مساء الخير
سلاسل من رصاص
قصه للكاتبه ذكرى المندلاوي
فهد
بويه انه كلتلكم مااريد ازوج
فضه
اوليدي عيب من عمك شنكول مو رحنه وخطبنه اتريد تفشلنه
فهد
ماكلتولي من خطبتوا شنهي انه بنظركم جاهل موزلمه بعدين كوثر حالهة حال ايمان وشهد
وادي
بويه حاجي الفهيد شو جنك راضي علي يكوله
الجد
انه مالي راي بينكم (بزعله)
وادي
ليش هيجي بويه انت الاصل
الجد
لونكم ماشرتوني من رحتوا خطبتوا
فضه & وادي☹😩
فهيد
جدي على حق انتم صايرين حزب وحدكم تتامرون وتخططون وتنفذون
فضه
هيجي فهيد
فهد
هاي حياتي تعذروني واذا على عمي انه اعرف شلون
اراضي
وادي
نظر المرته نظره توحي بلرضوخ للامر غمض عينه
فضه
شيخنا انه بعد مالي حق احجي بهاي السالفه ولا اخطب لجن فهيد مامعتبرني امه ولا جن انه ربيته
فهد
انتي الخير والبركه
الجد
ربيتي ونعم ماربيتي ولون عايشه امه فوزيه الله يرحمها مجان سوت الي سويتي زلمه وتنحلف بشواربه
وادي
هذا جزاتهة
فهد
بويه شنهي تريد تكلب امي عليه اليوم هي تعرف معزته يمي مداعي اكوله بعدين هاي سالفه وزواجي سالفه لخ ومن اردن اكلج اول وحده تعرفين ذاك الوكت
فضه
مو جنت راضي شبدلك
فهد
😒
************
زهره
بلمطبخ تغسل مواعين الريوك
فاطمه
تعالي هييي انتي ماتسمعين
التفتت
هاي عليه
جا عليمن على ابوي
ليش لا انتي السانج على الكل مدفع رشاش
انجبي ولج مو شفتينه رجعج كلتي شاريني لا عيوني رجعتي الغير سالفه
سعد رجعج
حته يذلج
هه
اتقدم عليه ولافته
باعيلي ولج شو جنج متكوايه كون جاج البارحه كوليييي
زهره
فرت بيده
والله يالله ولج انتي شنهي ماتجوزين
فطم صارت اعصاب
ايدج لااكسرهة لج ولدكولين اخاف عندي تصريح من سعيد اكسرج تكسر جاوبي احسنلج
زهره
خوش لجن اذا هيجي عندج تصريح خلن اخابره وسألي موشش اسأليني انه وبعدين هذا الشي يخصني انه وياه فد يوم جيت وسألتج على مايدور بغرفتكم انتي هلج ماعلموج العيب
طلعت النار من خشمها واذاناتهة
ولج شنو قصدج
الي فهمتي يااا فطيم
جذابه انه البارحه خليتج بغرفه الحيوان ميكدر يعيش بيهة وتردين اصدكج سعيد بات للصبح وياج بهل الغريفه
زهره
هه
جاوبي بت جواهر لا ادمرج اليوم اشتري عمرج زهيررره
زهره
وخري عني (بنتره)
عافتهة وطلعت
فطيم ووالشرارات تطلع من كل جسمهة
تصرخ
ولج زهيره اليوم يا اني ياانتي
زهره
هههههه
ويه روحه
والله لا اخليج تموتين من قهرج ذيج زهره القديمه ماتت مااخافن بعد والموت انه شاريته
طخت بسعد
اخخخخخ
سعد
تعالي وين رايحه
زهره
شلي رايده شغلي وكملته وطالعه الغرفتي اصلي وانامن شويه
سعد
ممم حقج اذا هيجي انه انطيج عذرج لون البارحه مانمتي زين
زهره
تخوزر بيه
سعد
وين راح فكرج انه اقصد على الحشرات ال مليانه الغرفه
زهره
وانت وين راح فكرك وانه فصدت نفس الشي بس فرق واحد الي مخلاني انام موشش حشره لااءء
جا شنهي ويبتسم
جريدي جبير ظل الليل كله يحوس وانه مكابلته للفجر الحد ماطلع من الغرفه
خنزر وجر ايده بقوه وعوجهن
خوششش اشوفن الليله ياهو الي يصير جريدي بت جواهر
***********
بيت خلف
الكل كاعد على العشه
خلف
جواهر جا وينهة رقيه
جواهر
بلمطبخ
شتسوي صيحيهة
نجم
شبيك راضي ماتاكل مد ايدك بسم الله
راضي يخوزر برقيه الي جتي تكعد غصب بعد ماراحت عليه امهة
رقيه
افففف
الام
تنغزهة وبهمس
كعدي واسكتي ستري علينه ابوج واخوتج لتفطنيهن عليج مدي ايدج واكلي
راضي
شلونج بت عمي
رقيه وهيه مدنكه على الماعون الكدامهة
زينه
راضي
الحمد لله التفت على عمه
شيخنه انه اردن اقدم عرسي واسوي اسبوع الجاي
رقيه
شهكت واختنكت بالاكل
الام
اسم الله اخذت كلاس المي وانطتهة
شربي
التفتت على راضي
هي هاي وكتهة
خلف
جواهرررر
جواهر حطت ايدهة على حلكهة بمعنى سديته
اممم سكتنه
رقيه تاكل والدموع ترس الماعون
راضي يباوعلهه وكوه متحمل بوده يدير الماعون على راسهة وهو يعرف سبب بكائهة
فضلت الغريب عليهة وهو جان ناذر عمرهة الهة ومنتضرهة سنه وره سنه تكمل وتاليهة راحت الابن حمود كتال اخو لكن بسيطه وين ترحين هين مصيرج يمي
عيونه صارن حمر
الحمد لله
نجم
هاا شكلت توك ابن العم
بكلبه
صار زقوم عليه
انه اترخص واجيك عمي بليل حته نفتح السالفه
نجم
ظل اشرب جاي
بيتك عامر لليل انشا الله
نجم كام يوصله
راضي
اكعد ابمجانك والله مدكوم
رقيه
هه الي يشوفه يكول ملاك هو بالاصل شيطان رجيم
سمعهة واظطر يرجع
عمي من رخصتك بس كلمه ويه رقيه
خلف
اي بويه مايحتاج تترخص حرمتك هاي
رقيه كاعده استمرت بالاكل وهي ولا جن سمعت
نجم
رقيهههه
ها ااا خويه
مسمعتي
شنو شرايد
راضي روحيلهه رايدج
كامت وهي تمتمت بلكلام وبتكاسل
أنت تقرأ
سلاسل من رصاص
Romanceتدور القصه حول خلاف بين عشيرتين يقتل فيها الابرياء وتموت فيه العاطفه ولا يبقى سوى الحقد والعداوات لسنين فهل يستطيع روميو ان يعيد حبيبته جوليت الى الحياه ام تبقى الخلافات و يموت الحب الى الابد القصه للكاتبه ذكرى المندلاوي
