مساء الخير
قصه بقلم ذكرى المندلاوي
الشيخه فضه
تعالي كوثر كعدي يمي
كوثر
هههه شنو عمه اليوم شعجب ولو ادري بيج تحبيني
بسسس جيتج هاي غريبه هههه
ام كوثر
عيب ولج هاي بدل ما ترحبين بيهة يا ساعه المباركه
الي بيهة الشيخه فضه بنفسهة تدخل بيتي
الشيخه فضه
والله يعجبني دائما امرلكم بس تعرفين مشاغل الشيخ وادي وناس رايحه وناس جايه والبيت مايمشي بلياي
هله بيج امته تجينه كومي كوثر جيبي جاي وكليجه
العمتج
الشيخه
لااءء تعالي كعدي هي احجايه ارد اكولهة واروحن وانشاء الله وره هل الجيه الحجي حجي زلم
ام كوثر التفتت البتهة وبوجهة علامات التعجب وبنفس الوقت افتهمت المغزى من كلامهة وابتسمت
انشاء الله خير كولي ياشيختنه
والله جايه اطلب كوثر الفهيد
كوثر
ههههه
حضنت ام فهد وباستهة
الشيخه للام
والبنيه بنيتنه وماظنهة رافضه
ام كوثر
هههههه هاي يوم فرحتنه كلنا فهيد خيرت الشباب
وانه اكلج من هسه كبعي واخذي وابوهه ماظنه يرد للشيخ وادي طلب
وانشاء الله ماكو مانع لجن تعرفين وانتي ام الاصول
الشيخه
ايييهه هذاهو انه اخبر الشيخ وادي حته ياخذ موعد من اخوه ويجوكم انشاء يتمم على خير
ام كوثر
اكومن اجيب الجاي
خليججج
لا مايصير ازعل اطبين واطلعين مانضيفج
كوثر بهمس بعد مراحت امهة
عمه فهيد شلون اقتنع انه ادري بيهة قافل
والله ياعمه هو بعده مايدري الحجايه بيني وبينج
اهو مايدري عمج الشيخ وادي كلي روحي
كوثر
عمه اخافن مايقبل
اشحده حتى ازعل منه صدك هلمره الى متى يبقى هيجي المثله هسه فروخه تارسين البيت عليه شو هل الوحيد
كوثر الفرحه مسايعتهه هيه هاي الفرحه الي جانت منتضرتهة صارلهة سنين وهسه راح تصير صدك
فهد زوجهة
فهد حلم كل فتاة بلعشيره طبعا الكل راح يحسدهة
المكانتهة زوجه ابن الشيخ وادي والى بلمستقبل
حيصير رئيس العشيره
حلمهة كان البعيد ان تكون الشيخه وتصيرالهة كلمه مثل ام فهد عز وجاه وكلمه مسموعه واوامر تنفذ
ومحد يسترجي يرفضلهة طلب
**********
شهد
ياالله عيني بارده الدشداشه مفصل عليج تفصال
زهره
اروح الهة فدوه الامي تعرف قياسي بلمظبوط
شهد
الام محد يكدر ياخذ مكانهة الله يعينج على فراكهة
زهره دمعت عينه وبدت تبجي
شهد
يبووو انه مو حجيت حتى تبجين ؟؟يالله لبسي ذهباتج خل تكمل كشختج وصدك طلعين مرت الشيخ
زهره وهي ممروده مرد اليوم راح يجي سعد وياخذهة راح ترجع للضيم بعد ما شافت السعاده كم يوم
هيه بهاي الايام عرفت شنو معنى الفرح الي حته ابيت اهلهة مضاكته والتمسته من لمتهة وهيه بوسط
هل العائله
والشي الغريب الي حسته
شعورهة اتجاه فهد
ليش كلبهة يدك وجهة يصير نار وتبدي ترعش كل انحاء جسمه من تشوفه
شعور غريب مجانت تحسه قبل
هيبته الفهد وطوله الفارع وضخامته وعيونه ال بيهة نظرات قويه وكلامه الرجولي فوك كل هذا اخلاقه
اخلاق زلمه بحق وحقيقي
يازهره صدك شمالج صايره ماتستحين فصلتي الزلمه
تفصال(ويه روحه)
أنت تقرأ
سلاسل من رصاص
Romanceتدور القصه حول خلاف بين عشيرتين يقتل فيها الابرياء وتموت فيه العاطفه ولا يبقى سوى الحقد والعداوات لسنين فهل يستطيع روميو ان يعيد حبيبته جوليت الى الحياه ام تبقى الخلافات و يموت الحب الى الابد القصه للكاتبه ذكرى المندلاوي
