🌷نصيبي اخي🌷
تأليف:رونق الشتاء❄
متابعه طيبه📖🍹
.
.
رهام:تي نبصر😞ع المهم نراجو فيها تنزللنا"وصفلهن شكلها"
ولاء:حي ع الهبله😂
رهام:وحقربي خشت خااطري بااهي😍😂
ولاء:شكلها متروشقه كيفك..طبيعي بتحبيها😹
رهام:حنشيبو خليل في المستقبل😂
ولاء: 😂
سرور:بس حركتها هدي مش بلاش😟
رهام:كيف يعني
سرور:قصدي واضحه لغرض معين..ممكن تبيش تزوج..او تبي اطفشكم عشان حد تاني او هكي
رهام:يمكن..بس نرجح انها طبيعه فيها لأنها من مشيتها وحركاتها واضحه غجريه😂
سرور:الله اعلم
ولاء ناضت:بنات..شكلهم فتحو التنزيل..امشو انزلو
رهام:سرور. وربي تنزلي أكتر من 5 تقتلك😑
سرور ضحكت:ربك يستر😅
ولاء:جديات سرور..5 اللي اتفقنى عليهن ويالله انصفوهن
رهام:اي صععب ال#^&○°اللي خاشينا را😑
سرور ادف فيهن:مفيش شي صعب ع اللي بيقرا..ونشطن روحكن مش من بدايه الماستر صعب صصعب😑😒
ولاء:😒
رهام:😞
وبعد التنزيل ووو🕥
رهام:وااك فوتي كلامك ونزلتي6😑
سرور:تي مادة"مش عارف شن اسمها😂"شادها استاذ يههبل..ومش كل عام ياخد دفعتنا..حرام انفوتوها😔
ولاء:والله كان سقطنا..في رقبتك😒
رهام:تي ليش نزلنا معاها بس😒
ولاء "بهمس"لرهام:مش بيجيبلك المحاضرات لما تغيبي يا سمحه😆
رهام:صدقتي..كان نزلناش معاها تعفس فينا في الباقي😪😂
ولاء:بالظبط👌
📱🎶
رهام:أيوا..تمام طالعه🚫
رهام:أفف..مايتأخر ثانيه هالولد😑
ولاء:شكله رامي طايح السعد😂
رها ناضت م:ومن غيره امشيبني😒..ع المهم قبل خاطري مزال نكسد معاكن..لكن الله غالب جاني👋
ولاء:خلاص هداك هو..حتى اني منكلم بوي
رهام:سلاام👋
الكل:سلامات👋
ولاء📱:ايوا..شني تجينا..اوكي نستنو😊
سرور:شن جاي
ولاء:قالي شوي وجايكم😞
.
.
وعند عصافير الحب متاعنا👼💖
.
غزلان:شن ادير😚
محمد:شي..مكسد ع النت
غزلان:وشن ادير ع النت
محمد:نهدرز😈
غزلان:ومع منو تهدرز😞
محمد:كأنه اسألتك واجده اليوم😅
غزلان:محمد جاوب ع قد السؤال مع منو كنت تهدرز😐
محمد:مع خليل مع منو يعني"بنبره خبت"كان بنهدرز مع بنت مش حنجي انقولك😂
غزلان:في وجهي اتقول فيها😦
محمد:اني راجل صريح😌
غزلان:تعرف يا محمد في اليوم اللي تفكر فيه مجرد التفكير انك اتخوني اني رح نختفي من حياتك زي السراااب💨
محمد:تغير وسعي بالك..نبصر😅
غزلان:تبصر ولا..عطيتك علم😌
محمد:ومن امتى عندك هاللسان إنت😕
غزلان:طيبه صح..حنونه صح..شبه معنديش شخصيه قدامك صح..متعلقه فيك اكتر من روحي صح..بس وقت تخوني العكس صحيح😌
محمد:صدقيني وخوديه عهد مني..منخونك ولووو ع رقبتي😍
