صباح العسل
قصه لذكرى المندلاوي
سلاسل من رصاص
زهره
انه حبيت والحب للحرمه جريمه بحكم العشاير
وشحال انه جريمتي اكبر من اختاره كلبي هو ابن عدوي جانت جريمتي اكبر وافضع
جتني المصايب من كل صوب
وصار الرصاص هو المتكلم الوحيد بين العشيرتين
وراحت ضحايا بريئه بصوبين وانه
صرت حرمهةمنبوذه بعد مااطشرت سالفتي بكل العشاير
و عار الهلي ولزمن يخلصون من هذا العار
واول ماطلبوني فصليه
اهلي ماصدكوا سلموني بيد الي جنت احسبه حبيب
والي بعت الكل علموده وكلت خلاص يازهره
سعادتج واحلى ايامج بدت من يوم الي انزفيتي السعد لجن مادريت انه طبيت برجلي للجحيم
وهذا الاسمي حبيب وطبيب صار
جلادي والحقد مالي كلبه
مرت عليه ايام وليالي مااتمناهة العدوي
ظلم وتجريح وكلمات اقوى من الضرب نفسه
كمت اتمنى الموت بكل لحظه ولو مو مامخافه الله جان
طلعتهة الروحي من زمان
ايههه شحجيلك شيخنا انه وجعت راسك بسالفتي الي الهة اول مالهة تالي
سعد جاي اليوم يرجعني مو حبا بيه لااء
هو يريد يريح راسه بعذابي وتدميري
يريد ينتقم الاخو المجتول من خلالي
انه الحرمه شنو ذنبي
ذنبي حبيت ؟؟؟اذا جان هذا ذنبي
انه مستعده بس خليهم يرموني برصاصه الرحمه ويخلصوني حالي حال الزلم الي راحت
سكت الشيخ فهد وهو يسمع كلامهة للاخير بدون ميعلق وهو يفر بسبحته ومدنك
وصار فتره من الهدوء بعدهة كال
يصير خير بس ارد اسألج سؤال
اسأل شيخنه
عندج اولاد؟؟؟ لو وواكو بلطريق
تعجبت زهره شنو معنه السؤاله هذا سؤال مو ابمحلهه
زهره
لا شيخنه
فهد
هز راسه يصير خير
وكف يريد يطلع كال
لا تخافين يازهره
انه كتلج وصلتي والشيخ فهد مايوم خيب من ينخاهة خصوصا حرمه لو اعرف اقدم روحي لاجل احميهة
بس سؤال اخير
كول شيخنه
انتي بعدج تحبي ؟؟؟ العفو ولو هذا غريب بس صدكي حتى يرتاح كلبي وماحس انه ظلمتكم وظلمت حبكم
زهره
لا شيخنه انه بعد اخر تصرف السعد كرهته وكرهت
روحي لان فد يوم حبيته
خوششش لجن روحي ارتاحي والج الصافي
واذا سألج غيري كوليله نفس ماكلتيلي
زهره
تسلم والله يحفظك الهلك والعشيرتك وترفع راس
شيخ وادي وترد الظالم عن ظلمه وترفع صيت العشيره اكثر بعمايلك الزينه
فهد
ههههه هاي كوله وانه مامسوي شي
زهره
كل هذا وماسويت شي ؟؟؟
ابتسم وكال ويه روحه
انتي غير،،، ليش احس انت غير كلبي ينبأني رغم اني ماسامع بس صوتج لووو هذا بدايه عشك
لااء يافهيد عيب الي ادكوله مو انت الي تحجي هل الحجي عيبه بحقك
***********
فاطمه
هااا يسعيد بشر
ولي من يمي انه مو طرتج الهلج اشجابج هنا
فاطمه
هه صدك لو كالوا هاي فوكاهة روح للي شردت وفضحتك بين العشاير
بت الكلب انتي شنو متشوفيني بيا حال
كام يضرب بيهة وهيه تصرخ
كاظم
شنهي القصه مدكلولي اهنا الوادم جايه تعزي
سعد
وخروهه من يمي لا اموته اليوم (بصراخ )
فاطمه
مااروح هنا بيتي لو تموتني
كاظم
كومي وكسري الشر اليوم ماتشوفينه شحاله صاير
فاطمه
اي عيني هذا كله بسببهه حبيبه الكلب الي شردت وراحت الحضن غيره وهو بعده ميت عليهة
أنت تقرأ
سلاسل من رصاص
Romanceتدور القصه حول خلاف بين عشيرتين يقتل فيها الابرياء وتموت فيه العاطفه ولا يبقى سوى الحقد والعداوات لسنين فهل يستطيع روميو ان يعيد حبيبته جوليت الى الحياه ام تبقى الخلافات و يموت الحب الى الابد القصه للكاتبه ذكرى المندلاوي
