🌷نصيبي اخي🌷
تأليف:رونق الشتاء❄
متابعه جميله📖🎁
.
.
حسن:هناء إنت بعقلك اليوم ولا تبي تهبليني😑
هناء:خلاص قتلك دير رايك..اللي تبي اتحطه حطه ان شاء الله حتى حصير😩
حسن:بااه.."يبي يغير الموضوع"كملتي دبشك
هناء:لا مزال شن كملت..هو قاعد ع موعده💖
حسن:إي 10/10
هناء:أقل من شهر مزال😪
حسن:سااد هرمنا قريب 4 سنين خطبه💔
هناء:تعرف نخمم ع روان وأيمن😖
حسن:مدوريهمش اللي خالهقم عابي بيهم
هناء:ان شاء الله ربي يكمل عليهم ويهنيهم ببعض👐💖
حسن:احني وياهم ان شاء الله👀
هناء:أحمم..انت دار نوم متبي تاخد كلامي فيها😒
حسن:يااللييل😣رجعنا لنفس الموضوع
.
وكملوا هدرزتهم وايدورا وايدورا ويجوا لنفس الموضوع😹💔
.
و ليلتنا لليوم اللي ضاغي عليها الحب والفرح والرومانتيك💘مش حتمر بدون ما نطلوا ع عصافير الحب لروايتنا👇💗
.
غزلان:محمد الله يربحك والله عندي امتحان😣💔
محمد:مش ديما قرايا..حتى اني عندي فيك حصه😑
غزلان:ليك نص ساعه تهدرز..خلاص منعدي نقرا تربح😢
محمد:ملياش علاقه بتصكري معاش تنفاهموا😑😌
غزلان:اني منكلم عمتي خديجه تتفاهم معاك😤
محمد:تهددري فيا😦
غزلان"قولي اي قولي اي قولي اي":أاا..مم مش هكي لكن تربح امنقرا..والله امتحاني صعب😣
محمد"سكت اشوي":أامم..صيدله تقري ولا😈
غزلان:اي😟
محمد:تم تم خلاص صكري😍😌🚫
غزلان:ان شاء الله خير يا محمد😦😟
.
وفاتت قريب نص ساعه🕥و غزلان تقرا وتحاول تسرع عشان تكلم محمد تراضيه💖
ببس كانت المفاجأه🙈👇
الباب:✊
غزلان:منو
عنفوان:تعالي برا اشوي😸
غزلان:اخطيني منقرا😑
عنفوان:قالتلك امي جيبي كتاباتك وتعالي☺
غزلان فتحت الباب:شن تقولي إنت😟
عنفوان:جيبي كتاباتك وألحقيني😌
خشت غزلان جابت كتاباتها و برمت لحقت عنفوان👣
.
قدام المربوعه🙈
عنفوان:خشي هنا اقري😈
غزلان:وليش😟
عنفوان فتحت الباب ودفتها:تي خشي بس😈
غزلان خشت:تي خير بلا..😨
. .:😊❤
غزلان:شش شن ادير هنا😵😳
محمد:جاي نقريك😌💟
غزلان:انت بتقريني😦وشن فهمك فيها الصيدله😕
محمد:تو نفهم معاك..ع المهم تعال قمعزي جنبي هنا👉
غزلان بربكه:أا..اشوي ببس وبرمت بتهرب👣
محمد ناض شدها من مرفقها:ع ويين تعالي هنا😈
غزلان:حاسه عنفوان ورا جيتك هنا😒
محمد:بلكي متبينيش انجي😞
غزلان:جاوبني هيا ولا😒
محمد:والله بنت عمتي قدر..كلمتها دوت لامك وجاباتك هنا👍
غزلان:وامحوله حذائك من قدام الباب وحابكه الموضوع
محمد:مش قتلك قدر أختك..كان مش خاطب را خطبتها👀
غزلان:انشنقك انت وهيا ع كوبري ال. . بعدين😒
محمد:ياخطييره إنت😹
غزلان فتحت كتابها ونزلت من ع الصالون وحطت الكتاب ع الطاوله:يالله اسكت خليني نقرا😌
محمد قمعز جنبها:هي ابدي👀
غزلان:عندما تتفاعل الماده"اشبح شن اسمها"مع الماده"مش عارف شن هيا😹"ينتج المركب"الفولاني✏📝
محمد يقلد في صوتها ع اساس يقرا:عندما تتفاعل السيده غزلان مع السيد محمد ينتج يوسف الصغير✏😉"😹"
غزلان انحمرت وضحكت:سسخيف😳😂
محمد:يالله اقري بلا ضحك😒😹
غزلان:تعرف نسقط غدوه معاش نتفاهموا💔
محمد:خلاص تو نسكت اقري🙊💛
.
وقعدت غزلان تقرا ومحمد سااارح فيها😍❤
