🌷نصيبي اخي🌷
تأليف:رونق الشتاء❄
تابع البارت"19"
.
.
بلال:بطاقته اهيا
الولد3:شن اسمه
بلال:أيمن محمد...😨
الولد:لا حول ولا قوى الابالله😔
بلال:هدا خو أستاد حسن😳😔
وطلع نقاله ورن ع حسن📱
وعند حسن اللي متكي احدا امه🍃
حليمه:يا احسونه
حسن:نعم يا غاليه
حليمه:خوك وين..حتى ع الغدي ماريته اليوم😔
حسن:اكيد متغدي عند حد..تو انكلمه انشوفه وين😊
وع كلمته هدي رن نقاله
حسن شبح للساعه"بلال😟ان شاء الله خير":الوو
بلال:اهلين حسونه
حسن:شخبارك..ان شاء الله خير
بلال:لا خير ان شاء الله
حسن:ان شاء الله
بلال:لا غير تعال لمستشفى. . .
حسن قمعز:خير شن فيه
بلال:مفي شي غير تعال بس
حسن بصداع:ششن فيه يابلال شن بندير في المستشفى
حليمه:😦
بلال:وسع بالك يا راجل..غير خوك متعارك مع واحد وجايبينا للمستشفى😔
حسن ناض:تتم تم جايك😤
حليمه:ووين ماشي😢من في المستشفى
حسن:مافي شي..اشويه وجاي
حليمه:اايمن صايرله شي..اايمن قوولي😭
حسن:مش ايمن مصاير شي قتلك
وطلع يجري👣🚘
حليمه:ووه عليا يا اوليدي ووه😭
سماح سمعتهم جت تجري:خخيرك يا امي😦شن فيه وين عدا حسن
حليمه طاحت:وولل لدي أايمن
سمااح:ووه وه يا امي😭ننوضي نوضي😢
وقعدت اتخبط فيها ع وجها بس بلا فايده💔
سماح:ووه شن بندير توا😭وخدت نقالها رنت ع حسسن كم مره مردش
سماح:معندي غيرها😢
سماح:اايوا هناء😢
هناء:اهلين سموحه😟
سماح:أاامي اامي يا هناء
هناء:خييرك بسم الله شن صايرلها
سماح:ططاحت عليا..ممش عارفه خيرها😢
هناء:ححسن وين
سماح:اننكلم فيه ميرددش وسلوى راجلها امسافر😭
هناء:تتو تو انشوف عبسي😔
سماح:بااه😭
وقعدت اتنوض فيها واتبخ بالميه وحالتها حااله💔
.
.
وفي المستشفى🏢
وصل حسن للمستشفى👣
حسن:ششن صاار😡
بلال:ووسع بالك😔
حسن:تي شن صارله الولد
بلال:قاعده في العمليات
حسن:شن صار..ومن ضاربه😡
بلال:جي واحد. ."حكاله القصه"
حسن:تعرفه الفرخ انت😤
بلال:لا والله
حسن:باهي معرفتش القصه اللي بيناتهم😡
بلال:بالضبط لا..بس شكلها ع فلوس ما فلوس
حسن تنهد😤وطلع نقاله📱:أايوا
جلال:الو
حسن:تعال لي مستشفى. .
جلال:ان شاء الله خير😓
حسن:ايمن متعارك هو وواحد وجايبينا للمستشفى😔
جلال:مسافه الطريق وانكون عندك😵
حسن:ربك يستر😪
.
.
وعند حليمه💔
سماح:ششن صاار فيها يا دكتور😢
الدكتور:نوبه سكر
سماح:😦
عبسي:عندها من قبل هيا
الدكتور:مش عارف..بس الباين اول مره
عبسي شبح لي سماح اللي نزلت لوطا وكانت في حاله صدمه😔
سماح اتحرك في راسها ايمين ايسار:لا لااا..مم ممجهاش الس السكر..ككذب😭
هناء:وسعي بالك قضاء وقدر😢
سماح اتخبط:لا لا😭😭
عبسي:الله غالب..والسكر حنون مش هديك المرض لا سمح الله😔
سماح:😳😢
.
