سلاسل من رصاص

السادس

مساء الخير
قصه للكاتبه ذكرى المندلاوي
سلاسل من رصاص

زهراء مدنكه وتبجي وتملخ بروحه التمن عليها
النسوان هاي الدكول
تستاهل حيل بيهة اخوتهة اولد عمهة كتلت زلمنه
وهاي الدكول
عاشت ايدكم
وهاي الدكول
حرمه شلهة ذنب
صاح واحد بيهم وخر الزلم
كاظم
هذا ياهو السوه بيج هيجي نده على النسوان
ماكو بيجن وحده خيره تغطيهة بعبايه
ماكو رحمه من يمته بيت حمود ياخذون ثارهم من حرمه
وحده من النسوان
خويه هاي مريته السعد هيه وبنات عمهة سحلنهة سحل وخلنهة كدام الزلم هيجي
كاظم
ام جعفر تعالي وجيبي عبايه وغطيهة
مرت كاظم
خلهة تولي شلك غرض بيهة انته بحالهة بحال اخوك
المات
خنزرلهة طبت جوه وهية تعوج بحلكهة
ام جعفر
والله ان دره سعد ليسودن عليجن انتن شمسويات بيهة مخالات مكان مابي جرح
كومي بنيتي سوده عليه شمسويات بيج من كون الله لا يوفقجن
تعالي سكينه كوميهة وياي مابيه

زهراء
انطوني بس العبايه ارد اروح الهلي
(هيه بعد ماسمعت سعد وكلامه مستحيل تبقى
هو راح ياخذ ثار اخوه منهة وكلما يشوفهة يتذكر
اخوه المات)
ام جعفر
بنتي انتي فطنه وتعرفين هذا مو وكت الزعل وزلمتج محتاجج توكفين بصفه ولتعوفيهن يسوون الي يردنه
خاله هو ميريدني كرهني يريد يموتني

منو الي كلج لتسمعين كلامهن ذني الله يستر منهن
ادكولين حيه اب٢ رووس هيه وبنات عمهة مالج غرض بيهن اكعدي ابيتج الحد مايجي سعد وهو يتصرف وياهن

زهراء ويه روحهة

صحيح كلام ام جعفرهية لازم تبقى حتى توكف بصف زوجهة
وحبيبهة الي تسوي بروحتهة غلط منو يكول هاذي
مكيده من فاطمه والي سمعته جذب
هيه لازم تبقى وتسمع من سعد وهو هسه بأمس الحاجه الهة
ام جعفر
ها بنيتي عفيه عليج دكومي كعدي يمي مالج غرض بيهن
كامت على حيلها وطبت جو ابغرفه ام جعفر الي بصف المطبخ مدت جسمهة من الوجع
دقائق وكفت على راسهة فاطمه
صحيح ماعندج حيه لج انتي مو شمرتج بلشارع
ام جعفر جتي تركض
فطيم عوفي الحرمه ابيش طالبتهة
ههه كل هذا وتكلين ابيش طالبتهة
عوفيه من يجي زلمتهة هو وياهة يتحاسبون طلعي منهة انتي
جا خوشش الا اخلي هو بنفسه يطردج للشارع وماكون اسمي افطيم ان ما سويتهة
زهراء وهي كوه فاتحه عيونه من الوجع

الله لا ينطيج العافيه خلصتي ولي من يمي والي تردي سوي
فاطمه راحت عليه تريد تتهجم
ام جعفر
ولج فطيم عوفي المره بحالهة امكسرته اتكسر شضال بيهة
عافتهة وهي تتحلفلهة

*********
سعد
ويه ضابط
احنه ماعدنه اي شكوه ومنعرف الي صوب اخوي
وكتلهة
الضابط
معناه هذا حجيك انوا انتوا راح تثورون عليهم وبدال
واحد راح يرحون عشره
سعد
كتلك مااعرف الي كتل اخوي وهذا الي عندي وبس
وذولهة الي جايبهم وياك همه  وسلاحهم هاي وين صايره ماكو دوله ماكو قانون
احنه عشاير قانونه وحد وحكنه ناخذهة بدينه موش بلحكومه
الضابط
هسه انت ابدال ماتهديهم شيخ عشيرتهم وكلامك
يمشي عليهم تقبل تتيتم اطفال وتترمل نساء مالهة
ذنب

العين بلعين والبادي اظلم
خوشش انت تعرف زين كتال اخوك انطينه واحنه نقص عليه القصاص العادل عليمن بعد امدخل البقيه
سعد
اني كتلك مانعرف ياهو جتاله
يعني مصر
سعد ٠٠٠٠٠٠٠٠٠
خوشش تعال وقع وروح
عليمن اوقع
على افادتك
**********

