سلاسل من رصاص

ثلاثه وثلاثون

مساء الخير
لكل متابعي ومحبي قصص
ذكرى المندلاوي
راضييي شلونه
هااا راضيي اصابته خطره الرصاصه قريب من كلبه
اخخخ تولوا ولديننن
سمعت شهكه ويه شهكتهة
التفتتت
رقيه ويه روحه
هاي وين شايفتهة
ملاك حست بلغلط الي سوته
هي ماعدهة اي صله براضي حته وان بيناتهم طفل
هذا مينطيهة الحق تفضح سر هو محذرهة من ان تبوح بي هو هدد وتعرف كلش زين ينفذ ويمكن تخسرهة للابد بعد ماصدكت رجع يتواصل وياهه حته ولو من اجل ابنهم فقط وهذاالشي كلش كافي بلنسبه الهة من بعيد لبعيد تطمأن عليه وتروح بليه متحسسس واحد خاصتا رقيه تعرفةكلش زين هي حب حياته الدليل فضلهة على ابنه راضي الصغير

رقيه
انتي وين شايفتج
ملاك
يمكن بلسوك ابيع ملابس
اهااااا عرفتج بس شعندج مريض؟؟؟
اييي اخويي
الله يكومه بلسلامه
تحجي رقيه وعين ملاك على الباب الي بي راضي
وانتي
والله طلابه عشائريه واتصوبوا بيهة اخوي وابن عمي

وشلونهم هسه
ماادري جاي اشوفهم والزلم متروسه الردهة مايخلون النسوان تفوت ومنتضرين الدكتور ابن عمي اصابته خطره وهو بلعمليات
متحملت اخاف تنفضح رجليهة محملتهة
راحت كعدت على احد الكراسي الي موجوده باخر الردهة
ملاك وعيونه كلها حزن
الله يكومهم بلسلامه
رقيه
غريب امرهة حست بشي موطبيعي ابملاك
اخوج هم بلعمليات
اييي نعم ومنتضره الدكتور
الله يكومه بالسلامه
شكرا
رقيه الامهة
كعدي على الكرسي مابين اشوف احد اسئله
الام
وهي مابيه حيل وكل حيلها راح بلهبطه وبس تدعي الله يحفظهم ويطلعهم من العمليه بسلامه
يارب بكل من عند جاه عندك احفظهم وفرح كلبي وبشوفه اوليدي
يام الحسن ياام البنين ياشريفه بنت الحسن انه جايتكم وماتخيبوني سلامه ولدي اريدهة منكم
اووو ظلت تنذر وتسبح
محد يحس بكلب الوالده على ولدهة اله الي خلقها
الدكتور
يجماعه على كيفكم مو انتوا راح تأثرون على المريض وكل المرضى الي وياه
نجم
بس سؤال شلونهم
الحمد لله كدرنه ننقذ مجموعه بسس مريض واحد
جانت اصابته خطره وللاسف انطاكم عمره
الصريخ صار ماله والي
اولهم الام وملاك ورقيه
وكلمن يلتفت للثاني ياهو الي انطاهم عمره
الدكتور
اني شكلت وبعدين هذا كله غلط وبسببكم مهما تكون
المسألهومتنحل بلسلاح انطوا السلاح بيد الدوله هيه تاخذ حقكم وهاي الارواح شنوا ذنبها
وراد يروح بعد ما هز بيده ونفخ وخله الكل تصيح
يايابه يابويه
رقيه
الدنيا افترت بيها وكل الي مر بهل الفتره ويه راضي
صار كدامها
ملاك وكعت من طولها وملخت شعرهة امام حيره ودهشه الحاضرين رغم همه هم كانوا بصدمه الفقيدهم
لكن
وبعد ماطلعوا الجرحى كانت الصدمه
الميت مجان راضي
ركضت ملاك وهيه ناسيه نفسهه وفاقده بعد الخبر المشؤوم الي سمعته على السديه الي يجرون بيها
يابعد عمري يابعد دنيتي
وكامت تمسح براسها وتشم بي وتبوس امام دهشه رقيه الي جت تركض عليه لكن تراجعت وهيه تشوف منظر ملاك وحركاتها وتسمع كلامهة
شلون تيتم ابنك ترضاهة يراضي
سندس جت تركض على صاحبتهة الي خربت الاول والتالي وعذرتهة لان تعرف مدى حبهة اله سحبتها بكل هدوء امام انظار الكل