/Дууссан/ 👑 Нууц ханхүү 👑

Ep-17 "Жунин мөн үү?"

Жунины хувьд ямар нэг охин түүнийг түрүүлж үнсэж байгаа анхны тохиолдол болоод ч тэр үү? эсвэл Инбинийг ингэнэ гэж бодоогүй болоод ч тэр үү үнэхээр сандарсан харагдах ба зогсож байсан газраа таг гацсан байв.

Инбинь нүдээ нээн түүнээс аажуухан уруулаа салаад "за явцгаая" гэсээр гараас нь хөтлөхөд Жунин харин хөлдсөн мэт байрандаа зогсоно.

Инбинь түүний гэдэс рүү нэлээд чанга цохиод "ХӨӨЕ УХААН САНАА ЧИНЬ ЗҮГЭЭР ҮҮ?" гэхэд

Жунин сая л нэг ухаан орсон мэт том нүдэлсээр Инбинь рүү харан толгой дохилоо.

Инбинь жуумалзан "энэ чиний анхны үнсэлт юм уу?" гэж асуухад

Жунин "үгүй ээ, хоёр дахь" гэх нь тэр.

Инбинь гайхан "Юу?? өдий том болсон залуу байж ердөө хоёрхон удаа л үнсэж үзсэн юм уу?" гэж асуухад Жунин зүгээр л толгой дохилоо.

Инбинь уулга алдан "хөөх чи ч үнэхээр хачин залуу юмаа, манай хоёр галзуу чиний оронд байсан бол юун охин үнсэх бүр болохгүй зүйлс ч болсон байгаа. Гэтэл чи үнэхээр. . . за за цаашдаа чамайг өөрчлөхөд л болно" гэсээр Жунины гараас хөтөлсөн чигтээ явах бол Жунин хөтөлсөн байгаа гар руугаа дахин дахин харна.

=============

Тэднийг Инбиний гэрт ирэхэд Бэкхён Шиүмин хоёр унтаагүй зурагт үзэж байсан юм.

Зочдын өрөөний хаалгаар оров уу үгүй юу Инбинь "ТА-ДААН хар даа, цоо шинэ супер царайлаг залуутай ирлээ" хэмээн орилоход хоёр ах нь зэрэг эргэж харлаа.

Тэд Жунины өөрчлөлтийг харан гайхсандаа нүд нь томорно.

Бэкхён "хөөх чи үнэхээр төсөөллөөс минь давсан байна шүү, гоё харагдаж байна" гэсээр эрхий хуруугаа гаргахад

Шиүмин "чамайг ерөнхийд нь царайлаг гэж мэдэж байсан ч ингэж хувирах юм гэж санасангүй шүү, хүмүүс та нарын хэлдэг шиг үс сайхан бол зүс сайхан гэдэг ч оргүй хоосон үг биш бололтой" гэсээр инээмсэглэв.

Жунин тэдний магтаалыг сонсон бага зэрэг ичсэн бололтой толгойгоо маажин газар ширтэн зогсоно.

Инбинь түүнийг сугадаад "энэ зэргийн харагдаж байхад Кантарт очсон ч охид хүүхнүүд надад атаархах байх тийм үү?" гэсээр жуумалзахад

Хоёр ах нь түүнийг шоолох мэт инээлдээд л өнгөрлөө.

====================

Инбинь нэгэнт Жуниныг гэрт нь хононо гээд хэлсэн болохоор Жунинд харих шалтгаан байсангүй. Инбиний гэр Жунины гэрийг бодоход хамаагүй жижиг тул унтлагын өрөө олон байгаагүй юм. Яг л тэр гуравт нэг нэг өрөө.