلاص..الراحه بداية الحب😉
هوازن:مندري ع بلاه😑
ولاء:قصدي كلامك امس ليه يدل ع تغيير جدري في مشاعرك تجاهه😆
هوازن:وحقربي مش عارف كيف قلتهله😓
ولاء:عادي انت قلتيله شن حاسه تجااهه حرام تقعدي معدبتيه هكي😔
هوازن:لكن واجعني رضوان💔
ولاء:الله غالب الحب مش بالسيف😔
هوازن:والله كان تشوفيه كيف يبكي امس ..يقطع القلب😔
ولاء:راتطلعيه تحبيه حتى هوا😒
هوازن:تي وااحد ومزال مش مستوعبه..مش بنحب اتنين😒😣
ولاء:ربي يهديك😂
غزلان👣
هوازن"بهمس":تو شن تبي النم هدي😑
غزلان:قالولكم تعالوا انقلوا الفطور للرجاله😊
ولاء ناضت:اوكي😁
هوازن:وانتن شن اديرن..مشاء الله ترفعن فطور جيش😒
غزلان:مم ماهو😳
ولاء:😦
هوازن:😞😌
غزلان:السفر واجد..واغلب البنات راقدات😔
هوازن:ظهري يوجع فيا اني😤
ولاء:خلاص هوازن شن الجو اللي اديري فيه هدا😑
هوازن:😤
غزلان:هوازن اني شن دخلني..قصدي ملياش علاقه بالموضوع عشان تتعاملي معاي هكي😔
هوازن:واني شن درتلك..شاده خيري وشري عليك😏
غزلان:😔💔
ولاء:هوازن بلا دراه..شن دخلها غزلان بالموضوع.. وفي الأصل حتى اهلك المفروض مديريش هكي..المفروض تزيدي تحبيهم اللي قربوك للحب😉
هوازن:😨😵
غزلان"بفرح":حح حي تحبه😦😍
هوازن:لاامنحباش😑من قال.."شبحت لولاء😒"هدي تتخرط
ولاء:ع المهم توا اصالحن رغم انه مفيش شي تتصالحن عليه..لكن انديروا جو الصغار وسلموا ع بعض😛😂
هوازن ضحكت وتعنقت غزلان
غزلان:نجي صبيتي اللي قلبها أبيض😍😛
هوازن:في هالشهر اللي معاش دويتلك فيه مطووره واااجد رايحه😉😂
غزلان:خوك يخلي حد ع حاله😂
ولاء:حتى هو صاحب المرزي😂
غزلان:من المرزي😟
هوازن:قصه طويله😂👣هي خلونا نخشوا
ولاء،غزلان👣
غزلان:جديات من المرزي😟
ولاء:خليل امسمياته المرزي ومحمد صاحب المرزي
غزلان:عطهاا😂👣
ولاء:طبعا قبل ماتحبه😉😈👣
هوازن وقفت:منحباااااش😑
ولاء ادف فيها:امشي امشي..تو نتفاهموا بعدين😉😂
غزلان:😂
.
.