غزلان:عاارفاتك..بس نوقض فيك😍
محمد:بااهي نحبك😍
غزلان:ن م و ت ف ي ك😻
محمد:أااه عملتيني انفتحت😣
غزلان:ووه خيرك😨
محمد ضحك:تي نبصر😂
غزلان:خلعتني😩
محمد:بااه..شن كنا انقولوا
غزلان:نش عارف..ع المهم اليوم بيجونوا حناتي وهناء
محمد:اي غيري غيري الموضوع😒اصلا نموت فيك ومش عارف كيف طلعت منك😞
غزلان:الحق مش فيك😞
محمد:أمم..I❤Y
غزلان:Thank you"شكرا لك😊
محمد:😦هدا ماطلع منك😂
غزلان:واجد فيك😂
محمد:أمم..اليوم دوالي خليل يبي يكلم هوازن
غزلان:باااه
محمد:شن بااه..ماهو حاكيلك من قبل انها مسكره راسها عليه😑ومش حتوافق تكلمه
غزلان:قوله يجيبها جهاز سمح وحتوافق طوول😉
محمد"سكت اشوي":تعرفي جبتيها💡انتن البنلت همكن الماديات😂
غزلان:الله غالب😂
محمد:سلام توا..انكلمه انقوله😂
غزلان:في امان الله🚫
.
.
ع الماسنجر📤📥
محمد:أووي👋
خليل:نعم يا فرخ
محمد:تي نسيبك الزح..احترمني😑
خليل:تي بااه.نعم يا ايها السيد المحترم محمد🍂
محمد:أحمم😎ع المهم عشان تتواصل اختي في شوي شروط لازم اديرهن😌
خليل:ياساااتر منكلم اخت الوزير امال😞
محمد:خلااص فوت الموضوع😌
خليل:تي لااا شن فوت ما فوت..شن شروطكم يا عيت الباشا😤
محمد:أيفون8+سله مليانه شكاليط..وبدخ الموضوع بمعرفتك😉"اول مره يديرلها حاجه امقومه😂"
خليل:😦😦😦😦😦
محمد:خيرك😂
خليل:بتفلس بيا قبل ما توصلني😵
محمد:كان تبي تكلمها..لأنها غير هكي والله ماهي اموافقه😸
"خزوو هدا وين عدلت عليها توافق ولا😒"
خليل:تم..بإذن الله يكون عندها..كم عندي هوازن اني😍
محمد:أوووي اخت را😒
خليل:ملح خطيبتي😍😛
محمد: مزالت عندنا😛😈
خليل:تي بااهي اسفين😹
محمد:😎💪
خليل:🔫💣
.
.
📱🎵
ولاء:😍💓💓
سرور:منو😟
ولاء:علي😙..ايوا
علي:قدام الكليه اني اطلعن
ولاء"بخيبه امل":اوكي طالعين😔👣
سرور:علي جانا👣
ولاء:اي
سرور:وخيرك ذبلتي هكي😟
ولاء"نحسابه مكلمني بيهدرز💔":لا عادي..شي😊
.
في السياره
سرور:خيره عمي مجاش
علي:لا..غير مش فاضي عنده طلبيه كلمني أني
ولاء بارمه وجهها للشباك
سرور:شجو كليتك اليوم
علي:حضرت نص محاضره وهربت😅
ولاء بارمه وجهها بس ضحكت:😂
علي شاف غمازنتها:😻💓💓
سرور:مانك امتاع اقرايا😂
علي:تو نتعرفوا ع كم وحده ننجحوا وراهن😉
ولاء اختفت بسمتها:😐
سرور:😂😁
علي لاحظ عبوسها"ياريت اللي في بالي صح ياولاء😔"
ولاء:أححم😤
سرور:خيرك
ولاء فتحت الشباك:نحس في روحي مخنوقه اشوي😁
علي مطابش خاطره ع فتحت الشباك بس محبش يركز:🙍
وقفو ع السيمافرو🚥
.
