🌷نصيبي اخي🌷
تأليف:رونق الشتاء❄
قراءة طيبه📕🎼
.
.
وكسر عتمت هالليلة بزوغ ضي النهار💥💫ولحقه تغريد العصافير منبئة بأحدات جديده حتوضح بعض الأمور المبهمه وحتحط النقاط ع الحروف ليكتمل معنى بعض الجمل💖
.
وافتتاحيه صباحنا اليوم حيكون عند حوش زينب🙊💛
.
غزلان:😪😩😢
زينب:خيرك ابنيتي شن فيك😟
غزلان:مقريتش زين في امتحاني😭
زينب:وشن اديري من امس😕
غزلان:ماهو سلم نسيبك اللي جايبتيهلي😑😿
زينب:ماهو جاي بيقريتك..ومديريليش روحك مش عاجبك..أمس ساعتين وهو عندنا😒
غزلان:يقري عينه..قعد يلهي فيا وخلاص😭
زينب:خلاص الله غالب اللي صار صار..توكلي ع الله وبإذن الله تجاوبي💝
غزلان:ان شاء الله👐
"كبيدتي"📱🎶
محمد:صبااحو❤
غزلان:والله نسقط يا محمد في رقبتك😿
محمد:لا لا بإذن الله ناجحه😁
غزلان:ان شاء الله👐
محمد:أمم..مشيتي للكليه ولا مزال
غزلان:لا تو امنطلع😪
محمد:باهي ان شاء الله بالتوفيق😘
غزلان:أمين
محمد:هي امشي اقري
غزلان:بااه😪🚫
"كبيدتي"📱🎶
غزلان:نعم😟
محمد:أنحبك💘💗
غزلان:من ربي مش حافظه شي را..زيد طيرهلي هالحرفين اللي حاصلات😣💓😳
محمد:باهي أسفين😹هي ديري بالك ع روحك❤👀
غزلان:وانت💗🚫
.
صكر محمد من غزلان مبتسم ع براءتها وجوها الطفولي😊❤
وكسر ابتسامه👇
"نسيبنا"📱🎶
محمد:أاا يا برو شجو
خليل:والله تماام يا قدر شمورك انت
محمد:ماشيه..شني في مكانا
خليل:اي..هي تعال نستنى فيك
محمد:تم🚫
.
بعد🚗💨
.
محمد:أا..شجو
خليل:ماشيه..اسمع في موضوع نبيه هكي😅
محمد:ان شاء الله خير😁
خليل:والله. . .
محمد:أمم..مفيش مشكله..بس هوازن عندها علم☺
خليل:أاا..نبيها مفاجأه يا بروو😉
محمد:رغم انه عارفها بتقلب الدنيا بس..تو انشوف الحاج وانقولك😀
خليل:ديرلنا واسطه هكي ولا هكي😉
محمد:متستحقش واسطه،الحاج يفرح فرح😉😹
خليل:تمم..منور😹
محمد:ميه ميه👍
.
وفي الوقت هدا في في كلية القانون💘
.
سرور:ياروحي💔الله غالب ربي عوضك بعلي💗
ولاء:هدا هو الله غالب☺
سرور:أمم..باهي جهزتي شي للبيان
ولاء:لا والله😔
سرور:تعاليلي اليوم..نختاروا شن نلبسوا
ولاء:بإذن الله..واصلا اني عنديش ف امنشحت منك😔💔
سرور:ع حسابك حيااتو💗😹
ولاء:عارفكه.ماناقصك تعطينيش والله😒
سرور:خزو😹
ولاء:سعدودها رهام اكيد راقده التافته توا😒🙀
سرور:فاتوها المحاضرات شن بتحصل منه النوم😞
ولاء:ربي يصبرني😕😑
سرور:😹
.
.
وفااات الوقت وروحن من الكليه وطبعا ولاء روحت ع حوش سرور🙊
.
وزادوا مرو الساعات وجت العشيه 🍃
.
وعنددد🙈👇
.
ضرار:تي هيا يا امي وقت😤
فاتن تلف في وشاحها:تي باهي وانت بصلتك محروقه😑
ضرار:😑
مارن:مش حيهرب حوشهم را😞
ضرار:صكفمك إنت😒ومفيش مشي
مارن:غير ميته ع المشي😒😝
ضرار:😒😌
.
.
وفي الوقت هدا في حوش عم ولاء🙈
.
