🌷نصيبي اخي🌷
تأليف:رونق الشتاء❄
ختاما كما تحبون بعون الله📖💙
.
.
في البداية🌺
كل سنة وانتو بأااالف خير🎊وان شاء الله بدخول السنه الجديده يدخل كل الفرح والسعاده لحياتكم🌷..ويااارب بإنتهاء هالعام تنتهي جميع الذكريات السيئه اللي فيه معاه✊
.
وبالمناسبه🙉
لكل متابعين روايتي🙈
وعندهمش حد يجيبلهم هديه اليوم أو يكلمهم الساعه11:59"زي حالتي😹💔"
تزعلوش كبيداتي هديتكم السنه هدي عليا ني😌💪
واللي هيا 🎉🎊
"تنزيل نهاية الرواية❤😂"
.
أحمم يالله نرجعوا لروايتنا👀
.
.
بعد مرور 5 أشهر من وفاة فاطمه🕙🍃
.
.
ولاء:شن يبي بويا
محمد:والله ما نعلم..قالي نبيكم كلكم في الصاله بعد العشي😪
ألاء:علي وين
ولاء:ركب يبدل😔
أحمد خش:كلكم قاعدين😩
محمد:علي مزال😪
أحمد "قمعز بتنهيده":خير ان شاء الله😔😤
علي دخل يلبس في جاكته:ان شاء الله خير يابوي😖😔
أحمد قمعزوا كلكم ورد هالباب ع الصقع❄
رد علي الباب وقمعز
.
صمممت😶
.
ولاء:خير يا بويا شن فيه مجمعنا😅
أحمد اشرلها"بمعني تعالي جنبي"👋
ناضت ولاء جنبه وفي داخلها خوف كبييير من الشي اللي حيقوله بوها✊😓
.
أحمد:أحمم..اني عندي رسالة ليا فوق ال5 شهور شادها في صدري..ومهما طال الزمان مستحيل ننسى منها حرف😔
الكل في حالة انتباه شديد🚩
أحمد:اليوم نبي انقوللكم وصيه امكم حملتهلي في رقبتي..واني هدا وين حسيت روحي قادر نقولهلكم😔😖
.
الكل حاجه غمت عليه وكان يلقى يطلع😩😔
.
احمد"بصوت عمييق":امكم زي اي ام في هالدنيا مستحيل ترضى اي شي يجرح اصغارها..وحتى كانت اسلوبها جاف معاكم اشوي..بس كله لمصلحتكم وكانت لأخر رمق نبيكم زي ما تبي😖😔
.
كلهم خانتهم دمعتهم ع أغلى انسانه ممكن اي انسان يخسرها😿
.
أحمد"نزل راسه":فاطمه في أخر ايامها في المستشفى قبل تمشي لخالقها وصتني ع كل واحد فيكم..وحملتني أمانه لكل فرد مستحيل ننساها😔😢
الكل في حالة ترقب وإستماع😔😖
"كنوع من التغيير..أحمد حيتكلم بلسان فاطمه🙈"
أحمد:أحمم..محمد..
محمد من يوم يومک العاقل اللي متحمل مسؤولية نفسه من صغره..طول عمرك سند لروحك ولينا..محمد أمك قالتلك سامحني..سامحني لو ضايقتك في يوم وحبيت نفرق بينك وبين اللي تبيها..سامحني لو قهرتك وعيشتك في صراع..سامحني..وصدقني من وسط قلبي امسامحه خودها وربي يهنيك انت وياها
.
محمد ارتسمت ابتسامه ع وجهه من بين شلال ادموع:رر ربي يسامحك يا اميمتي☺😭💔
.
أحمد:ولاء..
ولاء..طول عمرك البنت الواعيه العاقله اللي تحملت من هالدنيا شي ما تتحمله جبال..من يومک القوية مهما كسرتها الأيام✊..ولاء امكم قالتك..سامحيني..سامحيني لو في يوم حسستك بالفرق بينك وبين ألاء..سامحيني لو في يوم جرحك بكلمه مني..اعذريني كانت حاجه عاميه ع قلبي ومش حاسه بالشي اللي اندير فيه
سامحيني والله نحببك من وسط قلبي. والبنادم خطاء💔
.
وتضامنا مع قطرات المطر برا..دموع ولاء تنزل😭
.
أحمد:ولاء..
حتى لو ظلمتك في يوم تأكدي اني رايدتلك الخير وحتدكريني بيه في يوم
.
ولاء:امسااامحتك..والله امسامحتك بس ارجعيلنا..بس ردي بيناتنا والله امسامحتك😭💔
.
أحمد ضمها ليه وحط راسه ع راسها ويبكي💔
.
وبعد نوبة بكااء دارت ع الكل😭💔
"حتى ني معاهم😿💔"
.
احمد مسح دمعته:أحمم..ألاء..
ألاء..دلوعة العيلة..طول عمري امدلعتك ع حساب غيرك..طول عمرك عايشه بحناني وان شاء الله تقدري تتأقلمي بلاه..ألاء امك قالتك..شدي روحك في اقرايتك ونبيك في اعلى المراتب..وخليك ديما مع اختك..را ما تلقي غيرها..وسامحيني لو يوم زعلتك
ألاء تنتفض بالعبره:نن نبي أمم امي..وو وينك يي يا أمي😭
محمد ضمها لحضنه:رر رب ربب ربي يصبرنا😔😖
.
أحمد:علي..
من يوم جيت ع هالدنيا وانت غالي..من ربي ما نرضى فيك وديما اميزتك ع خوتك..مش فرق بس من العالي مكانتك ابروحها..علي..امك قالتك..ساامحني يا اوليدي ساامحني ع العذاب اللي عيشتك فيه..عارفاتك تبيها وقلبي حاسني من قبل رايدها..بس صعبه ع اي وحده تتقبلها طول..وصيتي ليك دير بالك ع ولاء ومن وسط خاطري لو ربي كاتبهلك خودها وربي يهنيك ويسعدك معاها..ومتمنيه منك شي..
لو رزقك ربي ببنت منها سميها نصيب.
.
الكل:😦😢
اني:😦😭💗
المتابعين:😦😦😦😢💓
الوتباد بنفسه:😦😦😭"😹"
.
أحمد:وفي نهاية وصية امكم..قالت انها امسامحتكم كلكم ودعتلكم في الأيام اللي عاشتها في الحرم بالتوفيق والنجاح في كل حياااتكم❤
.
الكل:ربي يسامحها😔