بييب بييب💨
علي:خير امه هدا😬
"وشبح ع الجنب😦😡"
الولد حدف ورقه من شباك ولاء
الولد:في انتظارك يا عععسل😉
وقطع الإشاره طيران💥
ولاء:😦😳
علي اوذانه حمر"يدوي وامسكر ع اسنونه":صصكري ال!*&□°😬
ولاء تصكر وايديها يرعشوا😖
علي"بصداع":شديري فاتحه امممه إنت😡
ولاء:😶😢
سرور:وسع بالك يا علي..مش ذنبها هيا
علي:😡😡
سرور:هو فرخ مايتحشم😤
علي يمسح في جبهته:ال•^@°الاحرف هدا معاش ينفتح سامعات ولا😡
ولاء ساكته وشاده ادموعها بسيف😔
علي يشبح للطريق وقي داخله بركان يغلي🌋
سرور تشبح فيهم وتدعي في خاطرها ربي يهدي نفوسهم و يعقد عسلهم👐💞
.
.
وفاات الوقت وجت العشيه🎍
.
وعشية اليوم عند عيت زينب🏠👀
.
زينب:أهلين تفضلو تفضلو
ربيعه:سلمك يا ابنيتي شحالكم
زينب:الحمد لله كيف حالكم انتم
ربيعه:الحمد لله شحال وشحال"تسليم الليبيات عااد😑😂😂"
بعد قمعزو🙊
كريمه:امس كنا عند عيت يوسف..واليوم قلنا نجو انعاونوكم باك عندكم شي يبي ادير
زينب:سلمكم جيايين..تنشدو ع محمد
ربيعه:اطمنا عليه..لكن والله ماشيين ع امنادات خديجه قالت اعيال هوازن جايين تعارف..تعالوا هدرزو
زينب:باهي كبر بيها..شجوهم اعيالها
عنفوان تجري:امي امي..رضوان جي😥
زينب:قوليله يجي ولا نكلمله بوه
هناء:خيره من شني هارب😂
زينب:هالفرخ هدا..ع قد مايكرو وايقلو خوته عمره ما جاب حاجه..تو ناقصاتني احويجات للخالوط كتبتهله ومن امبكري امقنصتله انراجي فيه😤
هناء:حصل صار😅
زينب:ايوا..اي قتلك يا امي شن جوهم اعيال هوازن
ربيعه:والله شن بنقولك..امه خيرت الناس هدرازه ومطلوقه ومشاء الله عليها
كريمه:لكن كان تشوفي هوازن شن دارت😤
زينب:شني😟
كريمه:طلعتلهم بدبش خوتها😖
زينب:😦ووه..خيرها شن جاها
ربيعه:انقولك بس بالله تقعد بيناته..والله شكلها غاصبينها عليه وممتبيشي..ودارت هكي بيش اطفشهم😔
زينب:لا حول ولا قوة إلا بالله..وليش يغصبو بيها عليه يا ودي😣
هناء:تفكير خوك اللي من العصر الحجري..شن قال راجل باهي مش رافضه😕
زينب:ربي يهديهم وخلاص😔
برا..تحديدا ع حيط الصاله🙉
رضوان يسمع:😍💓
غزلان جايه وراه:😟
رضوان"كنت حااس مش برضاك والله حااس❤"
غزلان:شن ادير هنا انت😞
رضوان:أاا😨
غزلان:تي شن ادير زي اللي داير خارقه😒
رضوان:لا..غغ غير انراجي في امك بتعطط بتعطيني ورقه ما ورقه😆😅
غزلان:باهي خش..مفيش حد براني حناتي وهناء بس
رضوان:👣"سلم"
زينب"مدتله ورقه":هاك جيب اللي مكتوب خل انديرو الخالوط مدام قاعدين اهلي يعاونونه
رضوان خداها:حاضر😊
زينب:استغربت":😟ان شااء الله دووم يا ربي
رضوان:مسافه الطريق وايكونوا عندك😊
زينب بستغراب اكبر:بارك فيك😦
رضوان طلع👣
.
