🌷نصيبي أخي🌷
تأليف:رونق الشتاء❄
البارت"10"
متابعه طيبه🌹
.
.
ع الغدي في حوش زينب
زينب:يا اصلوحه😘
مروان:أححم😹
زينب:😳😑
صلاح شبح لي مروان😒:نعم
زينب:كلمتني رقيه اليوم وقالت قال طه خلي ايجو رجاله ايحددو
صلاح:خلاص قوليلها الخميس الجاي ان شاء الله
زينب:مع من بتعدي
صلاح:تو انقول لي خوي مصطفى و وعمي مختار واشويه من الجيران
زينب:واهلي😳
صلاح:امنلقاهم غادي ولا
زينب:اللي ايريحك بس اتجي للأصول انت بو الولد ومفروض اتكبر اقل شي بي بوي وخوي يوسف
صلاح:هكي رايك
زينب:ايه وفي الاخير اللي ايريحك ديره😔
صلاح:اللي ايريحك ايريحني😘
مروان:نحن هنا👋😂
صلاح:خلاص غدوه تو انكلمهم😒وانت يا سيد مروان الخميس جاي امعاي
مروان:لاا لا شن بندير بيها دوه شيابين😑😅
زينب:خزي عليك بوك راح شايب توا
مروان وشوش لي عنفوان جنبه:الكبيده عاد😂
وانفلقت عنفوان ضحك😂
زينب:شن قالك قليل الربه هدا😒
صلاح:مروان هيا كلمه الخميس اتكون معاي😡
مروان:حاضر😤
كلمت زينب رقيه ويوم الخميس بيجو رجاله والعيله ابيتلقطو عند رقيه😍
.
.
و عند ولاء اللي بلاعيمها جفن"يبسن"وهيا تقنع في علي😹🙈
ولاء:هيا وراس اعليوه بالله عليك
علي:قولي لي محمد خيرك عالقه عليا انت
ولاء:تو ادير في روحك متعلمش😑
علي:لا😇
ولاء:اول سبب عمله ميجيش لبعد ستين مغرب وتاني سبب والاهم سيارته😳
علي:وخيرها سيارته
ولاء:برستيجي ميسمحش نركب فيها😎💁
علي:تو شن رايك كان رفعتك نرفعك فيها😏😛
ولاء كانت متأكده ان علي مستحيل ينقلها فيها.."عيله برستيج عاد😂"
ولاء:اللي ايريحك😇
علي:الي ايريحني انك اتلمي قشيشك وتستهبي"تطلعي"ع حالك🙏
ولاء:خلاص بتقلني راه👍
علي:ايصير خير
ولاء خبطت كتفه:كلمه رجالات راه👌✊
علي:تي والله الا ولد برسمي انت😑
ولاء:باه وطلعت وصكرت الباب..
اشوي ولت فتحت الباب وبينت راسها
ولاء:اخي العزيز😇
علي:شني يا ستتر مصلحه😤
ولاء:ع طريقنا للسوق ندهمو"نتكو"ع سرور😘
علي:تي ادعي ربك انقلك مش ابتدهمي..ومكملش كلمته زين ولاء هربت👣وعدت لي بوها خدت منه افلوس💸
وقبل العصر ولاء وتت روحها وكلمت سرور وحتى هيا واتيه
وكضمان ان علي ميهربش عليها خدت مفتاح سيارته من الدار وهو راقد😉😂
وقعدت تستنى لين السيد علي ناض😪
علي واقف ع دروج
:سارقه مفتاح السياره يا كلبه😾
ولاء:قلت ماعندك مابدير بيه وانت راقد😌ووين بتنوض نطلعو جميع خير من ابروحك😉
علي:ديري كابتشينو لبين ماصليت
وركب👣
فاطمه:واني ديريلي قهوه راسي ابيطربق😖
ولاء:غيرت دبشي تو يتلبز😔
فاطمه:ولاء معنديش اخلوووق ليك بتعدي ولا توا😡
ولاء:ححاضر😔..وتاته ولاء ونزل علي خدي طاسته في ايده وطلعو🚗
وفي مكان تاني🏩
تحديدا عند عيت يوسف🙈
خديجه:خيرك ياولد كيف اللي بيحط دحيه خاش طالع😞
محمد:أاا لا لا شي
هوازن:كان عندك شي بتقوله ميحشمك شي اوخي😉
محمد:اطلعي منها انت😑
هوازن:😝
خديجه:اسمع تبي افلوس..الفرخ خطاب مخلى عليا قرش لمهن كلهن😤😖
هوازن:حرام عليك يا امي خدي منك 40د بس
خديجه:واني شن تشبحي فيا راقده ع بنك روما😞
هوازن:علينا يا احويجه😉
خديجه:شن قصدك😕
هوازن:تحت سرير دارك وورا الخزنه وتحت بطاطين الشتي ووو😉قصدي كان انلقط الفلوس هديما كلهن انجمع مال قارون😂
خديجه:والله ماتتحشمي اتفتشي ورااي😡😞
محمد:امممي😖
خديجه:شني
محمد:نبي نخطب
خديجه:شن ابتخطب😦
محمد:الغساله😑
هوازن:😂
خديجه:وكيف ابتخطب وخوك اللي اكبرمنك مزال ومن ابتخطب ترا..وايكون في علمك فرخه من فرخات وجيج التكليم هدا والله ماخاشتلي حوش باهي😑
محمد:عادي مش متزووج توا اني..بس حطيلي عليها الرشاده لبين ماكملت شقتي و خالد خطب..والبنت اطمني تعرفيها وابتفرحي امتى تعرفيها
خديجه:من العيله😞
محمد:اي😍
خديجه:لا من العيله والله ما نبي سادني كنده عطيتها في العيله تبني انزيدكنه من العيله😕
محمد بصداع😡:تي شن التعجيز هدا من العيله لا علاقه لا شن تبي انوصي عليها من المصنع ولا كييف..قولي من الاخير منبيش نخطبلش وخلا..
وع كلامه خش بوه👣
يوسف:خيير بلاك حسك عالي😡ع من اتصادع ع امك واختك يا رااجل..حسسك معاش نبيه يعلى في الحوش سامع😡😒
محمد:اقعدو فيها هي😤وطلع حرق السياره و فات
يوسف:خيره المنجوه صوته عالي
خديجه:يبي يخطب ياحنه😤
يوسف:باه
خديجه:ويبيها من العيله🙆
يوسف:وشن المشكله
هوازن:امي قالته لا😖
يوسف:حق يا خديجه😱
خديجه:اي والله ما نبيها من العيله سادني كنده عطيتها واني ماني راضيه وتو حتى كنتي نفس الشي
يوسف:وخيرهن بنات العيله شن فييهن..تاخديها متربيه امعاك خير من وحده متندري ع جد اصلها امنين😡
خديجه:😶
يوسف:مقالش بنت من يبي😤
خديجه:لا
هوازن:😇
يوسف:هوازن😒
هوازن:ننعم😅
يوسف:من ابيخطب محمد😤
هوازن:غزلان بنت زينب
يوسف:بينهم وجيج
غزلان:هيي😦 لا يا بوي حشاها غزوله😇"😂"
خديجه:أا غزلان
هوازن:اي غزلان يا امي خيرها شن فيها والله ابنيه عسل😚
خديجه"والله مشاء الله عليها معندي منقول فيها وامها انعم وانعم"تنهدت:ديرو رايكم😤
يوسف:. .😓
خديجه:. . .😌
.
.
يتبع🌸
