🌷نصيبي اخي🌷
تأليف:رونق الشتاء❄
البارت"20"
متابعه طيبه🎀
باارت اليوم نككد امنكد😭💔
.
.
وجي الصبح🌞
صبح عاشه كل بطل من ابطالنا بشكل🎲
صباح سعاده💓
. .ألم💔
. .غضب😡
. .حزن😢
. .انتضار😩و و لو انعدو مننتهوش😔
حسن..اللي قلبه محروق حرقين😖..حرقه ع خوه اللي بين الحياه والموت..وحرقه ع امه الي جاها السكر من عمايل خوه💔
حليمه..اللي واجعتها روحها ومييته ع ولدها اللي بيريح من بين ايديها😭
هناء..مشغوله وبطير ع حسن واهله وشن صاير فيهم😖😢
سماح..تراجي في هالصبح بالدقيقه عشان تطمن ع امها وخوها😖😢
ايمن..ميعلم ع صبح من الليل😵
~'°~•°°••°'•
حليمه رقدت في المستشفى الليله اللي فاتت واليوم الصبح اعطوها خروج🏢
حليمه:وولدي..ايمن ايمن😿
حسن:مفي شي يا امي والله مفيه الا كل خير غير وسعي بالك بس😙😔
حليمه:شن ششن صايرله😭
حسن:ناش سيارته اشوي و بسيطه..مترعشيش روحك😔
حليمه:انقلني ليه.تتو تنقلني لليه😭😭
حسن:استهدي بالرحمن يا امي..شن ابننقلك ليه مستشفى زحمه ورجاله وواحد..ان شاء الله الظهر يطلع وايجيك😁
حليمه:والله قلبي حاسني بيصيرله شي والله😭
حسن تنهد:سمماح..ديري لي امي اشريبه تتقوت بيها
سماح ناضت:حاضر
حليمه:منبي شي..جيبولي اوليدي بس😭
سماح:مترعشيش روحك يا امي..والله مافيه الا كل خير😢
حليمه:تتكدبوش عليا والله الا صايرله شي😭
سماح تنهدت وناضت للمطبخ😢
وعند ايمن في المستشفى🏢💔
حسن:شن صار فيه يا دكتور
الدكتور:والله شن بنقولك 4 رصاصات في جسمه ووح. . .
حسن:اللهم لا اسألك رد القضاء ولكن اسألك اللطف فيه😦😩
الدكتور:عنده 24 ساعه. . .
حسن اعيونه تعبو ادموع:ياارب الططف بيه💔
جلال تنهد وقمعز ع الكرسي:أاه..ربي يشغيك يا صاحبي😢
حسن:قاعد واعي يا دكتور
الدكتور:مع الاسف خش في غيبوبه
حسن حط ايده ع وجهه🙈وادموعه نزلو"محرهااا دمعه الراجل ع اوخيه💔"ونزل يجري لي سيارته
جلال:امتى يوعى يا دكتور
الدكتور:منعطيكش موعد هوا وعمره
جلال صبا:ششن😦
الدكتور:ااي مرات اسبوع،شهر،سنه،في اللي يوصل حتى 3،4سنوات..ومرات مينوضش بككل هوا وعمره😁
جلال تنهد ونزل ركب احدى حسن في السياره😢
حسن:تعرفه الفرخ اللي ضاربه
جلال:مشيت شفت الكاميرات اللي في المقهى وعرفته😤
حسن:شن اسمه الفرخ
جلال:عادل عدنان ال. .
حسن:شن الموضوع اللي بيناتهم
جلال:هوا فرخ معانا في الكليه..ايمن امسلفه افلوس معاش جابهم
حسن:أااي
جلال:ايواا..وايمن طالبه بيهن مباش..بدا يدوي عليه..مش راجل وعليه دين وههكي..والفرخ ردهله بالسلاح😢
حسن:غير خليه اينوض اصحيح وحقه تالت وامتلت ياخده😼
جلال:ان شاء الله
حسن:والله كان صارله شي منبدى الا حارق عيت ال. . حرررق عن بكرة ابيهم😡
جلال تنهد:بغير سو😢
ورن نقال حسن🎶
حسن شبح لي جلال:اححم😳..هي تفح
جلال ضحك:امنور يا ابيوع😒
حسن دارله بيده👋:ايواا
هناء:اهلين..شجو نوني
حسن:أاه يا هنو
هناء:يا رووحي يا ريت فيا ولا فيك💔
حسن:شن بندوي لندوي امي اللي جاها السكر..خوي اللي مش عارف اينوض ولا
هناء:امك قضاء وقدر..واختبار من ربي😖وان شاء الله ميطورش لمراحل اقوى👐وايمن بسيطه ان شاء الله
حسن:تي اين بسيطه بالله😔
هناء:أاهو الحمد لله امس وعي
حسن:اين واعي بالله..خش في غيبوبه😩
هناء:لا حول ولا قوة الابالله😢ربي يشبح فيه
حسن:الدكتور قال. . .😔
هناء:. .😵😢
.
.
شن قال الدكتور..وشن بيصير في ايمن هل بيعيش ولا..
و احدااث وااجد فيصليه في القصه
كلله👇
.
.
يتبع🌻