ونطلعوا معاه ونمشو انطلو ع حوش ونااس لينا فتره ع اخبارهم وطلتهم🙊✊
.
فاتن:غدوه طيارته خالد ولا
كريم:اي بإذن الله
فاتن:والله فقدته اوليدي🙊
كريم:اهو غدوه جايك..
فاتن:الحمد لله..وبإذن الله حنعزم جلال"خوها وصاحب أيمن..عرفتوه😉" ع الغدي..ليه فتره معاش جانا
كريم:يتفضل..
مارن:نبو نشرو ملابس
جارونيا:صح..معاش عندنا ملابس للعرس الجاي
كريم:حاضر..تو انقول لي ضرار يقلكم
مارن:اتصلت بيا ولاء..قتلي نمشو للسوق مع بعض
"اسرحت دوتهم😂مش منهم عاشرو الليبيين الأصليين😉😂"
فاتن:خلاص قلها تو يقلكم ضرار..ولا امشو مع ولد عمتك
مارن ناضت:تو انكلمها
مارن:ايوا📱
ولاء:اهلين..ها شن صار فيك..سألتي اهلك
مارن:اي وافقوا..بس من بيقلنا
ولاء"محمد عمله..وعلي أفف😓":مم مش عارف..انقولو لعبسي😅ولا مع هناء
مارن:لا لا..تو يقلنا ضرار
ولاء:اوكي..كلمت هوازن وقتلي بتجي حتى هيا..
مارن:تماام.. نتلاقوا في حوش جدي معناها
ولاء:اوكي..6 انكون غادي
مارن:اوكي.سلام
ولاء:سلام🚫
نزلت لبوها👣
ولاء باست راسه:كيفك يا أحلى اب في الدنيا😍😊
أحمد"قديش ليا ع هالبسمه اللي ع وجهك يا ابنيتي😔"
ولاء:وين سررحت👋
أحمد:أا..لا معاك..وشن تبي مني بنتي الغاليه😁
ولاء:بنتك تبيك تلقلها لحوش خوالها😀
أحمد:شن عندهم خوالها
ولاء:اتفقت مع بنات العيله نمشو السوق جميع..ومنتلقطوا في حوش جدي
أحمد:ومن بيقلكم
ولاء:ضرار ولد خالي كريم..خواته معانا😅
أحمد بتفكير:وضروري منها المشيه😀
ولاء:اي..بالله عليك😔
أحمد:خلاص..وتي روحك وتو انحطك😊
ولاء نطت بفرحه:تي وربي منور😍
أحمد ضحك ع اهبالها:بشوي را اطيحي😂
ولاء:أحمم..بس ممزال حاجه تانيه😅
أحمد دار حركت الفلوس:تو نركب انجيبلك😂😅
ولاء باست راسه:تسلم يا فاهمني😻
فاطمه خشت:يا ساتر عيد الأب ولا شنو😕
ولاء:أححم..انوتي روحي ومع 6 ألا نطلعو😆
ولاء طلعت👣
فاطمه:ووين بتطلعو😕
أحمد:منحطها عند خوالها
فاطمه:أهلي..خيرهم شن عندهم😟
أحمد:بتمشي للسوق مع بناتكم
فاطمه:وخيرها ما تسأل. رايها من راسها هكي😑
احمد ناض:خلاص سألتني اني..وماصدقت نشطت وردت الفرحه لعيونها😤
فاطمه سكتت وترحي في داخلها ع ولاء😑😤.
.
.
وفي الوقت هدا في حوش يوسف تحديدا دار هوازن💖
.
الباب:✊
هوازن:منوو
محمد:اني
هوازن:ومنو انت😑
محمد:ليون ميسي😒
هوازن:للأسف مش حنفتح مدريديه ياسيد ميسي
محمد:😑
.
.
يتببع💓
تفاااعلو كبيدااتي👏💗