سرور:شن رايك في هدا😙
ولاء:لا😑
سرور:القونه هدي سمحه😍
ولاء:البسيها إنت😅
سرور:تعرفي قريب نعطيك خبطه تجيب عمرك☺
ولاء اتفركس في الدبش:اصبري تو نلقى اللي نبيه😄
سرور:اني هدا امنلبسه"اشرت ع قفطان"
ولاء:اممم ماشي حاله😀
سرور:😒😏
ولاء:😹
"نصيبي"📱🎶
سرورشبحت للجهاز:تعرفي كان تشوفهه امك رح تطلقي يا نصي😅😂
ولاء:غير متنقيش مش حتشوفه😑
سرور:دبري راسك،افتحي المايك😈
ولاء:بااه😹ايوا
علي:وين قاعده ادوري😑
ولاء:غير وسع بالك وانت خاش زي الحادت😑😕
علي:طالعه تدوهري لا تسألي لا تعبري😑
ولاء:علي اني قاعده عند عيت عمي مصطفى را😅
علي:مانفهمش.ان شاء الله بتطلعي للجنان تسأليني😑
ولاء"غغير اعبى😕😈":أححم..نتفاهموا فيها بعدين...ع المهم شجوك انت..أحمم شن جو الحوش بلايا😌😎
علي:في خيار الخير👍هدوء وسكينه والوضع فانتاستك😎
سرور:😂😂
ولاء:😦خزوو..معاد امروحه بووكل اني😒
علي:توفري😌
سرور"بهمس":قق قصف👏😂
ولاء"شبحت فيها ع الجنب😒":بااه يا علي..نتفاهموا😤
علي:تي الحوش ماينداس بلاك غلاي❤
ولاء:أا😳❤
سرور"بصوت عالي":رااعو شعور السناقل يا أخوتي😹💔
علي:😱فاتحه المايك😒
ولاء "تقرص في سرور😬":لل لا لا..غير هيا حاطه ودنها ع الجهاز😅
علي:اي بااه..هي سلام توا
ولاء:خيرك اعليوه حمقت😟
علي:لالا..غير شكله اشبح من جانا..خليني نهرب قبل نحصل😅
ولاء:اوكي دير بالك ع روحك
علي:روحي عندك❤..هي سلام🚫
سرور:يا ألبي وخلاص😍
ولاء:رومانتيك ولا😹❤
سرور:مم مش غير😹😍
.
.وفي اللحظات هدينا عند عيت فاطمه👀
.
فاطمه:اهلين تفضلي تفضلي😙
. .:زيد فضلك..شن حالكم😀
فاطمه:الحمد لله..شن حال خويا كريم والبنات والأولاد
فاتن:والله الحمد لله
"وبععد قمعزو وكذا وكذا🕞"
فاتن:والله جاياتك اليوم في موضوع وان شاء الله متردينيش
فاطمه:ان شاء الله خير😟💓
فاتن:والله عاجبتني ابنيتك ومانلفقى خير منها وضرار حتى هو عاجباته وان شاء الله من نصيبه😙
فاطمه"اعيونها ولو اقلوب😍":ان شاء الله ولاء
فاتن:اي
فاطمه:والله مانلقوا خير منه😘
فاتن:شوفي بوها وان شاء الله مايردناش😚
فاطمه:لا لا بإذن الله مايردكم
"تو مش تبي قتل😒🔪☝"
فاتن:وينها مريتهاش اوليه😘
فاطمه:والله ماهي قاعده..عند عيت عمها😀
فاتن:باهي فيها خيره😊
.
وفااات الوقت وروحت فااتن وو👇
.
فاطمه امقمعزه ع الصالون وتستنى في أحمد بفارغ الصبر✊💗
.
احمد👣
فاطمه:أهلين أهلين..انست يا حاج😍
أحمد قمعز"وبإستغراب":ان شاء الله خير😟"متعود ع النكد منها😹"
فاطمه:كل خير ان شاء الله😘..والله تو كانت عندي فاتن مرت خوي
أحمد:وشن تبي
فاطمه:والله جايه تبي ولاء لضرار ولد خوي😍
أحمد:😦😟
فاطمه:ها شن رايك..عاد خوي والله مانقدر نرفضه😌
أحمد:. . .😩
فاطمه:. ..😌
.
.
وفي الوقت هدا قدام حوش مصطفى"عم ولاء"
.
.
🚗بييب بيب🔊
ولاء طالعه:تي واك هالولد بصلته محروقه😑
علي:سااعه😑
ولاء ركبت في السياره:الصبر ما طقيت دقيقتين😒
علي:تي ساعتين نراجي😑
ولاء:اي حق😏😒
علي تنهد:شجو😤😅
ولاء:اي اقعد رقع تو😒
علي:تو اني نراجي وإنت تحمقي😦😒
ولاء:خلاص حمقت حمقت😌😔
علي:تزعلي مني😔😈
ولاء:ما هادي المشكله..نزعلش منك😪
علي قرص خدها:تي عسسل ميزعلش حبي😍
ولاء شدت خدها:تي أاااح😖
علي وقف السياره:تعرفي تنزلي خير مايصير شي تاني😉
ولاء فتحت الباب ونزلت جري متجهه لدارها:😨😳👣
نزل علي مبتسم ع حركاتها 😹🙈
بس بسمته للأسف مادامتش وااجد💔
.
