اسعد الله مساءكم
قصه سلاسل من رصاص
للكاتبه ذكرى المندلاوي
وادي
بويه فهيد اخذ زلم لا تروح بوحدك
فهد
افه عليك بويه انه فهيد ينكالي هيجي هو خلك
نص زلمه
فهد
بويه ماينحزر شنهي ماشنهي
لا تخاف بويه ابنك زلمه وراح يجيبه من ياخته
اشر الشيخ لبراهيم ومحسن روحوا وراه
فضه الزهره
ديري بالج ابنيتي على روحج ليكون مسويلكم كمين مثل ماكال الشيخ وادي
الله كريم بس ادعيلنه نكضه حته تثبت برائتي
الله يستر عليج بنيتي وتنكشف الحقيقه وتظهر للكل اولهم سعيد الي مخاف الله بيج سوده عليه مافرحتي مثل باقي البنات كضيتيهة كله خوف بخوف الله ينتقم من الي جان السبب
*******
كاظم
سعيد يواشك دخل اجي وياكم
وين تجي خويه بعده جرحك اخضر
خويه اتهده شوي ولتتعجل وسلاحك خلي للاخير من مايظل عندك كل حل
صار خويه اطمن
ابوسلمان دير بالك ليغدرون
اشحدهم غير نكلب ابيوتهم عليهم
******
سكينه بخوف
كرار شصاير احجي ابو سلمان ليش خابرك
هااا
لا ماكو شي هيج
شنو ماكو شي اكيد امي شبيهة كلي
موشش امج اتهدي
لجن منو كظيم اخوي لو سعيد احجي
مووالي تتصوري اتهدي
انه رايح لان جانه خبر لاكين مجان زهره مرت سعد
ياااا صدك خطيه الله يكون بعونج يازهيره دير بالك
كرار لتخلي اخوي سعد يذبحهة الله عليك
جا هيه هيته شنهي يذبح مايذبح غير تهد العشيرتين
علينه خلف وعشيره وادي
انه اخاف على اخوي من يتعصب ينسى كل الكدامه
واخاف لا ينجتل شلون بينه
كرار دير بالك عليه وعلى روحك العباس عليك
خوشش فوتي جوه عليش طالعه
سعاد
شلونك كرار
سكينه بهمس
لا هله ولا مرحبه
كرار خنزر بيهة
فوتي جوه
سكينه
حتى يحلالهه الجو
كرار تاليتهة وياج
فاتت بس بزعل
شعندج يوميه جايه
غير احبك وعيني مشتاقه الشوفتك
لا بالله وتريديني اصدكج
ليشش هيجي تحجي موانه حبيبه كلبك بهل السرعه نسيتهة لووو جان حب جذابي
هه احجي ويه روحج.حبج الي جان مصلحه من اجاج الاحسن عفتيني ورحتيلهة
انت ترد لنفس السالفه مو انه ماقبلت بي وفضلتك انت
بعد ايش بعد ما خصرتيني يا ااا سعاد
كولهة كولهة موششش انه سعاده كلبك هيجي تسميني شبدلك علي لدكول هاي الهايشه بدلتك عليك
مااسمحلج تسبي حرمتي وهاي اول واخر مره وروحي منا عندي شغل مفاضيلج
خوششش تاليتهة مرجوعك السعاده يااابيت كلبي
طلع وعافهة
سكينه تاكل بروحه وهيه تباوعلهم طولوا بلحجي وهيه تضحك وتتموع
اخخخ لو مو العيبه ويكلون علي توهة عروسس وسوت مشكله وياا بت العم جان مرغلتهة بهل الكاع
ومسحت بيه البيت كله بس هينه يصير خير
دخلت والخشم عالي وتباوعلهة من فوك ليجوه وهي تستحقرهة
سكينه
شبيج معاجبينج
اكيد
لون ليش جايه
شنو انتي ليكون صدكتي نفس جنت البيت كلها يومين واحسبيهن بيدج وراهة البيت وابو البيت يصيرون ملكي
هههههع والله وشلون ادكولهة وتتموع
ولج بابا اني حرمته وجنت البيت وباجر اصيرن ام ابنه
وتأشر البطنهة
توسعت عيونه من الصدمه
شنهييي
اي عرفتج راح تنصدمين من المفاجئه ههه من محبتج اليه
انه الج ان ماندمتج
دروحيي درب السد مارد
*********
أنت تقرأ
سلاسل من رصاص
Romanceتدور القصه حول خلاف بين عشيرتين يقتل فيها الابرياء وتموت فيه العاطفه ولا يبقى سوى الحقد والعداوات لسنين فهل يستطيع روميو ان يعيد حبيبته جوليت الى الحياه ام تبقى الخلافات و يموت الحب الى الابد القصه للكاتبه ذكرى المندلاوي