.
وانسيبو الحزن هدا كله ونمشو انطلو ع حوش فاطمه😻🙈
الباب:✊✊
علي"اكيده جايه ابتعتدر واطروح😏😒":راقد منبيش ازعاج😠
ولاء فتحت الباب:كليمتين بس😇
علي:ولا حتى تشكيله..براا😑
ولاء:مانحسابك قلبك اسود هكي😢
علي:الايام هدي توقعي كل شي😒
ولاء:أمم..عموما..جايه عشان انقولكSorryواتفضل🎁
علي خداها منها ورفع حواجبه فوق:شن هدي😕
ولاء:امم هديه😛😳
علي مدهلها:مناخدش في الرشوه
ولاء:تي رشوه 😒انت اعطيتني افلوس وتفكرت بحاجه بيهن😑تعرف اصلا مش لي وجهك..وجت ابتاخدها منا
علي جبدها:مدامها بفلوسي امناخدها😌
ولاء:😒
علي فتحها:😻
ولاء قمعزت ع السرير:شكلها عجباتك😛
علي"مش عاديه بكل":اكويسه ماشي حالها😌
ولاء"بصوت واطي":مالت عليك😕
علي:وع وجهك😒
ولاء:😨رادار مش اوذان عندك😒
علي:بااه😑وايكون في علمك..تحسابي ب اللي جايبتيه امننسى عملتك..شن عملتك عملااتك😒
ولاء:غير شن درت بس😇😅
علي:ماشيتيلي لي مكان كله مفرخ..و خلتيني قريب نص ساعه انراجي و أااي..تحسابي اطروحك لما كلمتيني جو انبصر عليك فاتن عليا😒والله الا اشبح شن املبزه بااهي😡😒
ولاء:ووسع بالك😵حنجاوبك وحده وحده..اولا:بالنسبه للمكان بوي نقلني واموافق عليه😌تانيا:مش لدرجه نص ساعه واصلا شن بقصدي خليتك انراجي😕قتلك الجهاز سايلنت بس رغم هدا كله قتلكSorry ع التأخير😤تالتا:والاهم بالنسبه للمكالمه😇قتلك كنت انبصر😇
علي:اي اني ملياش راي اصلا.. بوك قالك باهي واني في الحيط😬
ولاء:مش في الحيط..بس راي بوي ميعلاش عليه راي حد😌
علي:خلاص اسقدي لي بوك هي😒
ولاء:حوش بوي ع قولت ناس وامنقعد😌
علي بصداع:ولااااء تحرقيش اعصابي😤
ولاء:امبااه..ومزال اتجي لي داري وادير جو حوش بوي تنفاهمو😒😢
علي:ازلحقي ع حالك😤
ولاء تربعت ع الوطا:صامدون😑
علي ضحك:كان حد ايخش توا يعفس عليك😂
ولاء:وليش يا حنه😒
علي:فتروشه امفترشه ع الوطا😂
ولاء:عدي يا بارد😒
علي:بااه يا اخت البارد شن تبي توا😁
ولاء صبت:شي..غير نبيك تضحك بس..وتوا ضحكت😍
علي:وشن بديري
ولاء مشت للباب:منعدي نرقد..تصبح ع خير👋
علي:الساعه كم توا
ولاء:امم قريب 3
علي:باه..صكري الضي والباب
ولاء فتحت الباب ع وسعه:😛👋
وهربت😂
علي:ولااااء😡وناض صكر الباب والضي زي الولد الفالح"اخدم نفسك بنفسك😂"
وجي الصبح🌞
. .💓
. .💔
. .😖
. .😢
. .😩
يتبع🔮