علي👣:سلاامو👋
الكل:وعليكم
علي:خيركم في شي😸
أحمد ناض:اني منصلي المغرب..امك تو تحكيلك👣
علي يشرب🍹:ها شن في😟
فاطمه:والله يا اوليدي جتني فا. ."قطع عليها👇👣"
ولاء:شجوكم👋💖
فاطمه:باهيه..تعالي اسمعي مدامك جيتي..هما كلمتين ومتقوليش لا لأنه واصلتلي حدها😬
ولاء:شن فيه😟
علي عدل جلسته:خير يا امي شغلتينا
فاطمه:اليوم جتني فاتن وتبيك لضرار😊❤
.
وللحظه توقف الزمن عند تنائينا وشبحوا لبعض
.
ولاء:😦😨😵😱😲
علي:😲😱😠😬😡
.
فاطمه:ومتفكريش اتقولي لا..ولد خالك والله مارافضينه😒😌
علي خبط الطاسه من يده:تي شن مش رافضه لععبه هيا😬😡
فاطمه:😨😱
ولاء:😦😔💔
علي"بصداع":والله لو تطعوها غصب عليها ناخدها ونهرب بيها ساامعين😬
فاطمه:وو وسع بالك .ومن قالك مش اموافقه😼
علي:لا مش اموافقه..وايكون في علمك والله تغصبوها ع شي والله معاد لا قاعد اني لا هيا في هالحوش😡..ساااامعين..
. . :👋😡
الكل:😱😲😵
أحمد حول ايده من ع وجهه علي:صووتك ميعلاش في هالحوش واني حيي ساامع😡صوتك مايعلاش ع امك فااهم😬
علي نزل راسه
أحمد بصداع:ولاء لو امنعطيها منسألش فيك ..مانسألش فيك..ولو منغصبها كنت غصبتها ع اللي قبل هدا😬
علي واعيونه حممر رفع راسه و بتحدي:ولاااء لياا..والله وراسي حي ماواخدها وااحد غيري..ولو فكرت تعطيها لغيري تأكد انك جنيت عليها وعليا😤💔"برم طلع👣"
أحمد قمعز:😦😱
فاطمه:😦😨😲
ولاء:😢😳😔💔
فاطمه جت تجري لولاء واتهز فيها من كتفها:شش شن الكلام اللي يقول فيه هدا😬
ولاء ادموعها ينزلوا:😶😩😢
فاطمه اتهز فيها اكتر:قووولي شني😬😡
ولاء فكت ايد امها وناضت جري لدارها👣
أحمد شاد راسه:شش شن الكلام اللي يقول فيه وو ولدك هدا😣
فاطمه:مم مندري عليه😭الفرخه الحرفه اشبح شن امدايرتله لاعبتله بعقله🙅
أحمد تنهد وطلع👣
.
.
وفااات باقي النهاار
وجي الليل وخيم معاه جو الكآبه ع حوش يضم أحلى ثنائي تجمعهم قصه من أغرب القصص🍃➿
.
وفي حجره من جحر هالحوش كانت بطلتنا تعيش لحظه من أصعب لحظات حياتها🔥🙈👇
.
الباب:✊
ولاء بعبره:حح حرام عع عليك..ارر ارحميني من بب بكري تت تعاركي🙀😭
. ."بصوت خشن":أفتحي يا بنتي نبيك
ولاء:😨"بلعت ريقها"بب بويا
أحمد:عندي كلمتين بنقولهلك😪
ولاء من الخوف معاش قدرت تصبي ع رجليها وترعش😖
أحمد"بنرفزه":شن مش فاتحه ولا كيف😬
ولاء برعشه فتحت الباب:نن نعم😖
أحمد صكر الباب و قمعز ع الكنبه:أااحم..قمعزي هنا"واشر ع الكنبه المقابله👈"
ولاء قمعزت واتحس في كل أنش في جسمها يرعش😖
أحمد:أكيد عارفه ع شن جاي ندويلك ولا
ولاء نزلت راسها😔
أحمد:. .😤
ولاء:😦😰
أحمد:.
.
.
بججد أسسفه ع أي تقصير أو اي تأخير يصير في التنزيل💔
بس يا أكبيداتي والله ظروفي الفتره هدي ببكل😖..زي ماقلتلكم من قبل عندنا مناسبه"زايده علينا بنوته👼💖"+أختكم في الله طالبه علمي يعني قرايه وننكد 😪
.
وع فكره لو نبي ننهيها نقدر نكملها في يوم..بس مش حابه نهايه مجهودي وتعبكم وانتظاركم ليا يكون بشكل مخزي ليا ومخيب ليكم💔
.
ساامحوني يمكن طولت عليكم بس حابه نوضحلكم ضروري عشان متلومونيش😔😭
.
"إلتمسوا لي العذر😳💖"
.
امنوريينها ودعمكم سبب استمراري⭐❤
.
يتبع🔥
