مساء الخير
سلاسل من رصاص
قصه بقلم الكاتبه ذكرى المندلاوي
البارت الاول
زهره
شوف والله اكتل روحي بس توصلي
شنهي بكيفج اخذج غصب
اكرهك
اعرف كلش زين موحاجه تعيديهة عليه
طبعا ماتحس لانك موش زلمه
طاخخخ بت الجلب اخوتج ابوج همه مو زلم خليناهم يلبسون عبي لو ما ذبوج عليه
هه
اخخخخ لو سامع كلام ابوي جان هسع فوخت كلبي
ويعني انت مسامع كلام ابوك يلجاهل ابن امك
طاخخخ
بت جواهر عيديهة لااشمرج من شباك الغرفه
زهره وهي خاله ايدهة على خدهة
اكرهك
هه عود ضوجتني بت خلف الخايس
لتجيب طاري ابويه على السانك النكس ابن حمود الملعون
ايابت النعل طاخخخ
مريم ام سعد
اي ابن ابوك عفيه عليك هاي بت جواهر رايد واحد يشكمها٠٠٠
الله لاينطيكم العافيه عوفوني
سعد
عشم ابليس بلجنه هنا موتج اطلعين عتبت الباب اكسرها الراسج واكطع لحمج واوزعه لچلاب السككك٠
بچیت بحرگه اني الي يكلون علي فصليه
٠باعوني هلي برخص الثمن٠٠على طلابه قديمه
اني زهره الحره صرت عبده ٠٠لان العشيره حكمت
ولازم الكل يمشي بشورها٠٠٠
اليوم احجيلكم قصتي
يتبع
سعد نزل الامه
هاا اوليدي هم رفضت
سعد
يصير خير يمه
شيصير خير هذا اسبوع الك من ذبوهة اهلها علينا
نردهة الاهلها ونكللهم هاي بتكم موش بنيه
سعد يعرف زهره كلش زين
سعد
يمه هذا الحجي اني سمعته مااريد احد غيري يسمعه
انتي نسيتي منهي زهره لو اذكرج
الام
هاا سعد رجع گلبك يحن البت كتالت اخوك
يمه موش هيجي الحجي بعدين اني هم ذبحت اخوهة
الام
اخخخخ هذا ناري ميبرد اله اخليهة تتمنى الموت ميت مره بليوم
سعد
يمه عوفيهة الخاطر الله تراج مصختيهة
مو كلتلك انت بعدك گلبك يرف عليها وتكره اجيب طاريهة بلشين
بعدك مناسيهة هي لو شريفه جا مامشت ويه ابن العالم توالي الليل وتعشك وتتمعشك لا ادور تريد تنهزم وياك ماانسه ابد يوم الي رادت تشرد انت وياهة ورجعت الدموم بين العشيرتين بعد ماانسدت
سنين٠٠٠
سعد
هو يحبهة لا وبعد يعشكهة لكن مينسه موتت اخو مرتضى من وره اخوهة مزعل بس هو اخذ حكهم
من كتل مزعل
وصارت معارك طاحنه بكافه انواع الاسلحه وجرت
هاي السالفه شهر
الحد ماجت الحكومه وفضتهة
وجبير السلف كام وخصمهة بينهم
ناخذ بت منهم لابنهم حتى ينشال الحقد الي صاراله اسنين ابا عن جد وتصير بيناتهم نسب جديد ودم جديد وينمحي كل ماصار
لكن هيهات
الي بين العائلتين حقد مترسخ ابمخ كل واحد بلعشيرتين
حتى الاطفال
واحد يكول للاخر
هذا البستان تابع العدونه بيت خلف لتوصل يمهم
*************
نعود الي سنين مضت ايام الاجداد وسبب الخلاف بين العشيرتين٠٠٠
أنت تقرأ
سلاسل من رصاص
Romanceتدور القصه حول خلاف بين عشيرتين يقتل فيها الابرياء وتموت فيه العاطفه ولا يبقى سوى الحقد والعداوات لسنين فهل يستطيع روميو ان يعيد حبيبته جوليت الى الحياه ام تبقى الخلافات و يموت الحب الى الابد القصه للكاتبه ذكرى المندلاوي
