/Дууссан/ 👑 Нууц ханхүү 👑

Ep-25 "Хараагдсан сахиус"

Намрын налгар өдрүүд үргэлжилсээр гэвч өдрөөс өдөрт хүйтэрч байгаа нь өвөл болох гэж байгаагийн дохио гэлтэй.

Намрын улирал бага зэрэг гунигтай, сэрүүн салхи шарласан навчис унах нь харахад үзэсгэлэнтэй ч сэтгэл гунигтай хачин өдрүүд. . .

Хичээл эхлэхэд Лае хоёр хүүхэд дагуулан орж ирэв. Эрэгтэй эмэгтэй хоёр сурагч.

Бүгд л гайхсан харцаар харна. Хичээлийн жил бараг л талдаа орох байхад ийм орой шилжиж ирж байгаад гайхсан байx.

Лае "энэ жил манай ангид үнэхээр олон хүүхэд ирж байна тийм үү? манай анги ч онцгой анги юмаа" хэмээн бяцхан хошигноод "хоёр шинэ найзтайгаа танилцаарай. Сүн маань японоос шилжиж ирсэн. Харин Тэжүн маань Бусанаас ирсэн юм. За өөрсдийгөө танилцуулаарай" гэхэд

Сүн "сайн байцгаан уу? Японоос шилжиж ирсэн Ким Сүн байна. Гэхдээ би япон биш шүү Солонгос" гээд инээмсэглэxэд угаас хөөрхөн охин тул хөвгүүд их л нааштай угтан авлаа.

Түүнийг хараад л Сэүн өчигдөр мөргөлдсөн охин гэдгийг таньсан юм.

Сэүн түүн рүү ширтэж байгаад Сүнтэй харц тулахад Сүн инээмсэглэн толгой дохиход Сэүн ч бас инээмсэглэн толгой дохилоо.

Тэжүн "сайн байцгаан уу? Нам Тэжүн байна" гээд бөхийлөө.

Түүнийг харсан даруйдаа Инбинь Бэкхён Шиүмин нарын царай хачин болох ба бие биерүүгээ гайхсан янзтай харна.

Лае Сухогоос авсан нууц тушаалаа биелүүлэх ёстой. Сэүн хойно суудаг тул Сүн болон Тэжүн нарыг урд ширээ гарган суудал зааж өгөв.

Хичээл ордгоороо орж, Нөгөө гурав одоо ч таагүй байгаа царайтай хичээл хийсэн юмгүй доош харан сууна.

Арай гэж цайны цаг болоход нөгөө хэд бөөндөө цайны газар руу явахаар болов.

Сүн мэдээж тогос тиймээс Инбинь болон ханхүү нартай мэндлэх ёстойгоо мэднэ.

Инбинийг ширээнээс босохтой зэрэгцэн Сүн "сайн байна уу? гүн-" гэтэл Инбинь худлаа инээсээр хүзүүгээр нь тэврээд "сайн сайн уу Сүн, чамайг шилжиж ирнэ гэж мэдээгүй болохоор их гайхсан шүү найз минь" гэсээр Сүнийг чирсээр ангиас гарлаа.

Сүн мэдээж гайхсан харагдана.

Сүн "яасан бэ? гүнжээ" гэхэд

Инбинь "Сухо эсвэл Лае чамд анхааруулаагүй хэрэг үү?"

Сүн юу ойлгоогүй царайтай толгой сэгсэрлээ.