🌷نصيبي اخي🌷
تأليف:رونق الشتاء❄
تابع البارت"12"
غزلان:ان شاء الله اتجربيه يا حنه
هوازن:لا يا حنه فاولي ع عمرك..هكي متريحه😎
غزلان:تو انشوفو ياهوازن كان مابكيتي في زي موقفي اني ما يبدى اسمي غزلان👌
هوازن:تحركي من مكانك😒
عنفوان:واني معنديش دعوه ولا كيف😒
هوازن:لاصبيتها بس😛
عنفوان:عينك اني اختها😑
هوازن:واني اخت الغالي😛
غزلان:عطكن الهني😂
وفي حوش فاطمه🙈
ولاء وسرور امكسدات في الجنان"الليده"يلعبن في كوره⚽
وفجأااه🙈
دق الباب
ولاء:من جاينا زعما😟
سرور:بلكي محمد ولا علي ناسيين شي
ولاء:لا الدقه المحترمه هدي ماهي ليهم😒😂
سرور:😂افتحي افتحي
مشت ولاء فتحت وكانن زوز نسوان
ولاء:😦😁
المرا1:حوش احمد ال..
ولاء:اي اتفضلو😁
المرا2:قداش عمرك يا ابنيتي
ولاء:20😳
المرا2:انت الكبيره
ولاء:اي
المرا1:امك قاعده
ولاء:اي
المرا2:ناديهلنا
ولاء:حاضر وجت بتعدي👣جتها سرور😳
سرور:خشو تفضلو تو اتجيكم
المرا1:زيد فضلك انت اختها
سرور:لا بنت عمها
المرا2:قداش عمرك
سرور:21
وخشو داخل وولاء نادتلهم فاطمه
ولاء:ليش ادخلي فيهن😡
سرور:يا بارده كيف اتخليهن ع الباب واتنادي امك😵
ولاء:خليهن سحيقه ان شاء الله😡
اما عند فاطمه والنسوان
المرا1:يا حنه احني عيت ال..وجايبن نبو ابنيتك الكبيره
فاطمه:انعم واكرم وان شاء الله فيكم النصيب😘
المرا2:يا حنه خويا رايها وعاجباته وقال بدال منكونو اصحاب بس خل نتناسبو
فاطمه:مرحبتين بيكم يا حنه
المرا1:ويا حنه اوليدي اسمه عبد الرحمن ال.. صاحب اوليدك محمد دكتور وبي حوشه وما ناقصه غير ابنيت الحلال
فاطمه:مشاء الله..وان شاء الله فيكم النصيب و الراي الاول والاخير لي بوها😍..وتو نستأدن اشوي😘وناضت من احداهن
فاطمه:ولاء ديري قهوه😊
ولاء:وليش😒
فاطمه:ديري2فناجين وانت ساكته😡
ولاء:حااضر😤
ودارت ولاء قهوه وحطتلهن ملح بدال السكر😈وطبعا مخبرتش سرور عشان حتفسد عليها😂
جت ولاء قدمتلهن القهوه وقمعزت😎
المرا1:شن تقري يا ابنيتي
ولاء:قاانون يا حاجه"😂"
المرا1:😟
فاطمه"حشم بيك يا ولاء😳":أاي شن قلتيلي اسمه اوليدك
المرا1:ارحيمه..عبد الرحمن اسمه
فاطمه:عاشت الاسامي😍
المرا2شفطت رشفه من القهوه وتشرق شرقه قريب جابت عمرها😵😳
فاطمه:بسم الله بسم الله خيرك بسيطه ان شاء الله😳😢
ولاء شاده ضحكتها بسيف😂:بسم الله بسيطه😇
المرا1:شن اسمك يا ابنيتي
ولاء:ولاء
المرا1:ان شاء الله كان فيك النصيب..اوليدي اكويس وان شاء الله اتكوني اكويسه امعاه وبي حوشه والفلوس كيف الرز عنده
ولاء"ابتنفخنا بولدها عااد😑":ربي ايدوم عليه😁
المرا2:وانتن بناات تو متركزن غير ع الشكل..وانبشرك من تو مشااء الله عليه اتقول اجنبي😍
ولاءبصوت واطي:كان انشوفه نلقاه كيف طنجره الضغط😒
فاطمه سمعتها😨:أاي ربي يحفظه😍😳
ولاء ناضت والنسوان بعدها روحن
وفي الليل🎇
امقمعزين ولاء واحمد وفاطمه ومحمد
محمد:جاكم حد اليوم يا امي😉
ولاء:😳
فاطمه:اي تو كنت امندوي"امنحكي"لي بوك
احمد:خير ان شاء الله
فاطمه:اليوم جونا عيت ال...ويبو ولاء لي ولدهم
احمد:فيها خيره
فاطمه:دكتور وبي حوشه وامه واخته والله مشاء الله عيلهن😚
ولاء جت بتنوض😳👣
احمد:قمعزي يا ولاء😑
احمد:شن اسمه الولد
محمد:عبد الرحمن ال...صاحبي
ولاء:😨😦"ادكرتوو🙈اللي خبطت فيه😉"
محمد:ولد ممتاز ومشاء الله عليه بحوشه وغير انه دكتور عنده في التجاره
احمد:مشاء الله..وانت يا ولاء شن رايك
ولاء"طرف يا ولاء😍..فكري ياولاء طررف😓":اللي اتشوفه يا بوي
احمد:من كلام خوك راجل باهي وتو انزيد نسأل والراي ليك
ولاء:والله يا بوي مزال منفكرش فيه الموضوع هدا..تو دوبني دوب اقرايتي
محمد:من جهه القرايا بيكملك قالي
ولاء:تبو رايي مزال نش مستعده..وفي الاخير ديرو رايكم
فاطمه:وخيرك مش مستعده..شن مزال ناقصك القرايا هالعامين كمليهن عنده😡
ولاء ناضت ركبت فوق😤👣
احمد:وسعي بالك يا فاطمه البنت مش مستعده خلاص
فاطمه:شن مش مستعده..دكتور وبخدمته وحالته اكويسه شن مزال تبي
احمد:مدامها متبيش والله ماصاير منها
فاطمه:تي كيييف لأممتى ابتقعد في رقبتي..عييت تلفها من وجهي😡😠
احمد:صصكري فممك..شن الكلام اللي اتقولي فيه هدا..ولاء بنتي وطول عمرها حتقعد هكي سوا ازوجت ولا لا..فااهمه😡
فاطمه:اتعلي في صوتك عليا عشانها..شن ولت عقاب فرخه الله يقطع اليوم اللي قتلك جيبها فيه😬وناضت"صبت"مشت للمطبخ👣
احمد:لا حول ولا قوة الابالله😤
خش علي👣
علي:خيركم خيركم شن فيه😦اصواتكم عاليه😵
احمد ناض👣😤
علي:تي خيركك شن فيه😡
محمد:اختك هبلت😬وطلع برا👣
علي:اختي😦تي شن يخرط هدا😑
ركب علي لي داره وغير دبشه ودق ع ولاء الدار✊
ولاء"اكيد جايين ينفخو راسي وااك مش واخده مش واخده افهمو":منو
علي:اني
ولاء"اكيده اول واحد تبي تفتك مني😤😢":هي جيت
فتحت ولاء الباب
ولاء:نعم شن تبي😑
علي:قاعده حامقه من هديكا النهار😅
ولاء:اين نهار😟
علي:المطعم😁
ولاء"شكله مش سامع😳":أاا لا نسيته اصلا😢
علي دفها وسكر الباب و..
ولاء:. .😨😒
علي:. .😎😌
.
.
.
يتبع 🌿