راضي
اخخ بويه ماكون انه ابن ابوي ان ما جتلتهم كلهم

الاب
تهده وكلشي يجرالك
راضي
عمي بنيتك وينهة
خلف
خيرك راضي شو انت مسختهة رقيه مالهة غرض
عمي شلون مالهة غرض يعني اني اقشمر
وراح اخوي عضيدي بشربه ماي
خلف
سكت شيكولهة هو هسه محترك كلبه
رقيه ابغرفته وبسك عاد خلينه نشوف الضابط
وتعرفون شلون تكلمونه
راضي عاف كل شي وضرب كلام عمه عرض الحائط
وطلع الرقيه

دفر الباب وهي جانت مكرفصه بالزاويه بعد ماملخت
روحة من البجي واللطم  على علاء
هو جان المحب والعزيز والصديق وكلشي حلو بحياتهة فقدته وفقدت كل امل بلحياه
سمعت صوت  فززه من مكانهة

ولج عليمن املخه وجهح على ابن عمج الي راح شبابه وهو يحمي عرضه لو علمود علمود ابن حمود النكس الي جتلناه وذبيناه حاله حال الجلب
رفعت راسهة خنزرت بوجهة وتفلت
تفو عليك خسيس وتبقى طول عمرك لو تموت لو تشلع كلبك وتقدم بطاسه ذهب
مااحبك ولا راح احبك انت قاتل ومجرم تريد اتكمل جر شعرهة وضربه بوجهة
صاحت امهة جواهر
خلف الحك راضي جتل بنيتي
خلف
عوفيه خلي يربيهة بتج ممتربايه ودنكت راسي للكاع
من وراهة
جواهر ركضت على بنتهة وهي
تحاول  تفك بتهة منه
ورقيه تصرخ
جبان وهو يضرب
الحد ما انتهت شمره بلكاع وهو يهدد
ان ما راويتج هذا الجبان اشيكدر يسوي

جواهر
يمه بنيتي الله لا ينطيك انكسرت ايدك
عافه وطلع
راضي
عمي ولو هذا مو وكته رقيه رايدهة انه الي
الاب موش وكته
لا يابوي هذا وكته حته الي عنده كلمه عليه انه اكللهم هاي حرمتي وهو تعده تعده على شرفنه واحنه جتلناه الهل الغرض ونسد حلوكهم
فكر وصفن خلف وبعدهة كال

رقيه الك ومتصير الغيرك بعد الاسبوع تعقد عليهة حته من نكعد محد اله حجه علينه
سمعت رقيه ونزلت تركض
لا يابويه ليش ذبحتني انه بنيتك حرام
خلف
حرمت عليج عيشتج وتتراددين وتكسرين كلمتي
انعل البطن الي شالتج
جواهر
هيجي خلف
اتكضين بنيتج وتعلميهة لو اعلمجن اثنيناتجن

جواهر سحبت بتهة
رقيه
انه اعلمك يراضي الخسيس ان ما سودنت عيشتك
ماكون بت خلف
راضي
تسكتين لا اموتج بيدي ومحد يكلي لا
*************

الساعه السابعه صباحا
اجو الزلم بعد مادفنوا علاء
سعد حط راسه بحضن امه وهو يبجي وهي تنعي
وبجت وبجت الحواليهة
كاظم
ياخوي انت تعبت روح غسل وتعال اكلك لكمه ورانه وادم راح تجي تعزي
سعد بلكوه يشيل روحه
صعد الغرفته يغسل انصدم
اشجابج هنا وينهة زهره
فاطمه
هله بيك ابن عمي والبقيه بحياتك تعال اغسلك
فك عيونه على وسعهن وهمس بكل هدوء
ولج سألتج سؤال جاوبيني عليه
وينه حرمتي
فاطمه
هذا صوجي ماردت اكدرك من اول يوم وانت جرحك
بعده جديد
ياصبر احجي فطم لا اطلع قهري كله بيج
فاطمه
ابن عمي مو كلتلك ماتستاهلك ؟؟؟
هيه اول ماطلعت اخذت عباته وركضت البيت اهلهة
وحاولت تشرد وهيه مفرعه
وجابنهة النسوان سحل من الشارع
واخوك كاظم ردهة
جن جنانه وصاح هي هسه وينهة
جوه بغرفه ام جعفر
ركض جوه عليهة وهو كلبه مشعول وهذا تصرفه
شعلهة بلزايد
*********
ويستمر الرصاص
للكاتبه ذكرى المندلاوي