علاء:تي وين الفطور متنا بالشر😑
عبسي:وسع بالك تو ايجيبوه😅
علي:تي كان درناه ابروحنا را شابعين تو😣
هوازن خاشه بالسفره:نوض ديره ماحد شادك😒👣
علي:تي غير حطي وانت غير طول اللسان ماعندك حاجه😒
هوازن شاده السفره:لا عندي😏وحوايج زياده😈
ولاء خشت بالسفره وطبست بتحطها قدام عبسي وعلي🙈
ووو
وهوووبا تجي متشقلبه ع علي🙈💃
ولاء:😨😵😳
هوازن:😹😹
عبسي:😟
علي:😍✊
ولاء ناضت طلعت جري:وربي حقييره😡😭
هوازن وراها:أحم البادئ أظلم😌
ولاء:معقوله ادفيني بالسفره😬
هوازن:تستاهلي عشان مره تانيه معاش تدخلي في خصوصيات الأخرين😒
ولاء:حرام عليك وربي تحشمت😳😢
هوازن:تلقي علي يدعيلي توا😂
ولاء:التافت اكيد جت ع باله😪
هوازن:بس عبسي قعدت يشبحلكم اشبح كيف😅
ولاء:حقا
هوازن:اي أني لاحظت هكي
ولاء:مندري ع بلاه..بس باهي اللي مش زحمه في المربوعه كمهادا فضيحه بجلاجل😣
هوازن:تي خيرك مكبرتيها..عند الكل طيحه عاديه را😅
ولاء:عادية عينك😑واصلا مدام علاء حضرها معناها العيله كلها سامعه تو😣
هوازن:ربي يعينك😂
ولاء:تاااافته كلا منك😒
زهراء جت:هي تعالوا منركبوا لي عفريته😍
ولاء:من الصبح بتنكدوا عليها😅
هوازن:بلا جو..خل نكسدوا عليهم😛
ولاء:تماام
ناضوا البنات لقطوا بعض ومشوا لشقه عمران والشباب لوطا في انتظار عمران😹🙈
.
راكبات ع الدروج بالدربوكه👏
.
بقبح بقبح بق بق
غزلان:مبروك عليه الصبحيه. .سمح الزول قليل السيه👏
حي حي
ولاء:لووولووولي
هوازن:مبروك عليه الغندوره. اكيد توا دارتله فطوره👏😹
الكل:حي حي😂👏
.
داخل🙈
.
بقبح بقبح بووم بووم💨💥
عفراء:شن هدا😨
عمران:أكيد المطرشقات هدينا😔😹
عفراء:زلزال راكب ع الدروج😹
عمران:مدوريهنش تو ينزلن😑
عفراء:الله ماهن ماشيات لين نفتحوا ولا يكسرن الباب😹
هوازن تخبط ع الباب:صباحيه مباركه يا عرسان✊💖😹
غزلان:يالله افتحوا الباااب✊
ولاء:صباحييه مبااركه🔊
عمران فتح وانفجع من عدد البنات:ياساتر ياساتر😦
هوازن:وخيرك العفوا😕
عمران:راكبات بتحررن فلسطين أمال😐
غزلان:احويته علينا..عينك ماأضرنا😞
عمران:تي شن بنضر..حتى ميتات الجبانه جايباتهن😑
الكل:😹😒
زهراء دفت عمران وخشت:وين عفريته😢
و خش بعدها جيش القبائل ع قولت عمران😂
.
هوازن:بقبح بقبح لووولوولي
غزلان:ياسعد اللي لم افلويه وجابك في الحوش عروسه
عفراء طلعت من الدار:أهلين انستوا😊😘
ولاء:ياخوفي تسبي فينا داخل..فسدنا لقطه هكي ولا هكي😉😂
غزلان:ايي..تقولي شن جابهن هالحصلات😉😂😂
عفراء:خزو ياتافهات والله نراجي فيكم من بكري"بصوت واطي"قلقت من وجهي في وجهه😅
غزلان:هيي😰وينك يا عمران😂
عمران:تو نتفاهموا مش توا في الليل😉
البنات:أووو😉😂👏
عفراء:حشم بيك يا عمران😳
.
عمران خدي دبشه ونزل غير في حوش اهله واستلموه الشباب لوطا
.
هوازن:وتو بعد سلننا واهلنا وسهلنا سننطلق الي الشي اللي كلنا راكبين عشانه🙈😹
عفراء:شني😟
الكل:الثلااجه👣
.
و شنن هجوم مسلح ع الثلاجه😂
عفراء:يا ثلاجتي اللي مافرحت بيك💔😂
هوازن:ربي يعوضك..ع المهم بشرينا😉
عفراء:شني☺
هوازن:أا😈تي بشرينا مفهمتيش😉
عفراء:هوازن تسكتي خير را😳😣
هوازن:يالله بكرا يدوب المرج ويبان الثلج
الكل:😂😂يدوب المرج
هوازن:حتى الواحد بيتفلسف تفسدوا عليه اللحظه😒😂
ولاء:ومن قالك تفلفسي ع الفاضي..ع المهم خل ننزلوا نساعدوهم في التجهيز للعزومه
البنات:😑
.
