مساء الخير
قصه لذكرى المندلاوي
سعد
هايمه كولي
تعال يابعد امك
اجه سعد وتقدم عليهة وهو يعرف السبب
ام سعد
ابني سعيد جبتهة البنت جواهر
هز راسه
جا خوش هسه اسمعني
خير يمه
كل خير انت تعرف زين اشسوت بينه وشلون فضحتنه وخلت صيتنا يوصل للعدو والصديج
وهاي سوايتهه لازم متعدي وانت يبعد امك ملازم اعلمك شلون تتصرف وياهة انت الشيخ سعد ابن الشيخ حمود مو حي الله واليوم اذا هيه ممديت ايدك تضربهة باجر تمدهة الحته تعضه من الندم
هاي سوايته تنكص عليه ركاب لجن انت منطي كلمه
مثل ما فهمت من اخوك للشيخ وادي بس انت مراح
تذبحه راح تعاقبهة بغير طريقه افهمتني ابني
هز راسه
اي يمه فهمتج
وهسه روح يسولوكم عشه انت واخوك
وانتي
مااشتهي انه راسي يوجعني اخذت حبايتي وارد انام
سعد باس ايد امه وراسهة
يمه لا تنقهرين الي تردي يجرالك ولايصير ابالج
روح يمه الله يرضه عليك
تمددت ونامت
طلع سعد وسد الباب وركض الغرفه زهره
زهره
لمت جنطت الملابس الي جايبتهن من بيت الشيخ وادي وصفطتهن بكنتورهة ومدت سجادته
وكعدت اتصلي ودعت ربهة تكون ايامهة الجايه احسن ويهدي سعد واهلهة عليهة ماعدا افطيم هاي
تعرف كلش زين لو شما تدعي كلبهة مايصفه تجاهة
لان هيه انسانه حقوده ومسمومه وراح تضل تحاربهة
بكل انواع الاسلحه الحته توصل المبتغاهة الا وهو
طلاكهة من سعد
جرت حسره بكل قوه وهي كاعده على الطابوريه اكبال المرايه تنزع اسوارات الذهب والملاوي الي انطتهة امهة الهة بكل حب وعباله بيهن راح تكدر تفرح كلبهة البنتهة (كلب والده)
زهره
ابتسمت بحزن
هه
انفتح الباب بقوه وانغلق بنفس القوه
عرفته من طريقته بلفتح ماكو غيره سعد
سعد
اتقرب الهة وشال الذهبات باوع بيهن ورد شمرهن
وجهة علي عبارات الاستهزاء
هاي منينلج تكدرين اتفهميني
سكتت وكامت من يمه لان جان حيل متقدم منهة وهي بدت تكره قربه منهة
سعد جر ايدهة بقوه وهو متقصد يوجعهة
من احجي مره ثانيه متعوفيني وترحين تنتضرين الحد مااكمل مو هيجي الاصول يابتت
جواهر لوو انتي اهلج ممعلميج الاصول
زهره
انه كلش زين متربايه وانت اول العارفين بسسس
شنوو بس احجي
انه بعد مااكدر اتحمل سوالفك وكلبي مينطيني
انسى كلي الي سويته بيه وارجع وياك عادي جن مصاير شي اعذرني ودارت وجهة
سعد
هممم كلبج ماينطيج وهذا كلبج شوكت بده يتغير
من رحتي الي بيت وادي لو قبله
جرت ايدهة بقوه منه وهي تخنزر
انت صدك ماتستحي
ليش انه شكلت وتحسستي لووو
انه ماسمحللك تمس شرفي انه اعرف قصدك شنو
ياسعيد
جرهة من شعرهة واخذ كتله جبيره بيده وكانما يريد
يقلعهن من جذورهن وهي تكتم صرخته وجعهة
مد اصبعة وهو يهدد وعيونه الحمر الي تبين مدى
عشقه للدم ومن كثر الحقد الشايله بكلبه
اششش حسج عينج مااريد اسمعلج صوت
عوفنيييي اخخخ بويه الحكلي
بت الكلب وتصيحين بسمه ابيتي وبغرفتي اليوم
انه اعلمج عبالج راح اعديهة الج فضيحتي صارت على كل السان من وراج والله العالم شجنتي اتسوين
يمهم مو انتي عندج سوابق
زهره
هيجي صارت كمت تعيرني بحبي الك وتسألني ليش تغيرت ؟؟
انت الي تغيرت شوف عيونك بلمرايه
واتأشر على المرايه
شوف ليش متحاول تباوع لعيونك الغركانات دم احمر من الحقد الي نمله كلبك
ليششش وين صار سعيد الي جنت كلما اشوف عيونه اغرك بيهن وتنسيني الكره والعداوات
جانن حمامات سلام بلنسبه اليه احس بيهن الحنان
والعطف الي مجنت اشوفه عد اهلي الي جنت انهزم منهم والتجأ ليهن
وهسه متسأل روحك ليش عيوني من تشوف عيونك
تنهزم ؟؟؟
متجاوب ؟؟؟
انه اكولك ليش
ابساطه كمت اخاف منك وصرت انهزم منك والتجأ الاهلي منك لا مو بس اهلي اي وادم غيرك
سعد
مثل منووو ؟؟؟
كولييي؟؟
شتريد وليون تريد توصل شيخنه
صك على اسنانه
سعد كوليه لو هسه بهل الليل ابتلي بيج وشد على شعرهة ويتقصد يوجعهة
لو تموتني ماكولهة انت بلنسبه الي صرت غريب وانت كاعد تحملني فوك طاقتي
دفعه وشمرهة بلكاع وطلع من الغرفه بعد ماطبك الباب بقوه
زهره
رفعت راسهة للسمه
ربي ليوين اظل بهل العذاب واحمل ذنب غيري
انه اسويت كفرت صرت حرمه شنو الذنب الي سويته لو تموتني وتخلصني من هل العذاب لو تغير حالي بعد خلص مااتحمل كل الي ديصير
بودهة تصرخ بعلو صوته وتسمع حجيه ونداءئه
عسى ولعل واحد يسمعهة
أنت تقرأ
سلاسل من رصاص
Romanceتدور القصه حول خلاف بين عشيرتين يقتل فيها الابرياء وتموت فيه العاطفه ولا يبقى سوى الحقد والعداوات لسنين فهل يستطيع روميو ان يعيد حبيبته جوليت الى الحياه ام تبقى الخلافات و يموت الحب الى الابد القصه للكاتبه ذكرى المندلاوي