وفاات الوقت بين التجهيز للصبحيه وكذا كذا لما أذن المغرب وبدو المعازيم يجوا🙈
.
.
نزلت عفراء بالبس الليبي التقليدي وتحديدا ما يسمى بالبدلة الكبيره❤
و خشت ع أنغام أغنيه❤🎶
.
ترا را تا تا🎶🍃
مكتوبتلك تبقى إليا ومقسومتلك تبقى حبيبي💘
نصي الثاني وثوأم روحي أني مريضك وإنت طبيبي💖
لأخر يوم بهاي الدنيا أحتاجك ما أشبع منك💗
إنت امفصل ليا حبيبي طعم الدنيا لقيته بقربك💓
قااافل ع حبك صدق قاااافل🔒❤
عشقنك عشق جاهل و أريدك بس لياا☝💋
.
.
هوازن:يا ألبي عشقي هالأغنية😻🙊
ولاء:تو انزفوك عليها لخلوا😉❤
هوازن:عدي يا تافته
رونق:ياجماعه نبي فلوس😛
ولاء:تو نمشوا انمشطوها😛
الكل:تماام😹
*طبعا العروس يوم الصبحيه تعطي فلوس للصغار اللي يسلموا عليها والقيمه تفرق من عيلة لأخرى بس غالبا من 1د🔙20د..ع فكره مش صغار بس😛😹👧👉.
.
غزلان:بنات شن رايكم نرقصوا💃
هوازن"بالمصري":ياسلاام..ودي محتاجه كلام😉
ولاء:يالله😹
.
وفاات الوقت وختموا العرس بأحلى جو وأحلى هيااجه💃💖
.
محمد:تي أطلعوا هيا😬
رونق اتكر في الشناطي:تي بااه😑
محمد:تعرفوا تزيدوا دقيقه دوروا من يروحوا بيكم😬😪
خديجه:تي وسع بالك خيرك طاير😞
هوازن طلعت ركبت في السياره😌💁👣
محمد:وخيرها مترفعش معاكم😕
خديجه:ع راسها ريشه يا حنه😤
هوازن تسمع فيهم بس ضاربه الحوله😌😒
محمد ركب فسياره
هوازن:😤
محمد:وخيرك تنفري😒
هوازن:محمد اخطاني تربح😑
محمد:تي نبي نفهم شن امدايرلك بس😠
هوازن:ما أمدايرلي شي اني نتبلى عليك باااهي😏
محمد:منحساب قلبك اسود هكي😔
هوازن:تو بديرلي جو الضمير زي غزالتك وقلبك ما قلبك😪
محمد:باهي تصالحي غزلان و خوك لا😔
هوازن:خويا تافهه مايستاهلش نسامحهه😒
محمد:مش من قلبك😔😹
هوازن:تي بااه😑
محمد:صافي يالبن😉
هوازن:مش طيابه اكيد متعارك مع غزلانك ولا😒
محمد ضحك:حاليا لا..الأيام الجايه مش معروف😛
هوازن:خزوو شعب مصالح😒😂
محمد:😹
رونق فتحت الباب:واخيررا كملنا😥
محمد:تي ليا ساعتين نراجي
خديجه ركبت:والله يا اوليدي عرم دببش وساكوات خواتك جايبات الدولاب كله
البنات:😦😲
هوازن:تو احني اللي انجوا يوميا وانروحوا بدبشنا نفس اللي ليهم اسبوع امرحلين عندهم😒
خديجه:متبات فيها كلمه هالبنت😞
محمد:😹
خديجه:أحمم..الخميس البيان يا محمد😙
هوازن:😓😤
محمد شبح لهوازن من المرايا:اي قاالوا😅
خديجه:في حوش بوي منديروه..مع بنت عيشه
محمد:باهي فيها خيره
.
.
